Fakselna 14th May, 2020

0
46
views

Sorkar sikula zirtirtute hian an hlawh cut an duh bawk si lova, engmah thawk lovin hlawh an la char char bawk a, hlawh phut miah lova ram leh hnam tana himna tur ngaihtuaha, chhun zan zawma ramri venga hnam pasal\ha duty te hi chhawk ve sela a \ha lo maw? Hlawh cut an duh loh ai a ni mai lawm.

Mami, Aizawl

Phai a\anga rawn haw an awm chho zel sia, keichu fimkhur thil thuah a theih chin chinah ina tawmim ka thlang e. Tin, tlan loh nia tlan, traffic police-in an man aiin man loh an tam an ti. A \hen mana a \hen man loh hi eng nge a awmzia?

9089062698

Ka ngaih a \ha lo. Sum hmuh tur zat Pathian chauhin a hria a ti mauh mai. Pathian hi kan finance minister a ni si lo va, February ni 25 kha chuan ni thum chhungin cheng vaibelchhe sang nga nin rawn pe a ti a, pek min tiam tiin a sawi lo.
Chu bakah sorkar sum renchem dan tur a sawi tel ka ring a, a sawi si lo va, an hmang huau huau zui zel dawn a ang. Chuti a nih chuan chhiah leh mipui mimir mamawh electric leh tui man bakah ram chhiah leh Property Tax tipung miah suh se.

94361 97357

A tir chuan sawma pakhat an pe ang an ti a, an phun neuh neuh a, a tawpah chuan pek a ngai leh lo.
Sorkar inrelbawl dan mak sak ang reng tak a ni. An zak a nih pawn an tilang lem lo.
Mawii

87946 59715

Kohhran \halai pawl pakhat inkhawmpui report-ah kum khat chhunga member thi kha mipa zaa 81 an ni a, ngaihtuahna a tithui kher mai. Inenchian deuh a \ha lo maw?
Luaitea

94361 41804

Tun \umn HSLC-a ti \ha hote kha a veng neituten ropui takin chawimawi teh u. Tin, thingtlang mite phei chu an khuate khan Miss Mizoram inlo hmuah aia ropui khan lo hmuak teh u. Chawimawi tlak hi chawimawi tur. Miss leh Idol/Icon te pawh lo ti zel tho se. Amaherawhchu, kan lehkhathiamte hi a theih anga ropuiin i chawimawi teh ang u. Nakina kan ram nghah fak turte an ni si a. Chawimawi phu chu chawimawi mai tur.
Aizawl Nu

96129 07066

Pu Zonet he Fakselna hi a ngaihnawmin a \angkai hle mai sia, mahse DD NEWS nen a inrual tlat hi a pawi ka ti em mai. Siam rem dan awm thei se. Dar 6-a chanchin thar puan zawh veleh hian fakna aiin FAKSELNA hun han hmang ve nghal mai ula, DD news han ngaihthlak ve hi a chakawm ve bawk sia. Rem han ruat hram teh u.
Roddy pa

98626 90415

Pute, Zodintluanga leh Lalduhoma te hian oppisition MLA an nih ang ngeiin tunlai boruaka sorkar hmalakna te, duh khawp lohna an lantir hi an tih tur dik tak a ni zawk. Oppisition MLA ngawichawi tak ni ta sela, kan dem tho lovang maw? Democracy ramah chuan Opposition te hi an bengchhen a \ul zawk a sin.
Puipuii Papute

84140 29478

Zoram mipuite hi kan van vanduai bik tak em, kan ram dinhmun pawh hrechiang lo CM kan lo nei reng mai hi. Kan ram sum dinhmun pawh hre lo, Pathian chauhin a hria angte min han tih khum vel mai mai a, a ni ber pawn a hriat loh chuan Pathian pawh hian a hre bik dawn emaw ni le? Term khat chhunga a eiruk theih zat zawt ila chuan hniak phawi miah lovin a sawi thei awm sia.
Chhaktiang Keite

76279 14601

Kan Treasurer berin sum dinhmun a sawi theih si loh chuan a luhaithlak deuh chu a ni. Tunlai khawvelah chuan thusawi ngaihnawm, eng tak nge a sawi tih man har tak, inhrilhfiahsiak mai mai ang chi hi a fuh tawh lo. Hmuh chhoh tur kan hun tawng avanga sawi harsa hi chu a dik ngawt ang. A tlem emaw, a tam emaw, kan sum chevel hman tawh leh hman loh dinhmun chu treasurer tan chuan hriat harsa tur a ni lo. Awmze nei lovin, chhan awm lovin sum hi a lo lut ngawt ngai lo, a hmanna leh a lo lut hre lo tan chuan sum enkawltu nih a theih loh, a vel pawh sawi theih loh a nih chuan \an lak dan thiam a har ngawt ang.
RK Sanga

