Fakselna (15th September, 2017)

0
1093
views

MNF ho total bandh buatsaih chu ti\ha chu an inti ve viau ang a, kei chuan ti \ha pawh ka ti ve lo. Englai mahin mipuite tan thil tih\hat an neih pawh ka la hre ve lo, an sawrkar lai pawha mi rethei chan ai ei zo duhtute kha an ni si a. Tuna taka mipui thlavang ka hauh han tih leh velte hi chu awih a har duh awm. Inthlan a lo hnai leh ta a, ram leh mipui hmangaihnain politics advantage-a lakna hmanrua a ang zawk lo maw? Heng lam kawng hi chu zawh ve lul suh u. Kuang lo nawr in ang awm em mai. Tuna sorkar ding lai leh nangmahni-ah hi chuan ram mipuite kan beidawng takzet a ni e.
Zualbawihi pu
————-

Nuam tawlna thliarkar Carribean Islands chuan chung lam hremna an tawk a va ang ve.
The Communist
—————–

Tumah tih bik awm lo: Bandh siam \hin te hian mipui thlavang an hauh ni lovin an tibuai mai a ni. A bikin khawpui chhunga ni tina eizawngte pawi an sawi niin a lang. Bandh siam kher lovin puang se, mipuiin an thlawp leh thlawp loh a chiang ber ang. Mi dan beh tlat te chuan tunge pawnah chhuak reng ang? Bandh siam lova mipuite thlavang hauh dan hre lo hi chuan an thlavang hauh lo mai se. Mipuite tuar tir zawnga an thlavang hauh hi zawng a game a hniam deuh lo maw aw ka ti ve \hin. Hetianga an tih hian ni khata sum hloh zat hi a tam fe mai thei bawk.
RL Awma
————–

Ram puma total bandh siam hi a \angkai tak tak ang em le? An siam nghal dawn pawh chu a ni bawk si lo. Pathianni tuk leh zan Kristian ringawt ram hruaitu kan thlang tawh lovang. Dik taka ti kan hua a, dik lo taka ti kan haw bawk si a, a tu ber hi nge kan huat dawn a, kan duh loh ngam dawn le? Tun a\ang chuan ram hruaitute an fimkhur tawh turah ngai ang aw.
Ruatte
————–

Mahni enkawl sen loh BRTF kut a\anga kawng laksaktu hi tunge tih kan la hria e. MNF hian sawi tur neiin ka hre lo. Sum siamna tura an ruahman hmangin Congress-in sum an siam ta a nih hi.
Zuitea pu
—————

Kan inkalpawhna kawngpui chhe lutuk, kal ngaihna awm tawh lo, sorkar ber pawhin a bengkhawn \hat duh loh, MNF Party-in total bandh hmanga sorkar ben harh an tum hi a lawmawm hle a ni. Party dangte pawhin sawisel sawisel lovin thlawp tlat zawk tur kan ni. Kan Zoram kawngpui ch^k lakna ber chhiatzia leh motor tan pawha kal ngaihna thlawt a awm loh zia chu TV a\ang pawhin kan hmu chiang hlawm hle awm e.
Sanga pa
————–

Saipui kal lai hi eng Saipui nge ni ang aw! Saipui Specialist, Rahul-a te nufa chuanna atana chal pawh hnawihsen sa thlap, a \ul a nih chuan ui ang thova mi pawh bauh thei, zu leh NLUP chauh phur tura duan, Saipui fing tak leh vote zawn nan chuan a maka maka tam sum nei thei, hmathlir thui tak nei, ram leh hnam chhiatna tur atan pawisak erawh nei miah lo, saipui mak tak mi chil darh vek pawh hnial lo khawpa pawisak nei lo leh hlauhawm tak a ni tih Zoram mipuite hian i hria ang u.
Tlabung Uitangrual
—————

MNF pawh hi Congress kan selna ang tho va sel ve hi in \ul. Thuneihna in vawn kum 10 chhung zet kha rim taka hnathawh nana hmang lova a chena in chen kha a pawi. Peace Accord a tihpuitlin lohte in ngaihthah vang vang a, tunah in thar thawh leh hluai a. A nihna takah chuan ram tana nunna thama lo feh chhuak \hahnem takin nunna ch^n khawpa hma latu awm chhun party in ni. Party dang rorelna kawng engkima a \ha zawnga khum tura mipui beisei in ni. Beisei in phak loh luat avangin in President hova hnawl in ni kha a zahthlak hle. Inenfiah mawlh teh u.
RK Sanga
—————-

PHE Deptt.-in kan tui pipe-na hmun leh phum duh dante hi mimal inzah lohna leh intham lohna a nasa hle a ni. Inen chian a ngai hle. In bul huan leh kawt laite kan inlaih chhiatsak vak zel a, zahna hre lo zawkah leh mi tham lo zawk zawkah chuan an la \ang lehnghal zawk si a, mahse mi zahna nei eih lo hi chuan rei an daih dawn chuang lo a ni.
SLK khua
—————-

