Electoral Roll ennawn hna Special Summary Revision neih turah Tripura Camp-a awm Tuikuk te telh an nih tur leh tur loh hriat a la ni lo

0
650
views

Electoral Roll ennawn hna Special Summary Revision neih turah Tripura Camp-a awm Tuikuk te telh an nih tur leh tur loh hriat a la ni lo.

Mizoram Joint Chief Electoral Officer Pu Zomuana’n Zonet zawhna chhangin Special Summary Revision nei tura hriattirna hi May ni 17 khan Election Commission chuan a ti chhuak tawh a, Tripura Camp-a Tuikuk awmte chungchangah hian ECI thu an ngaichang mek tih sawiin, ruahmanna engmah an la siam rih lo tih a sawi a, kum 2014-a ennawn bak tun thlengin Tripura Camp a Tuikuk awm te tan hian electoral roll ennawn a la ni leh lo tih a sawi bawk.

Special Summary Revision ah hian July ni 31 ah Draft Roll tarchhuah a ni ang a, roll-a in thun thar dilna leh paih dilna te chu August ni 21 ral hmaa chinfel a ni ang a, kumin January ni 1-a kum 18 tling thar te chu roll ah hian thun theih an ni ang. Electoral Roll thar ber chu September ni 27 ah tarchhuah tur a ni.