Congress sorkar Pu Hawla kaihhruaiin Sinlung Hills Council an han din ta mai hi Mizoram tan a pawi ka va ring tak em! Chhim lam ADC pathum lo pek mah tih tawh nak laiin Mizoram \hendarh zawnga thiltih hi ngaihtuah peih hlawm ilang tuman kan phal ka ring lo. An hotute lah Mizoram mi pawh ni lo, Manipur lam lehnghal. Eng rilru puin nge kan sorkar hian a pek tak mai le aw? A pawi hi ka ti vawng vawng. “Lalpa i ram mi pek enkawl tur hian mi \ha, nangmah \ih mi khawngaih takin min pe rawh, Zoram a boral hma hian.”
Ramveitu
————-
Kan khaw pa pakhatin ti hian a ti. Zonet zinglam programme-a NULA fel hmel tak tak, tho thang \hat hmel tak mai pathumin exercise lak dan an rawn tilang hi chu aw kan \henawm te reng mai hian an ni hlawh pui e a tih pek a. A enga aia in\henawmte daihina va nihlawhpui tak zawk mauha ka tih chuan ani chuan, “An NULA vum ther thur, mut duh em em mai \hin saw kha tia TV-a taksa lam sawizawina a han hmuh ve a chin chu zing dar 4 vel a\ang hi chuan chhuat dung leh kawtkaiah a thum tlut tlut tawh mai \hin a, dar 8 vela a nu r^wlin, ‘Mambawih tho tawh ta che, zing chaw ei kan peih tawh e’ a tih \hin kha tunah chuan ‘Ka nu chaw ei tawh ang u, ka tlai ang e’ a ti ve tawh thung e” zu ti a. A peihte tan chuan mite kawhhmuh tur thil \ha hi he leiah hian a lo awm ve zeuh zeuh a ni awm mang e tih te min ngaihtuah tir a.
Tlangvala
————
Ram rorelnaah hian hawihawmna hi a awm lo hrim hrim a, keini hi lal reng mai ila tih hi kan duhdan a ni. Min duh tawh loh kha lal i tum tawh lovang tih lah awm hek suh. Hei lo liama kei kei tihna a awm lo.
RK Sanga
————
Mahni hnam thilte ngaisang tura inzirtir mek laia tual\o tia kan hnam a\anga pawl emaw, thildang lo chhuakte kan hmu hniam \hin hi chu mawlthlak tak a ni. Hnamdang thuchhuaka ro inrel hi a ngai tam hran lo. Chuvangin tun inthlan chungchangah pawh mahni hnam a\anga chhuak thlantlin ngei tur, Central a\anga kan ram chanvo a bo-pil ngai dawn lo, chutiang an ching ve lo. Mawl leh dawihzep tak awm loh tur. Hnamdang thil ngaisanga zawm duh ho kha chu kan ram thil rorelna hrang hrang lak a ta chhuak nghal rawh u. Khawvela mahni hnam pho chhuak ngam lo leh zahpuitu in ni e.
LH Pachuau
————-
ZPM Secy. General khan taimak inzirtir leh thatchhiat inzirtir inbukna tur angten a sawi a. Tuman thatchhiat an inzirtir ngai lova, mipui rilru tibuai zawng ni lova thu sawi hi a \ul tawh. Mi taima, rim taka thawkte an hmabaka chawikang turin MNF party-in SEDP hmangin an pui dawn a, sawhthing kg-ah Rs.50/-a lei ngawt lova, a chingtute leh thil danga eizawngtute puih hun hi kan thlir mai zawk a ni. Sawhthing ngawt zawng a t^m zo thei a, a ching lo hi za zela 60 kuthnathawka eizawngtute kan ni e.
KUT HNATHAWKTU
————-
Reiek khua zet chu gas a lo thleng ve thei lo. An sem lohna a rei ta vang vang hle mai. A manganthlak takzet a ni.
Berbera Pu
————-
Mizoten ram kan neih chhun ramri enfiah tura Mizoram sorkarin a dinte hian Central-in min bengkhawn lai hian uluk leh taima takin kan tu leh fate tan theihpatawp chhuah mawlh teh se.
Zopa
————-
Kum sawm liam tawha Mizoram sum duh tawka chawk leta mawi leh mawi lo pawh sawi lova EIRU |EUH |EUH PARTY PAWHIN MIPUI BUM AN TUM LEH TA. An sum siam dan zinga lar deuh Tuirial HEP Compensate, Referral Hospital, mawza manto, kel pal, ekin kal thei, a tam mai sawi vek sen a ni lo. Hel nen pawh an lo inzawm \ha hle a ni ang.