94361 90314

Fakselnaa kan thu chhuah tam tak hi chu han ngaihthlak hian kan la chhangchhe deuh mange aw a tih theih a ni. A awm e, Zoram dung leh vang hi a lo zau ve em a ni e. Pu Zonet, intan pawh hian lo thliar hran sak ngawt chi a ni bik mang si lova ti raw? Nakinah felfai deuh zawka tih dan insiam hunah inla thliar zung zung mai ang chu.
Rinrini pu, Aizawl

94369 76179

Tun \um chu nangmahni lam sel ang. Mi tam takin chanchin thar puan laia fakna indah an sel a, kei chuan sel chi niin ka ngai lo. Sumdawng in ni a, in tih tur a ni. Tlem lai deuh khan sound chungchang kan sel che u a, inpangngai \an viaua, hun a lokal a, inchiangkuang leh tawh lo. Chanchin thar hmain fakna a awm a, fakna hi a sound no.10 velah en a nuam tawk viau. Chanchin thar inpuang chiah a, a hmaa sound 10 vela ngaihthlak nuam tawh kha chanchin tharah chuan sound hi 15 velah dah a ngai daih mai. Hei hi han insiam \ha hram teh u. Technical lamah harsatna a awm loh chuan a ri hi a pangngai tur ni awm tak a ni. Nangmahni kan sel che u hian in inenlet \hin em aw?
Johan Lalrinawma pu, Saron veng

94363 92544

Kan ram politician ho hian lo ngaithla teh u. Tun ang boruak hi ram hruaitu \ha leh \ha lo mipuiin awlsam taka kan hriat ve theihna hun \ha ber a ni a, mi rinawm leh rinawm lo an landarhna hun \ha tak a ni. Mipuite hian kan en reng che u a ni tih lo hria ula, chuvang chuan nangni pawh fimkhur ula, dik tak nia inhriat dan ang ngeiin mipuite tan hna han thawk teh u’n. Tin, mi hlemhle leh eiruk ching pawh indim suh u, tun ang hun hi intan hun \ha ber a ni tih hriain, political party tan intarchhuahna hun \ha a nih avangin Mizoram mipuite tan thil \ha intihsiak nan he hun khirh tak hi han hmang teh u.
Thlirtu Mitfima

94367 54005

Tun ang boruakah chuan kan sorkar thuneitute hi an beng sika an ngaihtuah ngun a ngai. Mipui harsatna sutkian nan electric bill leh tui bill te chu FREE tir ngei ngei tura kan ngaih laiin, mi rethei in luah man pek tur pawh nei lo, kan ei leh in turah pawh kan buai nak a laia mi harsatna hriatthiampui lek lova taima tak leh \hahnemngai taka bill a la khawn tir hi a mak ka tih khawp mai. Eng nge i ngaih ve dan le?

96122 45884

Pu Zonet, kan CM zahawm takin sum dinhmun a report chungchangah selna ^nka a va tam ve. Kei chuan a sawi awm tak a sawi niin ka hria. A detail takin sawi dawn sela mihring hian ngaihdan kan nei vek a, tute emaw an lawm viau laiin tute emaw chuan an sel leh luai luai tho tho dawn tih ka ngaihtuahin mihring kan thuhmun fo thei lo tih hi hriat a \ha. A zawng zawnga kim taka hriat vek kan tum hi mipui lam pawh hian kan zo dawn em? A \hen kan lawm laiin a \hen kan hlim dawn lo hrim hrim; mi zawng zawng ti lawm thei leh famkim kan awm lo, sawi vek se kan dam kim kher ang em tih hi inbihchian ve chu a \ul ang. Chu lo rengah sum hi chuti maia mi \henkhat duhdan ringawta hman hiau hiau chi pawh a ni lo. He hripui hian eng chen nge min hual vel dawn a, eng anga hautak tur nge a nih hi a sawi theih hauh loh. Hma thlir neitu tan leh mawhphurhna latu tan chuan luhaithlak tak a ni a sin. Tute emaw duhdan ringawta a detail anga lo sawi a hi a fuh ber miah lo tih hi mipui pawh hian hria ila a \ha awm e. Bible chuan “sawisel suh u, sawisela in awm loh nan” a tih kha. Chu lovah chhungkaw pa ber paw’n kan fate hriatah kan sum leh pai dinhmun kan hrilh vek kher loh hi maw. Kan ti lutuk deuh mah mah ve bawk \hin a ni. A \ul chin chu tarlan zel a nih hi, lungngawi mai \hin ila, Pathian ngaihah mi fel kan ni mai. Ram khat hruaitu ve reng ruang chuan a sawi chin leh chin loh tur ramri chu a chiang turah i ngaihsak ang ukhai!! Thil zawng zawng tih a thian rualin, thil zawng zawng tih a \ha vek kher lo ve bawk a ni. Kristian tih awm reng hian Bible thu te hi kan nunah seng lutin kan sawi tur chin te hi uluk takin Chunglam mitmei vengin insum ve deuh \hin teh ang. A remchang apiangin roreltute sawisel fo hi kan sim a ngai a nih hi. Roreltute hi Pathian ruat an ni miau mai.
Serlui Pachuau

