Fakselna, 13th September, 2018

0
502
views

Ka’n thlasik mau puah phawng teh ang. Tunlai kan thu tharah Pu Zira MNF-ah a lut dawn tih thawm chu mi ti ti ber a ni a, lo chhuah san ta pawh nise a awm hliah hliah mai. Eng vangin maw kan ti maithei, zu an zuar tlat a lawm.
Rody Pa
—————-

Mizorama rorel tum ZPM-te hi an zuang lawr dawn nge, an pem lawr dawn? Nihna duh hi chuan khua hi kan hmu vai ruai mai a nih tawh hi mawle.
9862944040
—————–

Kan PM hian Gujarat CM a nih laiin Hydro Electric leh Solar Energy Project, an state hman sen loh current siam chhuahna a tipuitling a. An metal road quality \hat zia leh tlo ziate nen lam kan media palaiten an pho chhuak tawh bawk a. Mi ram economy intawh dan fel nghet takte thlir hian kan ram tana vision nei lian \ha leh mipui hmangaitu tak tak hi kan thlan tlin a va \ul em!
Sorkar tura rin leh therhlo hmuh theihna tur party vote lovin sorkar \ha siamtu tur kan vote a hun tawh. Sorkar \ha chuan mipui tana \ha turin ro an rel dawn si a.

Zohmangaiha
————-

Zu zawrh hi a \ha chu ka ti lo, ka vei zawk chu kan RAM neih chhun, a ram leilung fate ni lo hnena kan ram satthlaa petute hi chu kei leh ka chhungte hian kan vote dawn lo reng reng. Rilru hi a na em!

Sidi-a Pa
————

Bus kan chuang a, a chep khawp mai a, kawndaktawr pawh a leng \awk \awk a, school naupang leh mahni fate hruaia \hutnaa an han \hut tir \hin hi chu Mizo tlawmngaihna a ni em le?
8258091435
————–

Chief Minister, Lal Thanhawla’n Congress sorkarin zu a zuar lova, a zuar duhte tan zawrh phalna a pe a, a in duh an tam a, lei phalna a pe leh mai a ni tia a sawi hi thil nuihzatthlak chu a va ni em? RTI Act hmanga hralh chhuah zat leh lak luh zat dil chhuah an phal tlat lo mai te hian ngaihtuah chu a tithui mang nge?
9436933133
————–

Kan pu Zoramthanga hian sorkar zu zawrh hi a rui deuh a ni lo maw? Amah hian tum mumal tak pawh a neih hmel loh e a.
8415966883
————–

Muster Roll te kan va rethei em em ve. Skill an han down leh nghal hi chu rilru, taksa thlengin rualbanlova in siamna chi khat a ni. Luman kan nei lova, zum leh hriam kara hnathawktu ber kan ni. Lungpui pawh lungte-in a kamki loh chuan a awm thei lo ang bawkin Mizoram sorkar pawh hi MR tel lo chuan eng department mah hi a kal thei lo tih hi Pathian thu a dik ang hian a dik leh zual em em a ni. Chuvangin thil pawi a thlen hmain siam \ha leh vat rawh se tih hi MR-te request a ni e.
MRA
———–

Ka’n sêl ve teh ang. MLA inthlan dawn apianga MNF underground avanga Martar-te politics advantage a hmang a, kum 10 chhung an sorkar laia engmah an chhungte duhsakna awm si lo, ruhro lak/phawrh tih vel hi a va ninawm ve. Mizoram Underground Returnee Association ho lah beidawngin, kum 2013 MLA election dawnah Congress nen \angdunin, thutiamte an lo neihpuia, an tihhlawhtlinsak leh duh si lova, chaw te ngheiin hrehawm tak, mualpho takin an awm a, heng zawng zawng hi MNF Ministry lai khan MURA lah MARTAR-te an ngaihtuah loh leh an duhsak loh zia tilangtu an ni a. Tumah lo \anpui tawh teh suh u, inkhawngaihthlak em mai.
DIKDUHA
————-

Kan Home Minister chu a puin a humbet tlat pek a ni lo maw? A hum beh theih loh kha chu a duh vak lo an tih chu!
Liana
———-

Tlabung ho hi an va lainatawm ve. India Independence tirh Assam hnuaia Mizo District hnuaiah khan Champhai, Saiha leh Tlabungte hi ADC \huthmun an ni \hin a, Siaha leh Champhaite chu District Headquarters rei tak an nih hnua Tlabung RD Block an demand ve chauh hi an va khawngaihthlak ve. Thuneituten an thil ngen hi a rang lama tihhlawhtlin dan ngaihtuahsak an phu hlein ka hria.
Zuitea pu
————-

