Fakselna 11th November 2017

0
616
views

Kan Chief Minister hi chuan Pastor ho hi chu er thamah a ngai ngei zawng a ni. Kheng deuh fak, tai ran leh miin an hmuh hniam theihna tur tawngka hi a hmang lo thei lo a ni ber mai. Anni ho lah hian menah an thlak mai mai tih a inhre der si lo. Chief Minister ve meuh Pastor-te tawngkhum salh salh rengtu hi ropui kan ti lem lo a nih hmel.
8974808596
—————-

Election a hnaih tawh avanga ram hruaitute vau nana NAWRH leh office kal that loh tih vel hi ka ngaisang lo lutuk. Hei hi misual zia dik tak a ni. Mahni hlawh phu tawka thawk tha peih mang si lo, Pu CM zahawm tak hetiang ho hi chu ban vek rawh, hlauh tur an ni lo. Mi thiam tak tak an ni ho aia thiam leh taima, ram tana thawk peih kan tam lutuk, dim vak chi an ni lo. Tunah pawh election tur remchanga hmanga nawrh leh tum an awm teuh mai, tumah tihhlawhtlin sak reng reng suh, an bang ngam tak tak lo. An duh leh bang vek rawh se, hna dang an hmu dawn tawh lo, an in tihuangtau lui mai mai a ni. Group A rual pawh ni rawh se, an tel lovin kan ram hi a kal thei lutuk. Heng nawrh ching ho hi thildang zawng aia kan ram thanmawh bawk an ni.
Chhim pa
————–

Mizoram chhung leh ram pawna awm Mizo mi puitling zawng zawngte hian Pathianin ram min pek enkawl turin mawh kan phur veka, inhlawhfa, beram vengtu ang khan kan ram hi enkawl lo hram turin kan inngen a, min hmangaihtu kan Lal Isua zah tak chungin kan ram tan hian hna i thawk theuh ang u.
Tlabung aw
—————

ZPM hian an CM tur an puan vat loh chuan keini thingtlanga awm ho chuan kal ngaihna kan hre lo. Hmalak dan tur pawh kan hre hek lo.
7640938678
————-

Kum sawm liam ta atanga Congress-in NLUP cheng nuai thumin kan sem ang an ti a, India ram hausakna leh hmasawn chakzia chhutin MNF-ten nuai thum an sawi rik hi kei chu ka pawm rap mai.
RC-a
————-

LRS building chhe lutuk tun hnaia chanchin thara lo lang hi a va lung chhiatthlak ve le! He building enkawltu Deptt. leh a contractor-te hian Zoram a hmangaih tawk lo a ni ngei ang. A enkawltu Deptt.-in enfiah theih a va tha-in, a contractor pawh hi black list-a daha hna pek rih loh mai hi a va tha em.
9436193805
————–

Tuna kan ram hi kan duh tawk loh chuan siamthat a ngai. Siam tha tur chuan Politics siamthat a ngai. Politics siam tha tur chuan hruaitu hna thawk lem lutukte thlak an ngai. Party ngai atang chuan an thlak theih loh, chuvang chuan ram siam turin hruaitu nih chuh a ngai ve bawk. ZPM leh PRISM kan thlan tlin ngei an ngai.
LH Pachuau
—————-

Mizo chhulchhuak, Mizo tawng ngeia enkawl seilen, Mizo tawnga a siamtu bia, Mizorama chengin phone number, sap number-a sawi zat zat thinte hian an pianpui tawng hi an va ngainep ve. |awng boral hmabak 193 zinga tel Mizo tawng tiboraltu tur an nih inhriain a pianpui hnam tawng, MIZO |AWNG ngeiin phone numbar sawi thin tawh teh u.
Mizo em ema
—————

Chakma Autonomous petu kha Congress Leader Pu Lal Thanhawla leh Pu CL Ruala te khan mawh an phur zual bik avangin YMA te khan engtin nge in tih dawn? Vote tawh lo mai a tha em?
Sangpuii pu, Zemabawk, Aizawl
———–

Tunah chuan fur laia kawngchhia lirthei nei hovin an tuar thin kha thal khua a lo ro chho tan ta-a, kawng khuar hnawhna vaivut khu hritlang pui vei hlauhawm khawpin mipuiin kan tuar ve leh tan ta. Party hamthatna lam hawi zawng ringawta hmalak tum sorkar leh Pathian nung chauh bia inti, milem pathian hmaa kun hreh chuang bawk si lo, zu zuar sorkar ramah hian vanneihna aiah manganna hlirin min hmuak zel mai zawng a nih hi. Nalh taka mipuite hmaa lan erawh an tum ve tlat ni berin a lang.
LT Pautu UTR
————–

ZONET News en hrehawmna ber chu a karlaka fakna an zep thin hi a ni. Tih tawp ni thei se tih hi an chhungkuate tah hla a ni e.
9436365342
————–

Fakselians puite, Kristian, Kristian ram tireng lo teh u. Tlai khawhnua Kristian ram ni ve chauh kan ni a, Europe leh America khu an Kristianna a rei tawh lutuk. Condom ualau taka tarlan a tul tawh a, nawhchizuar Lane siam te, zu zawrh mek kuahkhirha vilzui te, eirukna khawrhchhuah te etc. kan beizel ang. Engmah rem hmak tur erawh chuan beisei lo ila khawvel a nih hi.
LB-a Pa
—————

NLUP a tak taka thlang chhuaktu dik tak chu sorkar hnathawkte ni lovin, Congres Unit te vek an ni.
THUDIK TAKA
—————-

Kan CM khan kan tihchhiat hi Pastor ho hian siam tha leh mai rawh se a tihna nge ni ang ka va man fuh thiam lo em? Nge a siam tha tur an awm tho a lawm a tihna ni ang aw!
Dindini pu
—————

Mi tam tak an ngai lo. Mi pakhat lalna leh thuneihna hman sual avangin ram a chhe vek thei. Congress mi leh sate chauh hi em ni Pathian hian a programme-ah hian a telh? Zahna chang hre tan chuan zah a hun e. Zu zawrh pawh hi Pathian programme a va nih leh hmel ve. CM pathian hian zu zawrh thupek hi a rawn chhuah a va nih leh pek hmel ve!
Ramhmangaiha
—————-

“Chawmhlawm State / Kutdawh Hnam kan ni” tia min au khum chamchi thin Mizoram CM chuan India ram khawpui Kolkatta hmun laili lai takah inhmun neiin in ropui tak a lo sa mup mup mai si maw ni? Khawi atanga hetiang sakna tur pawisa zozai hi nei nge a nih ang le? Ama sawi ang takin “Chawmhlawm State” ni awm reng kan lo ni e! Hetiang hruaitu hi zawngin kan hmuh mek zel ang hian chawmhlawm loh State chu min thlen har hle ang le?
Thlirtu
—————

Sum inpek / sem te hi mi ang lo tur leh thatchhiatnaa min hruai luttu a ni a, chutiang sum sem a thlawna beiseitu chu a sumdawnna te thuhnuaiah an kun nge nge thin. Heng avang hian a lawm kan ram a lo chhiat a, kan hnam pawh tunah chuan kan buai tak hi. Ram leh hnam hmangaih lotute hi bang rawh se, ram leh hnam tiriraltu kan mamawh lo.
9612238063
————–

Hmangaihtu derin ram an hruai chuan a hruaitu leh an lam hnaite an thau tung tunga, public property erawh a chhe em em thin a ni.
RK Sanga
—————