87874 87887

Hripui len vanglaia \anpuina eng pawh lo paipawntute chu an tu leh fate thlengin anchhedawngin awm zel hlawm mawlh rawh u.

8575710853

Zonet hi ka ning hle mai. Englai pawh hian enga tinge signal hi a chhiat reng le? |an han la deuh teh u. A fee ni se bat chu sawi loh advance-in inkhawn a, kan pe zat zat bawk si. En theih mumal lai reng reng a awm lo. En tlak awm lo man kan chawi reng mai.

8794767711

Chhungkua pawh hi nu leh pa-in kan sum dinhmun an hriat chuan a tawk mai a lawm. Tu pa berin nge chhungkaw sum neih zat sawi vak vak duh ang. Chhungkaw member dang chuan kha sum kha ren taka hman leh a tihpun lam kha kan lo tih ve tur a nia.
RUATSANGA RENTHLEI

9615450553

Khawvel ram ropui zawkte pawhin sum harsatna an tawh nasatzia hre lo ang hrima, hri len hmaa kan ram hruaitute thu sawi lo sawi thar leh chiam chiam duhtute hi chu politics ruihchilh, harh chhuak leh tawh lo tur mi khawngaihthlak berte zinga mi an ni. Harsatna tawk, Central a\anga pawisa dawng \hin kan ni tih hre chiang bertute hian he hripui hlauhawm hi politics-a hlawkna atan hman lo tum lul teh suh u. A Mizo tih chi loh em mai.
Putea

8413024376

Kan unaute, ram dang leh State dang a\anga lo la haw tur te u, a hmaa lo haw tawh, lo haw ru ang kha awm tawh lo ru aw. Quarantine thlap tur aw. Tun dinhmunah chuan kan ram hi Covid-19 laka kan him leh him loh hi in kutah a awm a nia. Tumah tunah Mizoramah possitive kan awm hriat a ni lo va, a awmchhun a dam tawh bawk nen.
Vawiin thlenga Pathian min venhim bikna hi rawn zah hram ang che u. Inkutah kan ram him leh leh him loh hi a awm a nia.

8837230997

Pu Zodintluanga hi tunlai chu a \awng duh barh barh hle mai. A mawng a hlim mai a ni. Zawngin a ngum khak a hmu lova a \hiante ngum khak a nuihzat tih zawng zawng a nei niin a lang. Tun ang boruak, \anrual hunah inchirhtheh zawngin a che reng mai. Chaurau ek zawng a thai chiang a lawm. Inthlan lehah pawh a tlak daih duh hmel. Hetiang mi rilru le lo lutuk hi chu \ngrual tlang ila insel insel lo hian kan hming a \ha-in kan lo mawi tlang zawk tur a nia.
TC

9612598771

Sorkar hnathawkten pek har an ti hi mak ka ti inpeng tawn vek kan ni sia.

9612131627

Kawnpui, Chhim veng task force te in inpekna a hlu-in a chhuanawm rualin tlem ka lo sel ve lawk. Zan lampangah duty-in inchhuak \hin tih kan lo hriaa, inti \ha khawp mai. Mahse, khawlaia chhuak inhmuh tu pawh damdawi lei leh Biak Ina \awng\aia kalte thlenga inman mai hi chu intih mah mah deuh lo maw ka ti mai mai. An thil tih zawt lem lova inhmuh hmuh man ngawt mai hi chu in inenfiah hi chu ngaiin ka hria. Eng pawh ti dawn ula dan te hi hriatchian tluk a awm lo nia.

