Excise Minister Dr K Beichhua-a’n Sorkar in ruihhlo do beihpui a thlak turah an do ber ruihhlo huat nachang hre lo chu Excise Department a awm ve reng a rem dawn lo tih a sawi.

0
282
views

He thu hi vawiin a Mizoram Excise & Narcotics Service Association General Conference Aizawla neih hmanpuiin a sawi a, Dr K Beichhua chuan, Ruihhlo chu Excise harsatna ni lovin Mizoram harsatna a nih thu a sawi a, hei hi Chief Minister Pu Zoramthanga pawhin a vei hle tih sawiin a ngaihpawimawh zingah ruihho do chu a tel a ni tih a sawi a, sorkar in ruihhlo do beihpui a thlak turah Excise te chu mawhphurtu an ni dawn tih sawiin ruihhlo do chu thil harsa tak a ni ti pawm lawk tur leh hemi atan an rilru leh taksa lo inbuatsaih lawk tura a duh thu a sawi.

Tundinhmunah Excise & Narcotics Department ah hian post 515 awm a, heng zinga post 119 chu hnawhkhah loh a ni a, Sesawnga CTI mi 50 an training mek a ni.