Election Commission of India-in Bru-te tuna an awmna Tripura-a Electoral Roll Revision neih chilh tura a rawt chu Mizoram sorkarin a hnial a, Electoral roll thar ber hi September ni 27-a tarchhuah hman tura duan anih avang leh chutah chuan bru Mizorama lo let te zinga vote nei theite thun an an nih theih nan Bru te hruaikir hna hi September ni 10 a zawhfel hman tum a ni

0
210
views

Bru Camp-a electoral roll ennnawn hna thawh chilh tawh loh nise tia Mizoram sorkar rawtna hi Election Commission pawhin a pawm a, Bru-te hian kumin kumtawpa Assembly inthlanpui neih hunah vote an thlak ve theih nan leh kum 18 tling tawhte chu electoral roll-a thun vek a nih theih nana ruahmanna siam tur leh Assembly inthlanpui neih tur atana Final Electoral Roll chu September ni 27-ah tihchhuah hman tum a nih avangin Mizoram sorkar chu September ni 10 hmaa Bru-te chu hruaikir hman tum turin a ngen a. A hun hi tepter deuh mah se, harsatna dang a thlen loh chuan zawh theih beisei a nih avangin ECI dun danin Bru-te hi september ni 10 hmaa hruaikir hman vek tum a ni.