Duata pu
————-
Mizorama kuthnathawka eizawngte tan mawlh mai hian hmasawnna pek leh neih tir dan dap a ngai. Mizoram sorkar Department leh sorkar rorelna chelhtute kalphungah hi chuan khua a var thei dawn lo. Tuna Central sorkar BJP a\anga kuthnathawktute duhsakna \ha tak mai an duanchhuah (Kisan Morcha) lah hi Mizoram BJP enkawltute lah hian a awmzia an hre lovin, kalpui ngaihna reng an hre lo. Heti taka mipui tam ber za zela 75 kuthnathawktute tana Pu Modi-a project Mizorama rawn luhpui theitu tur party hi dap mai a hun hle. Central sorkar zinga BJP nena inkungkaih party leh kuthnathawktu duhsak thei party koh luh mai hi kan hmasawnna kawng awmchhun a ni.
PH FANAI
————-
Pu Duhoma hi lo CM ta se, a sawi ang hian a thawh dik hle ka ring. A chhan chu ram tana thawh chak mi a ni a, mi dik a ni tih hi MLA ten hman kuma Rs.3,00,000/- chuang dik mang hlei lova an dawn, a lo dik lo a ni tih hre vek zinga dah kir leh ngam a nih avang khan kan ram hruaitu ni tur hian ka duh leh ka rin ber a ni. Amah ertu leh huphurhtute tan pawh mi rilru tluang tak, phuba lak duh mi a nih ka ring lo. Pathian \ih mi tak a ni ngei ang.
Ramtea, Mizo ngat
————-
ZPM CM candidate a tana an puan mek, Pu Lalduhoma hi sawiselna tur a awm lo chu a ni bik hauh lovang, chutih rualin a rawn sel vetu tam tak hi chuan nangmahni mawng inhlim tih leh inthil hriat loh zia inrawn pholang mai tih inhre hlawm teh u. A \henin MLA vawi khat pawh tling thei lo inrawn ti thul, MLA an nih tawh leh tawh loh pawh hre lote hian ka bei ve e te hi in ti a.
Hruaia
————–
Ruah a rawn sur a, khawpui a rawn ri a, current a tawp a, kan thim \hap a, veng dang a la êng uar si, kan veng hi chu min fimkhurpui bik mang e aw ka ti \hin, a lawmawm lam nge, a lawmawm loh lam pawh ka hre nek lo ve. Kei chuan a êng hi \ha ka ti a, a nuam zawk fe.
9774941216
————-
Sorkar hnathawk hlawh pung tur hi mirethei tan chuan a lungngaihthlak lawk mang e.
Sumdawngin an lakluh man ngai reng pawh kha thil man an han san ang a. Miretheite sum lakluh a pung ve dawn chuang si lo va, \ah a chhuak lawk a ni e.
Mi retheite khawngaihtu sorkar kan nei ve si lo va, tih ngaihna dang a awm dawn si lo va, kan hui pap pap ang a, kan rum tlawk tlawk dawn a ni mai. Huihammm…
9774354495
————-
Education Reforms an sawi fo bawk a, rawtna siam ve teh ang. Sorkar hian an school zawng zawng khar vek sela, sorkar zirtirtu zawng zawng hi thla 6 hlawh pein ban vek rawh se. Tichuan, sorkar school hi private school luah hawh atan lilam sela, school fee sorkarin tum sak sela, thingtlanga cheng leh khawpui (District Hqrs.)-a BPL te fee za zela 90 pek sakin midang tan za zela 50, State danga zirte pawh tlem a zawng tal.
Hetiang deuh rapa chet loh chuan kan buai kumkhua ang.
ZPM for Mizoram
9612126503
————-
Nimin khan Zodinah motor parking hmunpui tur sorkarin a sak tur chu UD&PA Minister, Pu Zodintluanga chuan a lungphum a phum a, he hmun parking centre tur hi Aizawl future atan a\angkai dawn hle a ni.
Zoram mipuiin kan hriat chian Sports Minister ni bawk Pu Zodintluanga leh midik hmingthang leh hming \ha, oppossition te pawhin sawiselna tur an hriat loh, Lt. Col. ZS Zuala te hi chu khawi bialah pawh ding se an tling zel ang. Hetiang mi hi Zofate hian ngaihhlut nachang i hria ang u.
The Observer
————-
