Fakselna (14th August, 2017)

0
1018
views

Revd Chuauthuama thu ziah, ‘Sakawlh ka hlau lo’ tih kha hlaua a puhte khan an hlau lova, a hremna hmachhawn turin an inpuahchah mek a ni zawk. An inpuahchah dan chu khawvel hausak leh nawmna hi boralna leh bumna a ni tih an hre chiang a, Bible-ah hian khawi ziakah mah hian vanram luh awlsamna a ziak si lova, Reverend rual hote zirtir dan hi chuan nuamsa tak leh awlsam tak maia vanram luh dan an sawi a ni ber si a, boralna kawngka chu a zauva, nunna kawngka chu a zim a, kal pawh an tlem thu Bible-in min hrilh mawlh mawlh a, pathian dang bia chu anchhedawng sa an ni si a, kan harh thei mawlh si lo, kan harh meuh chuan khua a tlai tawh dawn si a, khawvel mawina leh ropuina te sin kawp chung chuan Lalram hi kan luah tawp lovang. Krista vanga tuar ngam, chan ngam, rethei ngam, mualphona zawng zawng phur ngam te tan chauh VANRAM KAWNGKHAR HI HAWN a ni e.
ZNS
————–

Revd Chuauthuama, BME ti lova Aadhaar nei duh lote hian sakawlh hi kan hlau lova, a chhinchhiahna put loh hi kan ngam a ni. Nangin i hlauh loh chhan chu a lama i tan vang a ni bawk. Sakawlh chu thleng tawh vek angin nang leh mi tam takin in sawi fova, mite kawng dik lo in kawhhmuh a. Tunah BME ti lova Aadhaar leh Bank AC nei lo tan lei leh hralh a theih loh tep ta, Bible Thupuan buin sakawlh chhinchhiahna emaw, a hming number emaw neite chauh lo chuan engmah an lei leh an hralh theih loh nan a tih hi eng ang leh engtika lo thleng tur nge han sawi la. Domitiana hun laia Kristiante lei leh hralh khap leh thupuan a theih loh hi a inang lo tih te, hlau leh duh lo hi a inang lo tih leh UID hi Pathianin BME tia sakawlh tana pek a phal loh a ni tih lo hre bawk ta che.
9856887138
—————

Nakkum MLA thlan hunah chuan Politician senior pui pui, dam chhung hun tawp hnaih tawh tak tak leh mak tak maia hlawhtling tawh, an thiltih that hnam ro tling phak hmuh tur awm bawk si lo, dawthei pet put ho hi thlang lo ngam tawh ila, an hun tawp nghakin lo hahchawl ve tawh se. MP-te pawh kan thlang leh ang, tar pui pui vaiho kara thu ngawi kur reng lo tur. Mizoram leh Mizo mipuite thlavang hauh ngam/hnam leh ram chhana humhim ngam thalai deuhte pawh kan mamawh lutuk ta. Tuna inzuar tan mek thenkhat hi chu thlang tling chiah ila chuan kan hnam leh ram hi khuarkhurumah bak min luhpui lo ang tih te pawh a rinawm hle. ZNP chu ka ni hauh lo, Pu Lalduhoma hi tun dinhmunah chuan kan leader-te zingah chuan mimal taka lak tlak ber leh mit fûkna ber a niin ka hria. Pu Patea te pawh hi mimal nunah chuan an tha mawle. Mahse, an chhang ei tute sihal rual ho hi.
Bawiha pu
————-

Current thla khata chawh rualin kar hnih vel nei tha ve ang kan ni a. Current awm chhunin TV hi thla khata chawh rualin kar khat tha en ve thei ang kan ni. TV bill rawn sang ve hi chu keini thingtlang pa tan chuan phurrit a va ni tehlul em. Engtin nge kan tih dawn le?
9615819218
—————–

Zuangtui power station siam a ngaih dawn avangin electric current a awm mumal dawn lo an ti a, keini chu kan nei char char mawle. Dar 2 bawr atang khan kan thim daih thung!!!
8414883986
—————

Sorkar hian eng vangin nge Red Sandalwood te hi an man mai mai le? Tu tan maha pawi leh ruih theih thil pawh ni hlei lo, ram pawna thar, ram danga hralh turte hi an man ngawt le? Ram chhung thar pawh ni hlei lo, engemaw a pawina awm lem?
9612880873
————–

PRISM ho hi inthlan fight tura politics in khelh tak avangin tuna in thil phut, Parliamentary Secretary ban vek tura in tih hi an hun a rei tawh lo bawk a, ngai pawimawh hrih lo mai rawh u. In sawrkar veleh in ban vek dawn nia.
Peka nu
————–

Pu Zorama’n nuai thum kan sem ang a ti a. Dr. Thangate-a’n pawisa kan sem ve lo ang, kut hnathawktute kan ngaihtuah ang a ti ve thung si a. Kan inbum leh tan dawn a va nih hmel ve. An sorkar laia sang thum pawh sem thei lo kha an ni a.
Marama, Kolasib
—————–

Ka sawi thin, ka sawi nawn leh ang. Khawngaih takin Sony Ten 1 leh Sony Ten 2 hi a sound a tihrin theih deuh em le aw? Channel dang ai hian a zawi bik lutuk tlat mai a, hei tunah phei chuan inkhel an tan dawn tawh hlawm nen, khawngaihin min lo ngaih pawimawhsak ula kan lawm hle ang.
The Kim
————–