Ni e, MNF chuan bandh chu kan siam ngei mai. Kei pawh duty-naah ka tel a, \hianten min sel fiam ve a, ka hnathawh \hulh leh ka hlawh tur chan zat te, kut hnathawktu hna \hulh pawi zia te min lo fah a. Mahse, ka inchhir love, nakin hun atan a ni miau a. An chakkhai lamna a chhiat miau chuan engtinnge ni ang?
9862371653
————–

Zuk leh hmuam, ruih theih thil khapa zu zawrh leh tlat si te, ruah sur tam vanga kawng chhia tih te hi thil mak ve tak chu a ni. ZU hi a inte an rui a, in lo an rui ngai lo. RUAH sur nasa chuan lei min a siam tam ber a, tuna kan kawng chhiatna hi lei min vang ni lovin kawng chhuat khuar leh diak vang a ni ber a, hetiang dinhmuna kan din tawh pawha la \ang tlat mai ho hi chuan ram leh hnam hi an hmangaih lo mai pawh ni lovin chhe vek mah ila pawi an ti lo a ang hle lo maw!
LALMAKTIA
————-

Party lian leh sorkar tum ve meuhin an hun lai pawha fur ruahtui tlak laia kawng chhiat dan hre lo ni awm taka Bandh an siam hi a inhmeh lo. Mipui tuarna thlentu mai a ni.
Nineteen sixty six
————–

India ram Prime Minister hi Mizoram Chief Minister atan ka duh ngawt mai. Ring lo mi hi an rinawm zawktea hriat chang a awm \hin.
Ruthii Pu
————–

MNF ho chu an va peih rei lo em em ve! Ni khat pawh an peih leh si lo a ni maw? Ho thei em mai. Ram hruai leh tur pawn an rin ngam dawn loh a nih hi.
VL Ruata
————–

Heti zawng hian han zel din ta ila. Tuna \angrual pawlte hi lo sorkar ta se, an hruaitute chu sawi loh, an worker-te leh an laina te duhsakna lamah hian Term khat chu an hmang liam ve thei mai lovang maw? Kan ram politician te mize nghet tlat tawh ang mai a ni roh lehnghal a. Khawro leh siam ngai inti kha an tam dawn chiang lutuk a, huphurhawm tak a ni. Congrees leh MNF party-te tana an huphurhawm dawna a lan tak leh an ni pawh hi inchhun fin ve rup mai se a \ha ang chu. An thawmte chu mitdel kher lo, piangsual, kebai, mi ang lo leh hnamtin hriat tham lawihin a ri bengbung ang chu..!! Pu JV-a te pawh hi te reuh tea inhampuar tum vak vak reng ai chuan amah siam liantu MPC party-ah te hian a rinawmna neih ve ang ang nen beh tlat awm a nia. Hetia HINDU party zawma lo inti theih ve vak vak hi a \ul lo a sin. Vai party-te chu hei ning hluiin kan kawl sa reng tawh alawm. A hran hran tih eng nge a tul \awh lem em maw ni le?
Bawiha pu
————–

MNF ber kherin total bandh an buatsaih hi chu an ngumkhak an hmu thei lo tlat alawm le. An sorkar lai khan rulngan pa ang zar khan kawngpui te kha lo siam se \ha mai tur. STAM buatsaih, School \an hma chungchang sawihona an sawi pakhat, naupang an ban hma chuan sualna a pung tia sawitute kha ka’n zawt let teh ang. Kum 1985 leh kum 1993 inkar vel khan ualau takin KS an inlar lo em ni? A hnu lawkah proxyvon addict vangin kan \halaite a maka maka tam an thi zawih zawih lo em ni? Sualna hi chu a pung zel dawn. Kristian, Bible ringtu kan nih chuan a inziah vek kha maw.
8575182350
—————-

STAM buatsaih, School \an hma chungchang kha kum 4 dawn kan kal tawh a, MLA thlan hnai tawh, Politics boruak a ang tlat. Tin, a sawiseltute kha an school-ah 8:30-a \an tho te an ni fur mai. Zirtirtute hian an peih loh vang mai mai a ni thei ve bawk.
LB-a Pa
—————

Central sorkar chuan Chakma ho ram chhunga awm te India khua leh tui nihna an pe dawn ta nge nge a, kan state sorkar remtihna a ni em? Ni lo se kan MP te eng vangin nge an ngawih reng?
Mizo pa
—————-

Kum 2015 tir kha chuan Falkawnah Medical College kan nei mai dawn emaw tiin ka lo lawm ve em em a. Mahse, tunah chuan STATE awm chhun kan lo ni leh ta rih chu a ni a. Mi State Medical College chu chil putin kan thlir ta vawng vawng chu a nih leh tak hi. Kan ram hian thawh harhna tur kan va nei ve aw.
Lucas-a Pu
—————–

Kawng chhia kan sawi hian sorkar lai party kan kawk deuh a, kan sawi zawng apianga lawm taka lo nui ru ver ver an awm \hin. Chu chu PWD hi a ni.
K. Hautea
—————