Ei tur sawngbawl dan chi hrang hrang sawihona buatsaih

0
344
views

Ei tur sawngbawl dan chi hrang hrang sawihona vawiin khan Aizawlah buatsaih a ni. Confederation of Indian Industry leh Ministry of Food Processing Industries \angkawp buatsaih, Food Processing Conclave 2018 tia vuah hi Aijal Club-ah buatsaih a ni a, Mizorama eitur sawngbawlna tih changtlun dan tur leh Mizoramin hemi kawnga remchanna a neih te chu thlur bing a ni. A hmanpuitu Larsap Lt. Gen. Nirbhay Sharma chuan, eitur sawngbawl kawngah hmasawnna tur leh \anlakna tur tam tak ala awm thu a sawi a, hemi atan hian sorkar, investor leh kuthnathawktute thawhhona \ha neih a pawimawh hle a ni a ti. Larsap chuan, \henawm ramte nena insumdawntawn kawngah Mizoram in hmun pawimawh tak a luah tih sawiin eitur sawngbawl leh pawn lam atanga lak luh kawngah mipui ten an rilru puthmang an thlak a \ul a, investment ti duhte an rawn luh theih nan inhawn a ngai a ni a ti. Food Processing Conclave-ah hian thupui thlan bik chi hrang hrang hmangin mithiam ten thu an sawi a, huamzau taka sawiho a ni bawk.