Election Department-in Prism Party chu Lok Sabha inthlanpui neih tura an Campaign au hla, Right to Secession Bill chungchangah insawifiah turin a ti.

0
198
views

Election Department hian Prism party chu vawiin khan lehkha thawnin, National News Paper pakhat Deccan Herald chanchinbu-in vawiina thu a chhuahah Prism Party chu Lok Sabha inthlanpui neih turah India a\anga inla hrang tura Secession Bill tlangaupuia a ziah chungchangah insawifiah turin a ti a. Hei hi ram inmpumkhatna leh in unauna ti derthawng thei a nih avangin Prism Party chu an nih phung chu an thil tum chiang taka darkar 24 chhunga sawifiah turin a ti, a ni. Insawifiah tura hriattir an nih chungchangah Prism Party chuan, Campaign auhla atan Right to Secession Bill hi an aupui ngei tih Zonet an hrilh a. Chutih rualin he Bill hi Parliament-ah an pulut ngei ngei dawn tihna a nih loh thu leh hmarchhak bial mipui, a bikin Mizo mipuite duh loh em em Citizenship Amendment Bill chu tuna a nihna ngai ang anga Sorkar laipuiin Parliament House-a a pharh leh a nih chuan a dodalna atan Right to Secession Bill chu Parliament-a putluh ve an tum thu an sawi mai niin an sawi.

Prism Party hruaitute chuan, insawifiah tura tihna hi vawii chawhnu dar 2:30 vel khan an dawng tih sawiin, hetah hian darkar 24 chhunga insawifiah tura tihna pawh a awm a. Election Department hotute duh dan angin an insawihna chu vawiin vek khan CEO Pisa-ah an thehlut nghal tih an sawi a ni.