Fakselna (13th October, 2017)

0
391
views

Kan sawrkar hian Civil-a contract nurse-te hlawh hi ngaihsak se, pe ve em em tawh teh se. Thla 5 hlawh an la tawh lova, an duty reng tho si, an khawngaihthlak lutuk. Ei leh in \ha pawh an ei thei lova, staff an indaih bawk si lo. An night ngun bawk si, veivahna tur sum an nei tawh lo. An rilru a mang zova, damlo enkawl \hat pawh a har tawh ang. Khawngaihin thla 2 hlawh tal han pe ve hram teh se kan sawrkar chak tak hian. Staff Nurse contract thawk laite an rum e.

 

 

No. thup
————

Kan YMA Gen Conference neihna tur Pandal sa thiam, Mizoramah kan awm lo em ni? Vai tel lo chuan YMA inkhawmpui lian pawh kan buatsaih thei ta lo a nih ber hi.
Ramveia
———–

Kei chu pawl thar tih velah hian rinna ka nghat ve thei lo. Heng mi \henkhat Kohhrana Pension hlawh la reng chunga ram ka vei titute ho hian an pension hlawh la renga sum thianghlima chawm ho hian engmah min thlen ka ring lo. Pu Zawma te anga bang hmak emaw, thawk lova ram hmangaih vanga inpumpekte bawk hi ka ring e.
8974000550
—————-

October ni 13 Vanglaini phek hmaah D-3 hian “LG leh HAIER Distributor awm chhun” an inti a. BETHEL ELECTRONICS hi LG leh HAIER Distributor an ni ve thova. Chuti a nih chuan D-3 hi awm chhun a ni thei dawn em ni? “Awm chhun” tih chu pakhat chauh tihna a ni si a?
9774354495
————

 

Tunlaiah fiamthu kan uar hle mai a, a \ha khawp mai. Mahse kan fiamthuin Kohhran kan sawi nawmnah lutuk hi chuan mi a khei ve khawp mai. Kohhran chu Krista taksa a nih avangin tizahawmin, fiamthu kam tleuh nan i hmang tawh lo teh ang u.

 

VENPUIA, CHUNGTLANG
—————

Hawla sawrkar zet chu kum 10 chhung hnathawk lovin chhuanlam tinreng leh mi puhmawhin hun a hmang liam a, hetianga mawhphurhna la ngam lo, kawng chhiat chhana puhmawh tur hrang hrang a zawng reng te, zu a zuar a, Mizo mipui an thi phawk phawk te, Kohhran ka rawn lovang a tih te, sawrkar hnathawk a vau reng te, zirnain awmzia a nei lo ta lutuk te, University-in Vice Chancellor nghet an nei har lutuk te, kawng khawi lai mah \ha awm ta lo te, sawi sen loh an sawrkar chhung hian a awm a. Mipui hmasawnnaa hruai chu sawi loh rethei taka mipui siama, inthlan huna voter-te dikna chhuh lui a, Dan phal loha vote lei tih vel hi an thiam zawng tak a lo ni e. Tunah phei chuan Pu Rama sawi ang deuhin Central-ah pu thil ti thei an nei tawh lova, lal chhungkuaah an buai hle bawk a, NUAM TAWL sawrkar chu in lo ni ngei e.
Aizawl Uitang rual
——————

LALNA LEH THUNEIHNA chauh duh Mizoramin ram hruaitu kan nei hi chu kan vanduai khawp mai. Congress & MNF hi chuan ram hruai tawh lo se Zoram chuan hma a sawn chak tawh ngawt ang. An hruai leh ngat a ni chuan thim chhah tak maiin min hmuak dawn chiang tihna a ni mai. Chuvang chuan mipui lam hian mi \ha i thlang ngam tawh ang u. Heti chuan mi rethei kan bet kumkhua thei mai dawn alawm. Thil man lah chu a sang tual tual mai si, hlawhfa rate an ti sang chuang bawk si lo. Anmahniin an nei thur thur mai si. Mi rethei tan khawsak ngaina a awm tawh hlei nem.
No. thup
———–

Congress hi chuan tlin leh an inbeisei tawhin ka ring lo. TV te leh chanchinbu lamah kawng chhe hnatlang kan hmu zing ta khawp mai. Hengte hi sorkar mualphona lian tak a ni. |hal laiin kawng siam lam an ngaihthah a, fur a lo ni a, ruahtui tlak lai chuan a siam theih loh an ti leh si a, heti mai mai hian mipuite min bum kual an tum em ni? Mipuite hian he sorkar hi kan ring thei tawh thlawt lo.
L Fanai
———

