Fakselna 10th July, 2018

0
554
views

Kan ram hmelma ruihhlo lakah hian hawh teh u i fihlim hram teh ang u. I thih hnuah khawiah nge i kal dawn?
Fela pa, KK
————-

Mizo thufing, ‘Hmangaihna mit chu a del’ an lo ti \hin a, Congress leh MNF hmangaih tlat hote khan an thiltih dik lo tak pawh hmu thei lo party ruhkawl chang tak tak in tam hle a ni. Mi thil ti thei leh engmah ni lo, rethei mek te kar tizautu Congress leh MNF party-te hi thingtlang mi rethei hote hian hnawl nachang i hre vek tawh ang u. Ka sawm tak meuh a che u.
SANGA
————-

MNF-ten zalenna sual hlawhtling lo anga sawitu, Hamle inti khan India leh MNF ten inremna an neih theih nana Kohhranten \awng\aina nen meuha an kohchhuah, Mizo mipui zawng zawng leh NGO hrang hrangten lungrual taka remna tluantling, \hang lo thar zel turte tan pawha chhawm nun zel tlak, kum tam tak kan lo hman tawh leh kan la hman zel turah hian tel ve tur i ni chiah lo nge, \an bik riau i nei? Hnam pasal\ha Martar-te hlutna pawh awmze nei lova beidawnna khura zuanglut ta angin sawi \hin mah la, i ka a kham thlawn mai a ni tih hria la, Saiip puan sinin sim vat rawh.
Tlabung Uitangrual
————-

Ram vei vang emaw, ram tana \ha tur pawh ni chuang lova MNF leh Congress unauten huphurh vanga Pu Lalduhoma leh ZPM an han bei vak zel hi chu a nuihzatthlak \hin mang e. Mizoram kut hnathawktute ngaihtuahtu Pu Lalduhoma hi sawisel vak vak lo hian Mizoram hmasawnna ti\huanawpa mipuite chanai eizotu in pute pahnih kha dem ngawih ngawih tur zawk in ni. In ti ve em?
Hamle
————-

Khai le! Thingtlang mipui, Zoram nu leh pate kan harhchhuah a hun ta. Sum sem hmanga kan zalenna min rahbehsaktute lak ata, ZPM chuan taima apiang dinchhuahna policy, saltang chhuahna Jubilee dar an rawn vaw ta e. Sum sem it vanga an party worker kan ngaihsan vak ngai loh te nuih tlawn an ngai dawn ta lo. Keimahni kut tum ngei hmangin hmasawnna lamtluang zawh turin i inbuatsaih ang ule. ZPM Zoram mi retheite tan.
Thingtlang Lawmrual
————-

Mizoram hian BPL titlem thei hruaitu kan va mamawh tak em ve aw! Kan sorkar hrawn mekah lah hian a pung tual tual niin an hmu bawk si! Mizoram hian hmangaihtu ava mamawh tak em!!
Zopa
————-

Mizoram State sorkar Department zinga kuthnathawktute hnena Development sum kal \hin te kha tunah chuan NLUP/NEDP lamah an chhunglut vek em ni? Kuthnathawktute hnena Development sum kal \hin, Agri, Horti, Vety, Soil, Seri, RD etc. sum ti ngam tawh lova, NEDP sum an ti ta vek mai hi mipuite hian thlir chiang ila, a dik loh zia hi hre tlang teh ang u. Heti te chuan Agriculture Deptt. puihna pawh dil dawn ila, NEDP/NLUP hotute daih kan biak ngai tur chu thil \ha lo tak a ni.
PH FANAI
————-

ZPM Party hian inthlan zawhah meuh chuan mahni bungrua \heuh lain, mahni party office \heuh an luah leh mai ang.
VL Ruata
————-

Mi tinin kan ram hi kan hmangaih a, hma sawn se kan duh vek, eng party nge \ha ber tih pawh kan ngaihtuah \hin, \ha kan tih erawh a inang lo. Congress leh MNF duh khawp loten ZPM-ah hmasawn an beisei. Mi tinin ngaihtuahna sen hun a ni e.
Lalrinfela
————-

Mizoram, Kristian ramah khawlaia Pathian thu sawi a ngam awm dawn ta lo a ni maw? A va rapthlak dawn ta ve.
9774354495
————-

MNF nuai thum sem tum, Congress NLUP kalpui zel tum, ZPM vote tidarhtu, eng party tak sorkar ang maw? Lo ring chhin ve teh.
Duata pu
————-