Electoral Roll ennawn mek hrilhfiah

0
365
views

Electoral Roll ennawn mek chungchang chu vawiin khan Systematic Voters’ Education and Electoral Participation Nodal Officer leh Campus Ambassador-te hrilhfiah an ni a. He zirhona, Aizawl DC Conference Hall-a neih hi Aizawl District Addl. DC, Pu J.H. Lalrimawia, Aizawl District SVEEP Nodal Officer-in a kaihruai a, SVEEP Nodal Officer leh Campus Ambassador-te chu Electoral Roll ennawn meka an tih tur leh mawhphurhna tlangpui hrilhfiah an ni a, ERONET, EVM leh VVPAT chungchang hrilhfiah an ni bawk. Electoral Roll ennawn mekah hian NVSP.in-ah Online hmanga Electoral Roll-a inthun dilna thehluh theih a nih thu sawiin, hei hi mipuiten \angkai taka an hman theih nan a zau thei ang bera puangzar turin SVEEP Nodal Officer leh Campus Ambassador-te chu ngen an ni.

Aizawl District Election Officer, Dr. A. Muthamma chuan, SVEEP Nodal Officer leh Campus Ambassador-te chu an biala Electoral Roll-a la inthun lo zawn chhuah kawngah chak zawka \an la \heuh turin a chah a. Roll ennawn a nih chhungin dan anga Roll-a lut thei zawng zawng thun vek an nih theih nan theihtawp chhuah turin a chah a ni.