Fakselna 11th July, 2018

0
387
views

FIFA Football World Cup lai a ni bawk a, kan au chhuak ve mai mai teh ang. World Cup chu a hmawr an bawk \an ta mek a. France Chuan Belgium sikhat faia hnehin final an lut ta a.
Zaninah final lut tur zawngin England leh Croatia ten savun hampuar an pet leh dawn chu a ni a. He inkhel tur hi hmuhnawm tura beisei a niin, entu pawh an \hahnem tura ngaih a ni. A tawn tawn hian fans an ngah dun viau dawn tih a chiang reng mai.
Inkhel entu fans te tan erawh fimkhur a \ul dawn hle a. Inkhel laia fans inlo au bengchheng dawn a nih pawhin fimkhur thu hlaah kan Pu Engineer-a in a\anga hla takah chauh in au bengchheng dawn nia. Kan pu hian a lo ngai thei lo palh ang tih a hlauhawm a, Pathian thu sawi pawh a vaw duh a ni si a. Fimkhur thuah ka han sawi ve mai mai a ni e.
Salem Vala
————-

Electric bill chawi tam kan hlauh avangin office leh room dangah te \ul miah lovah pawh fan leh eng te kan chhi lui \hin. Tun a\ang chuan a tam thei ang berin keima inah ngei pawh electric hman ka tum tawh, a chhan chu ka hman tam aia ka hman tlemin ka bill chu a let hnih aia tama a pun zawk vang a ni. Eng tehna nge maw inhman le? Electric Department hian power ren turin min chah lawi si. Nge a thawktute indik lo zawk? A bikin Rawpuichhipa Department mite.
DIKNA DUHA
————-

Congress sorkar hi ka dem takzet mai kei chuan, Chakma hnam bil sorkarna a siamsak pawh vei tawh tehreng nen, Hmar hnam bil an siam leh a. Mizoram chhunga hnam bil sorkar hruai tur pawhin Mizoram pawn mi an ni leh zel, Zoram \hendarhtu leh hnam pumkhatna ti chhetu chu Congress hi an ni ka ti lo thei lo. Ralte, Chhakchhuak, Sailo leh hnam hrang hrang khan hnam ham\hatna turin sorkarna hnam bila nei hrang turin hma la sup sup ru le. Chuti lo chu Mizoram, Mizo hnam awmkhawmnaah hian nekchep inla ni thuai dawn. Sorkarna inhmuh theih nan hel pawl turte insiam a ngai mai thei.
LT Ralte
————-

ZONET ZAWLBUK-a Chanchin thar puan hi zan lam puan, zing lamah kan puang nawn leh kher \hin hi tih tur reng nge? Ngai leh ngaiah kan kual lutuk hi chu siam \hat han ni thei se a van lawmawm dawn em!
9612229978
————-

Inthlanpui kan lo hnaih leh ta a ni a nge, Pu Zorama hmui pawh a rawn inla fit leh ta hle mai. ‘Kan sorkar dawn, nuai thum aia tlem lovin kan sem ang’ a rawn tih leh tak ngawt hi. Kum 30 chuang chhunga Pu Hawla kaihhruai Congress party nena India ram State pachhe bera min chhuahtu, SAMDALA POLICY tuipuitute hi an thiltih phuailuai tak kha rawn chhunzawm leh tur hian Zoram mipuite hian kan sorkar tir leh phal dawn em ni? Bingtaii sorkar ni lovin Mauruangi sorkar ngei hruaitu \ha kaihhruaina hnuaia din, ZPM |angrual Pawl hi kan ram i enkawl tir ve tawh ang u hmiang.
Zo Nehemia
————-

Mizo pa ngei, PHE officer lakah hian tui hnianghnarin an pe ta tih thawm hi kan hre chak ber, mi thusawi lai a vaw thlu tawp mai tih ni lovin.
RK Sanga
————-

Enga tinge heti tak maia Gas hi a to mai aw? Kan khuaah chuan Rs. 981/-in kan la a, hei aia tlawmin a lak theih lo em ni? Nge mipuite hi min bum zawk aw? Enfiah vat a va \ha em. Thuneitute khan han ngaihtuah rang teh u. Hetiangte chuan kan \am mai dawn e?
SIALSUK PA
————-

Aizawl kawt chhuah ber Bawngkawn Kawnlai Traffic Point vel saw a \awp hle. Tui a tlinga, a diak thei hle a tihdan \ha a awm thei lo maw Pu ZONET?
9862153088
————-

Fashion Industry lamah hma kan sawn ve hret hret zel a, designer-te kutchhuak a nep tawh bik lova, model-te pawh an nalhin, thau over deuh deuh kan ti dawn nge, khal mah mah ang chi, model pian ni chiah si lo ang an tlem hret hret a, hemi vang hian model-te pawh hmuh an nuam sawt viau.
Mahse, na taka sel duh ka neih chu mipa model-ah hnamdang (vai) hmang lo hian kan kim lo nge ka hre lova, hman zui tawh loh a ṭha khawp mai. Duh aiin Vaingalria hi kan inluhchilh thuk tir ta mah mah e.
The Real Patriot
————-

Chawngte leh a chhehvela Tar pension hmututen kum khat aia tam an pension an la tawh lo tih thu Mizo Upa Pawl hruaitute a\angin thu kan hria a an ti.
9436391967
————-

Tlabung Uitang Rual inti kha thil i hre ṭhelh deuh a ni e. India leh MNF inremna kha thil ṭha lo a ni tuman an ti lo. Inremna lo awm kha Mizote tan malsawmna a ni. Ka sawi bera chu ‘India lakah MNF an tlawm’ tih te mai hi a ni. Khawvel awm chhungin history sawi apiangin India lakah MNF kha an tlawm kan ti reng ang. Chu chu thudik a ni a, laknat vak chi pawh a ni lo. Inpute khan ram an lo hmangaih hlawm khawpa, eiruk thubuai an neih fur hlawm hi. Saiip puan sinin Lalpa hnenah ngaihdam lo dil pui hram teh.
Hamle
————-

Inthlan a hnai leh ta a, mi pamham tak tak, MLA nih chak, ram leh mipui hmangaih hauh lo, mipui sum a inlei tlin tum, zak miah lova sum sem ching an lang \an leh ta. Fimkhur rawh, setana tirhkoh an ni e. Ringtute tan fiahna a thleng mek e!!
Ramtea, Mizo ngat
————-

R. Lalzirliana baka \awngkam thiam an awm dawn em ni aw ka ti. A aw lah hian ngaihno a bei lo ropui si. |awngkam chang hi a thiam a, mipui lam ti thiam mang silo ka ei lo tawp a ni mai.
Marami Chawngthu
————-

ZPM intite hian inthlanpui lo awm turah hian MLA pakhat an neihna tur hi ka va hre lo ve.
Sangpuii Pu
————-

Pathian thu sawi lai vawthlutu kha SAKAWLH a ni mai lo maw?
9612126975
————-

EE mawl hian a veng Kulikawn tlangval Pathian thu au \hin a lo vaw thlu hi Pathian hremna a pumpelh loh a nih chuan a nghawngah a bawk ve ang a, a dam rei lovang tih a hlauhawm hle.
PL Sanga, Aizawl
————-

Electric chhitman to ta lutuk hi engtia tih tur nge? A va han rapthlak ta em em ve. Khawiah nge kan Consumer Association te kha in awm tak?
9612238063
————-