Excise & Narcotics Department ten Phunchawng leh a chhehvel dap

0
360
views

Aizawl District-a Excise & Narcotics Department chuan nimin khan Phunchawng leh a chhehvelah dan lova zu sak leh hralh an dap a, zu sakna bel 25, Rakzu litre 40 leh zu bilh lai tin 450 an man a ni. Excise & Narcotics Department hian nimin vek khan Selesih kawnah zu nam leh rui chunga lirthei khalh an endik a, Aizawl atanga lirthei lut leh chhuak khalhtute chu Breath Analyser hmanga endik an ni a, dan bawhchhia man an nei lo a ni.

Champhai Station-a Excise & Narcotics mite pawhin nizan khan New Champhaiah Heroin, gram 15.400 leh a neitu-a puh, Lalchhuanmawia, kum 25 Myanmar-a Zimte khua nia inchhal an man a, dan ding lai hmangin thubuai an siam sak a ni.