Ram venghim tur hian dan leh hrai hriat chian ai maha pawimawh chu huaisenna a ni. A dikna chu Naga hnamah kan hmu. Ram a han buai phat khan Mizo chu dehkhirh tak an ni ang, anni anga hnam huaisen India ramah an awm lo tih ngaihdan lian tak mai a awm tih an sawi \hin. A dik a ni ang, ral pui beihin min bei a, jet fighter nen an che rup rup mai a nih kha. Tuna ramria kan dawih dan em em hi chu zahthlak khawp a ni thung. Mi dawih tak te hi chuan politics hi chu luh chilh lo ngam khawpin huaisen se ka ti hle.
RK Sanga
9862366590
“Kan ram riangte ka ch^n ai chuan ka do ve na nge” tih chu thawnthu an chang zo tawh a ni ber e. Assam vai pathian biak in sa laite khu zuk kap thla rawk mai ila Mizoram police te hian a rang a rangin min phuar hlawm ang. Kan ram leh hnam chhan tur hian kan \anrual a va ngai tak em. Khuti lai an biak in sakna lai chauh khu a la ni lo nasa, kan pi leh pute ram hauh chin phei chu saw-ah saw-ah,. Silchar bul maiah sawn an ti. Mi ram chuan inchi khat pawh kan ch^n dawn lo an tih laiin keini ve hi an pathian biak in an sak zawh hma pawhin kan chawlhsan tir thei lo a ni a, an sak zawhah phei chuan India dan hian a humhalh pui tlat dawn. Mi fing leh rem hria te lo pen chhuak vat vat teh u, khua kan tlai lehzual hma hian. Mahni thu thu-a tawng pawng lo zuk chet ngawt a chi si lo; RAL REL A NGAI E.
PAVALAI
8014499153
Hmangaihna avanga kan nupui pasal neihte hi kan milpui tur leh an taksa itawm hunlai ringawt avanga nupaa insiam tur leh innei kan ni ngawt lova, an tlin lohna lai tak hriatthiampui leh inngaidam tawn tura insiam remna hi a tel ve a ngai a, he hriatthiamna leh ngaihdamna hi a tel loh chuan “Thihna chauh lo chuan min \hen suh se” tih Bible-a kan hmuh ang hi kan tawng pha dawn lova, chuvang chuan fimkhur takin chhungkua \heuhte hian hun i hmang tlang \heuh ang u. Tin, nula leh tlangval khingpui tur zawng mekte tan phei chuan a va pawimawh leh zual em tih hi Fakselna kaltlangin mi tin tan duhsakna sang ber ka han hlan a che u. A zawm thei mifing, a zawm thei lo mi ^.
C. Lalmalsawma, Aizawl
9862384183
Tunah hian MPSC Chairman hna a ruak mek a, he hna pawimawh tak leh ram hnuk khawih pha hna thawk tur hian kan sorkar hian ngun taka ngaihtuahin Politics-a induhsakna vang mai maia duhsak zawng appoint lovin, Mizo mipuite tan pawha chhenfakawm, mi lehkhathiam leh thil hria, mi dik, mi huaisen leh taima dah se a va lawmawm dawn em!
No. thup
9774008297
Pawlk<t hi buh pangngai, thar rang ni lo seng zawh, January thla laihawlah an hmang \hin a ni ngai a; eng kan ti ta nge buhseng \an hun chauhah Pawlk<t kan hman leh tak mai le? Mizoram Calendar hman lai 2019-ah pawh January thla chu “Pawlk<t thla” tih chiang leh dik thlapin ziak a nih lai a, November ni 14-15 a Pawlk<t kan Minister 2 te nen meuha kan hmang chu a zia lovin a hlimhlawp leh huau huau thlakhlelh thlak deuh lo maw pu te u?
Phungthlua
9774373679
|hazual Award naupangho nen kan en chu rilruah thil pakhat lo lang a awm. Mizoramah hian award leh show dang dang bakah film te pawh kan uar chho zel dawnin a lang a, chuvang chuan show neih hma vel hian en thei tur chin kum bithliah tarlan \hin ni se a va \ha dawn em ka lo ti ve nasa mai a. Chu chu naupang zawkte HIV/AIDS kan in aware-na kawng khat te pawh a ni thei ang tih thlengin ka ngaihtuahna a lo kal ve a.
Duhawma Patea
8794835992
Pu Hawla hunlaia Bairabi Zophai vang khan tute emaw kha an pawr tehreng nen, tunah Vairengteah ram chhan tur a awm tih an hre lo nge kawng chhawng siamin an buai zawk? An reh vang vang ta mai maw. Hmanni lawka ram hmangaihtu khan tunah a hmangaih Zoram hi a theihnghilh ta zawk em ni? Kan ram te hi a changa hmangaih a, a changa theihnghilh chi a ni dawn em maw ni le? An pu ber lah ramri buai sawifel dan a hre \ha bawk a, a ngawi hmak ta mai le. Ngawi renga ramri buai chinfel chu a har awm mange.
Thingdawl
8730841016
Mau leh Rua bawk aw. Ramin mau kan ngah hle si a, enga tinge Paper Mill tun thlenga kan la neih mumal loh le? Tun hnaiah ramdang rua buaipui leh daih a ni a, Central \anpuina pawisa lo kal hi private khawlbawma lo thlak \henna chance zawng pawl an ther leh fuk dawn tih hi a lang reng mai si a, ramin kan neih sa tih hmasawn ai chuan sum siam tum reng rengin kan politician-te hi an hmanhlel tlang chu a ni e. An hnuaia sorkar hnathawk thunei pha chin te hian tlema zawng an lo khar chhawng ve leh ngei ngei \hin.
Puipuii Pa
84140 29478
“Muhil tak tak aiin muhil der hi kaihthawh an har zawk” tih ang maiin, Cachar nena kan ramri chungchangah hian kan MNF Ministry hi kaihthawh hleih theih rual lohin mumang ramah an cheng lui ta tlat mai a nih ber hi maw? Misualin in an rawk mek lai leh nupui fanaute thlabar taka an awm laia pa ber a muthilh der tlat si chuan an duh duh an lak mai loh nakah. Hetiang tihdan phung hmanga Zoram mipuite min bawl kualna hi kum 30 chuang zet a ni ta. An tih theih loh laia an vei em em, tih theih hnua ngaihthah leh tlat si ang chi ram hruaitu hi keini Mizo fate hian kan phutawk chauh em ni dawn le? Kan thlang tling leh zel mai chu a ni si a! Kan tu, kan fa, kan thlah lo kal zel turte tana ram leh hnam issue vei a, “Hmasawnnna tluantling eng nge hemite hian min thlen tawh, ei leh barah min intodelh pui em?” tih lam aiin kan khua, kan veng bil ham\hatna chauh thlirin, inti changkang deuh hian kan tlusawp mek a nih hi. Hmanni lawka min bawl kualtute kha pangpar \hi nena chawimawiin kan zawn khu rum rum mai a, a huau huauna boruak nen a pui apangin, chin lem nei lo hian kan tal pawl ta hle mai a nih hi. Bei hi zawng a dawng ve det a ni e.
Ramveia
93666 30785
VIP present hlantute hi chuan skin-tight nen ni lovin Mizo puan nen han ti \hin se a mawi ka ti.
KLL
94361 41804
Enga tinge tunlai hian electric hi a van mumal lo em em ve? Kan khawlte hi a hlui deuh ta nge, a enkawltute an inthlahdah zawk? A ninawm ve det.
LEMMY
