Sorkar laipui bul tuma ram puma faina beihpui thlak mekah vawiin khan Aizawla hmun 10-ah Republic Vengthlang Branch YMA, Zopar Drama Club-in faina chuchang inzirtirna lemchan tawi an entir a. ITI Veng Filed-a a hawnna inkhawmah Art and Culture Deputy Director, Pu Lalchuailova chuan faina chungchang a sawi. He beihpui hi Swachh Bharat Abhiyan Campaign hnuaia Swachh Bharat Pakhwada hnuaiah thlak a ni a, ram pumah September ni 13 a\ang ni 30 chhung bawhzui tur a ni a, Sorkar laipui chuan hmarchhak biala he beihpui thlak tur hian North East Zone Cultural Centre (NEZCC) a ruat a, Mizoramah chuan NEZCC ngenna angin Art and Culture Department-in a keng kawh a ni. Vawiina Aizawl khawpui chhung hmun 10-a faina kawnga inzirtirna lemchan tawi entirah hian fai tura rilru puthmang thlak hmasak a \ul thu leh khawlai bawlhhlawh awmte thian fai ringawt lova, a bawlhhlawh loh nana lo inven dan turte tarlan a ni.
