Union Home Minister ruahman angin nichin tlai dar 4 a\ang khan Mizoram leh Assam Chief Secretary ten Bairabi Zophaia buaina thleng chungchang an sawi dun. He inbiakna hi Union Home Secretary kaihhruaina hnuaia neih niin, Chief Minister Pu Lal Thanhawla’n nimina House a hrilh dan chuan ramri chinfel chungchang ni lovin tuna Zophai hmuna buaina thleng mek chinfel thuai dan tur an sawiho dawn a ni. Inbiaknaah hian Mizoram aiawhin Chief Secretary, Pu Arvind Ray bakah Home Additional Secretary, Pu Lalbiakzama leh OSD Home, Pu David H. Lalthangliana te an tel a, Assam ramri chungchang inbiaknaa Mizoram aiawha tel tur Chief Secretary leh a thurualpuite thu ken tur chu kar kalta Ningani khan Chief Minister, Pu Lal Thanhawla’n a lo enfiahpui tawh a ni.
Hetihlai hian Bairabi Zophai hmuna MZP te chawlhbuk sak tumna lai chu Mizoram Police, 1st IR ten an la luah zui zel a, 1st IR sipaite hi commandant Pu H Thangzuala’n a ho a, an piah lawkah Assam Police te pawh an la inkulh a ni.