ZPM a lo ding ta hi ram mipuite i lawm ang u. Kan ram harsatna a ta min hruai chhuak tur an ni si a. Party pahnihte hi chu lo insum deuh sela, an sorkar chhunga an tih duh lohte ti thei ngei turin nakkum inthlan hunah mipui ten i vote ruih ruih ang u. Tin, ZPM hruaitute rawn seltute hi mi chiang nial vak an nih ka ring lo ve ringawt mai.
9862322234
——————

Zonet ZAWLBUK Channel-a Churachandpur Lamtluang-a kan hmuh chian em em chu Manipur tlangrama cheng, Mizo hnam inti duh lo hote thu leh hla hi keini Mizote tan chuan lawmna tur pakhat mah a awm lo. Manipur a\anga an harsat hun atan chauha puituah min duh. Tuivai ral a\anga chauha inti Mizo, a piah lamah chuan chibil chauh duh zawk an ni.
PH FANAI
————–

Zonet Bawhbela Pu R. Lallungmuana’n, Rungi Nu leh Thialtea Thawnthu kan ram dinhmun nen tehkhin thua a hman kha – Rungi nu kha PC khan a chhan ngam lova, Congress a lo sorkar leh a, a chhan ngam lo leh a, 3-naah MNF ram leh hnam tana lu chhum ban chhum pawh huam, Martar-te Symbol pawh Sakei lu ngei hmang, Pathian leh kan ram tan ti tute an lo chhuak ta a, Rungi nu chhantu chu MNF-te hi an ni berin a lang. Amaherawhchu, tu Party mah hian fel lohna nei lo leh sawisel bo hi chuan ro an rel dawn lo. Bible chang meuh thupuia neite pawn \awng\ai a hnekin mahni infak leh na tak taka mi sawisel bak an la nei tlat lo.
UTR
——————-

Mizorama BJP hi Kristian-te Biak Inah an inkhawm ve tho ang em le? Nge zak map lovin tlar hma hmaah an \hu zawk? Central-a BJP sorkar lo tura Zorama Kohhran zawng zawng kan \awng\ai rual lai khan engtinnge an lo chham ve ang le? Thih thlengin rinawmin lo awm rawh, tichuan nunna lallukhum ka pe ang che. Pathian no leh ramhuai no dawm kawp thei Mizo BJP kei chuan ka ti lo thei lo a ni e. Sum, tangka, pawisa vang a ni miau a, an zak phal lo a ni ber e. An zingah hian Kohhran Upate pawh an awm an tih chu!! Mak thei ngei mai.
VL Pachuau
——————

Zoram hian hmangaih a ngai a, mahse, mi te leh mi lian zingah hian HMANGAIHTU DIK TAK AN VANG SI. Engtinnge kan ram leh a mi chengte hi kan awm zel dawn? Nang leh kei hi kan pawimawh a, politics avanga hlawkna um a hun tawh lo. Malsawma pa
9862383205
—————-

Congress sorkar kan sela, MNF sorkar kan sel bawk. Duh taka thlangtute kan ni a ni lo’m ni? Hetianga sawisel vak vaktute hi inthlan huna mahni hlutna pawh hralh leh mai \hin kan ni lo maw? Darthlalangah i inen teh ang u.
Puipuia nu, Lunglei
—————–

Kumin chu fur ruahtui a tlak hma bakah a tam em em a, sorkarin inrin lawk nachang a hre lo a nih pawhin hetiang hi eng hunah pawh thleng thei a ni tih hria se, kum tharah chuan fur ruahtui vanga KAWNG CHHIA A AWM TAWH LOH NAN |AN LA RAWH SE. Chuti lo chu engemaw sawh dawpa tlak a ni mai.
VL Ruata
————

Ni 12 tlai dar 5:30 hmaa tleirawl 3 hmarcha ei lai ho lutuk kha eng vanga rawn chhuah nge in nih le? ZONET hlutna an va ti tla hniam em. Khatiang ho lutuk show kha chu in rawn tih chhuah tawh loh kan beisei. Thiam nei lo, TV-a lan chak pawh ni se, programme en tlak deuh a tih tum teh se, a nep lutuk a, ZONET Zawlbuk channel hlutna a ti tlahniam ngawih ngawih kan lo ti ve a ni e. ZONET hi chhuanawm takin kal zel rawh se.
LONEWOLF, AIZAWL
——————–

Transport Deptt.-a Security Plate Number contract-tute hian Generator tal hi nei ve sela kan va ti ve. Current awm loh avanga an Customer-te, in lama \ul kalsante nileng maia current awm hun min nghahtir \hin hi thuneituten lo ngaihtuah se a va \ha em.
|haduha
———–