Pu ZONET, Fakselna kaltlanga Pu Duhoma sawichhe fotu hian Pu Duha hi a itsik a ni lo maw? Keini zawngin ZPM ngat kan vote dawn.
8974132984
————–

Tun ang hun pawha Zoram siam\hat tumna rilru put nachang pawh hre phak lo. Pu Hawla leh Pu Rama te kaihhruaina hnuaia “Aw Lalpa a ngai bawk” tih leh ai chuan kalphung thar, hruaitu thar thlan mai hi ram leh hnam leh sakhua humhimna kawng awmchhun a ni mai.
LALTUAIA
————

Chachinthara Pu Lal Thanzara’n Pu Zira MNF-te pawhin an awt tia fak hle si, enga tinge a dinna bialah pawh ding ngam tawh lo tura an siam le? Pu Hawla leh a family te hi chu tling leh ngei tura an induhsakna avangin Tlabung RD Block pawh kan MLA-in an nawrfe pawhin an puitlin ta lo kha a ni a, Pu Hawla leh a family-te an inngaihpawimawh em em laiin midang erawh \awngkam thiamnaa hneh an tum mai niin a lang. Min bialtu, Nihar Kanti Chakma pawh mihring mihrinnaah chuan mi \ha tak zawng a ni. Mahse, Pu Hawla Family rorelnaah chuan mi \ha ber pawh nise ektum ang chauh an ni si a.
Tlabung Uitangrual
———–

Mizo Idol tur hmeichhiate hian puan bih lam hi an uar lo riau mai a, an zahpui em ni ang aw?
Lala, Aizawl
————-

ZONET Mizo Idol top 6-te an thiamin an hmuhnawm hle mai. Teawmi kha a hmuhnawm lehzual.

LC Chhunthang BVT
————-

Mizo Idol a va hmuhnawm \hinin, beng leh mit a va tlai \hin em. A bikin Zemabawk nula Teawmi kha a zaithiamin a common lo tlat, a zei ber bawk.
Lone wolf
————

Kumin 2018 Idol atan kei chuan Ticos ka thlang fel der tawh che. Kan chhungkaw Idol i ni a, \ang fan fan ang che.
I fans Zokaia
————

Idol thlan mekah Judge-ten thlanfuh loh an hlauh vangin International class te an sawi a, a dikna chen a awm khawp mai. Mahse, Mizo Idol tur zawnna a ni miau a, Mizo ril rema zai an pawimawh hmasa ber. Tunhma deuh kha intihsiakna lian tham takah kan State aiawha zaite chuan sap hla lehlin hla sa-in point 1 pawh an hmu lo, anmahni leh kum chu sawi lo mai ang. Group zai an ni a, anmahni’n an la hrereng ang. In hnam zai a ni lo tiin Judge-te hnawl an lo hlawh tawh a, chung ang hre reng tan chuan tun Idol atan pawh Ticos-a emaw, Jonathan-a emaw hi Idol sela, tun Idol thlan hi a hlawhchham lovah ka ngai chauh ang, ninawm loh awmchhun an ni tlat. Midang pawh an line-ah chuan an \ha. Mizo Idol atan chuan ZO RIL REM NGEI ni mawlh rawh se. Engtikah mah Mizo bak kan ni dawn chuang si lova.
Idol Thlir rengtu
————

Kolasib Kimdong kha ngaidam teh u, midang pawh inngaihdam \hin tho kha. Ani tluka Idol phu kha an awm lo tun \umah hian ka lo judge ve danah chuan.
9774295805
————-

Kan hrang hlui zaithiam CFL Hmingthanga hla ngaihthlak nin theih loh, amah CFL-a awm tawh lo mahse, ama sak ang maia thiam tak maia lo satu, Jonathan-a kha a va han thiam tak em. A aia nasa khan lo \ang zel rawh. 2018 Mizo Idol tur i ni e.

KC-a Khupchawng
————–

Kan TV-ah hian zai flat leh sharp a hriat khawp mai. Tin, Mizo lunglen ngawr ngawr ni lo, zai dan hrang hrang hmanga Mizote khawvela min pho chhuaktu leh zai dan hrang thiam min tingahtu tur ka duh avangin Kolasib nula Malsawmdawngkimi emaw, Champhai nula Mami ka duh ber.
LH Pachuau
————-