9366560038

Pu Zonet, ngaihtuah ve mah teh. Mizo mipui nawlpui, a tam zawkte hi chu kan mak a nia. Hruaitu leh tu lote pawh hi kan ngaituahna, kan rilru te hi a inang put mai nia mawle. Han inhruai tur chuang hi kan awm lo. Hnam rilru nghet lo leh hahdamna zawnga thenkual mai mai tur chu kan lo ni. Kan hripui hlauhte hi a reh zo leh ta nge ni, a tira kan hlauh tehreng nen khan. Intawn harh kan ngai leh dawn nge, ramri lampangte leh a mipui mimir hrim hrim te kan insulpelh tak huai huai mai le? Thil \ul tih ngei ngei ngai kan ngah sawt ta riau mai. Nge, positive awm hunah kan inhlauhsiak leh zawk mai dawn? Sipai ralmuang an sawi kha kan ang ta berin ka hria.
Ramhmangaiha

7640997149

Kan ram hruaitu berin Mizoram sorkar sum dinhmun a sawi thei lo hi a zahthlak hle mai. Pathian chauhin a hria angte a la ti zui, i Pathian hming a naranin sawi suh.
Lone wolf

8837331196

|hiante u, khawi ram Prime Minister emaw, State CM emaw tumahin an ram sum dinhmun dik tak han zawh phut ralah chuan sawi thei an awm lovang. Sawi pawh nise kan awih chuang lovang. Hei ang hun thim hripui lenlai hi chuan i \ang tlang zawk ang u hmiang.
8794716138

—————-

State dang a\anga lo haw khawm hian eng thil tak rawn thlen ang maw? Kan buaipuinaah sum engzat tak seng leh ang i maw? Kan tunlai boruakah hi chuan lungrual tlan kan zir hi a hun tak meuh a ni.
Peka pu

8837399040

Mizoram mipuite hian hei hi kan ngaihtuah ngai em? Khawvel hmun hrang hrang han thlir ila ramte ber thlengin haw runpui kan nei a ni ta ringawt mai chu a nih hi. Khawvel a insingsak mup mup dante hi kan ngaihtuah ngai em le? Hei aia hun khirh zawk thleng tur hi a awm a ni mai lo’ng maw? Covid-19 avang chuan kan inralring khawp mai. PATHIAN thu avang erawh chuan kan inralring lo chiang khawp mai. Engkim hnehtu PATHIAN ai pawhin Covid-19 kan hlau zawk niin a hriat. Hawh teh u, ringtu intite hi mahni \heuh inen fiah teh ang u.
Nghaka Pachuau

9862419552

Kan CM leh Finance changtu berin Covid-19 enkawlna tur sum dinhmun chungchang an sawifiahna chu an sawi ai khan an chiang lo zawk emaw tih tur a ni. A changtu Department ten an rawn sawifiah lehna a\anga a lan danin sum fai tam tak chu a awm lo niin a lang. Chumi awmzia chu Covid-19 enkawlna tur hian sorkarin sum a nei tam hle hran lo va, mahse harsatna erawh a la nei lo. Pawnlam, entirnan-sorkar hnathawk pawl, mimal leh pawl inphalte \anpuina erawh chuti takin an la mamawh rih lo niin a lang. Dept. hotute sawifiahna a\ang hi chuan sorkarin sum tam tak nei lo mahse kan la thlaphang lo ve an ti niin a lang a, mipuite thlamuang takin lo awm phawt mai ang u.

9862333129

Mizoram chu Covid-19 lakah kan him ta rih niin a lang ta phawt a, eng chen nge kan him zel ang tih chu a ram chhung mipuite thuawih leh fimkhurnaah a innghat a ni ta ber lo’m ni? Ram pawn leh \henawm state-ah lah a pung tak tual tual a, heng kan \henawm state leh ram pawn a\angte hian hripui leng laka himna zawngin an la rawn lut ru dawn chiang. Hetah zet hi chuan ram tana INPE task force duty te mawhphurhna a va han lian lurh lurh tak em. Hawh u, kan ram leh hnam tana inpe mi tlawmngaite hi i duat zual sauh sauh ang u. An ni hi thawk chhuak ta lo se, ngaihtuah pawh ka ngaihtuah peih lo, kan ch^k loh dan tur mai mai chuh.
Tlangvala

9862349117