Ex-Mizo National Army hruaituten an ti tur ti duh lo leh thutiama ding lo-ah Congress puh

0
361
views

Ex-Mizo National Army hruaituten remna thuthlung ziah a nih a\anga kum tam tak ral hnuah pawh a tih tur ti ve duh lo leh a thutiama ding lova anmahni bum-ah Congress an puh. Ex-MNA hruaitute hian Aizawl Press Club-ah thuthar la khawmtute kawmin, an Vice President, Pu C. Zama chuan, lum 1986 June ni 30-a Mizoram Accord ziah a nih lai khan Union Home Secretary, Pu RD Pradhan-a’n inrin tawnna chauhin he Accord hi a tihlawhtling thei tih a sawi niin a sawi a, MNF lam chuan sorkar laipui chu ring ngamin, remna thuthlung ziah a nih a\anga thla 2 chhungin an tih tur an hlen chhuak a. Remnna chu a chhiat hlauvin an veng him niin a sawi a, mahse kum tam tak ral hnuah pawh Congress sorkarin a tih tur ti ve duh lo leh, a thutiama ding lovin a bum ta niin a sawi. Central-a Congress a sorkar chhung khan inremnaa Central sorkarin a tih lohte ti hlawhthling ve turin an ngen tih sawiin, dilna pawh vawi tam tak an thehl<t chungin, chhanin a awm lo niin a sawi a, sorkar laipuiah Congress Minister hmuh theih an neih loh b^kah, remna siam laia PM, Pu Rajiv Gandhi-a nupui, Pi Sonia Gandhi hmuh tuma Delhi-a \um thum an kal pawhin minute khat pawh hun a lo pe duh lo niin a sawi a, Aizawla \um hnih a lo zin pawhin hmuh an tum leh a, an hlawhchham zel niin a sawi bawk.

Pu C. Zama chuan tun thla ni 7 khan Union Minister of State for Home, Pu Kiren Rijiju chu a chenna inah MNF Party President Pu Zoramthanga leh Treasurer, Pu Vanlalzawma’n an hmuhpui nia sawiin, an thu thehluhte chu bawhzui nghal a nih tur thu a lo hrilh niin a sawi bawk.