Fakselna 17th April, 2018

0
607
views

ZNP hovin Chhinga Veng pa, Rev. Chanchinmawia thih dan sawitu an tuipui thar viau hi a nuihzathlak mange. Congress bawkin an fuihpawrh leh a ang ka ti. He thil hi hmanah pawh a sawi a sawi tawh a, tunah inthlan dawnah party office-ah bawk a sawi kual leh a, mi pangngai chuan a sawitu hi rin dan tawk kan thiam viau a nih hi. Rev. Chanchinmawia thah tir tu hi MNF President ni se chuan Police ten an man daih tawh awm si a.
Thlirtu
————-

Pu C. Chawngkunga hi boundary chungchangah a pawr viau \hin kha a nia, Chairman ni siin kum 7 zet a liam hnuah pawh sorkarah ramri chungchang engmah report p>k a lo nei der si lova, a hovin, a va nep tak em. Vaupung chang tina, engmah ni si lo a nih hi a! A tenawm mange.
Citizen
————-

Lunglei |halaite hmalakna kha a va \ha ve. Mizo nuna thleng ngai lo, Kristian te tiha mawi lo, kumkhuaa ser reh thei tawh lo tur tiin in sel maw? Mi duham, mi pamham, eiruk pawisakna nei miah lote hian Mizote nuna thleng ngai lo, Kristian te tiha mawi lo an ti tam lutuk tawh a, Mizo mipuite nuna ser reh thei tawh lo tur an siam tam tawh lutuk zawk. Chuvanga Lunglei |halai \henkhat te khan huai takin hma an la mai a ni. Tlem leh tam a ni lo, mimal chauh pawhin chaw nghei ten hma an la fo mai. |awngka chauh a la ni zawk, zam miah lovin kal zel rawh u, kan thlawp tlat che u a nia.
Champhai tlangval
————-

Minister, Pu Rotluanga chu a va ti \ha bik ve aw. Kan MLA dang hote pawh hian an bial kalkawngte hi han siam tir ve se, kalkawng \ha kan nei ve mai tur. Dampa bial lamah pawh hian a bialtu tan thawh tur a va tam tak em aw.
Peka pu
————-

Pu John Rotluangliana’n a sum senga kawng a siam tir hi lawm chi a ni ang em? Mipui bumna mai a ni lo maw? Sorkar sum eng Department ber emaw hian an tuar leh tho ang tih a hlauhawm thei tlat.
7005873180
————-

Kawng siam thua Lunglei |halai Pawl leh PWD inkar hi sawi a hlawh hle mai. L|P te PWD ten an demnaah a Mizo lova, a Kristian lo bawk an ti a, keia lo hmuh ve dan chuan kuta khawh hlawk hlawk theih khawpa chhiaa siam chu a Mizona leh a Kristianna ka hmu bik lo. PWD hian kan thiam loh a ni tiin pawm sela, boruak awmzui tur a awm lo ang. Hetia thil \ha lo pawh an hnuhma a nih vanga an \an tlatna hian mipui laka lam\ang an neih loh phah nasa ta a ni.
RK Sanga
————-

Tunlaia Kawnpui VC II chhunga thil thleng hi ZONET Fakselna kaltlangin ka’n sel ve teh ang. Kawnpui VC II-ah hian Kawnpui Chhim Veng leh Mualvum te an inkawp a, an veng inkar hi km 2 vel a ni. VC te hi Kawnpui Chhim Veng vek an ni a, Mualvum hi an en hrang ang reng hle bawk. Tunhnaia MNREGS ni 20 thawh turah VC te chuan Rs.800/- cuta thawk lova pawisa pek emaw, ni thum thawka Rs.500/- cut emaw an tum a, pawisa chu Mualvum khawtlang tana hman \hen an phal chuang lova, chubakah Mualvum khaw chhung cheina tura an cut pawh tun thlenga an la thawh sak loh avangin Mualvum lam hian inlungrualin cut lova thawh vek an tum ta a, VC te an lungawi lo hle.VC member pakhat phei chuan nuho hnathawk hmaah kalin Rs.500/- cut a lo la dil \ang \ang a, an duh chuan loh avangin Mualvuma mite ho chu eiruah a puh a, mipuiin an eiruk loh zia an sawiin hei vang hian niminah hnathawhnaah VC leh mipui an inhnial buai nasa hle. Hetiang VC sum duh leh tlak tlai lo ho hi bang vek mai rawh se.
Vumkhawpui pa
————

Politics hi midang sawichhe lo chuan a khelh theih loh. Fak phei chu a theih loh lehzual a ni. Pathian thu-ah chuan mite dem leh sawichhiat a rem ve lo.
Duata Pu
————

Kan khua Selam Primary School-ah chuan naupangte chaw chhun atan sazu >k awm nuai te, lungte awm nuai nuai te an pe a, hei hi a \ha lo hle mai. Thawktute inthlahdah vang a ni. Chaw fai lo tak, chawhmeh lah chu a hminga chawhmeh ve mai, thuneituten tihdan in ngaihtuah thei em?
Native Selam
————

Aizawl Civil Hospital hi thla tin Inrinni vawi hnihnaah OPD an lo khar \hin a lo nia. Hre lova pantu hawihai tak tak tam zia kha. Thingtlang a\anga lo kal, tum loh deuha Pathianni hman te, sum tam zawk seng tura clinic pan mai tumte hmel hmuh meuh chuan ngaihtuahna a kal thui hle mai. Heti zata tam damloten nitin kan pan ziah \hin Aizawl Civil Hospital hi eng vanga thla tin Inrinni vawihnihnaa khar ziah a ngai ta mai hi engnge a kaikuang ni ta ber ang le? Heti khawpa pawimawh nunna hial khawih phak, tangka tam tak hlawha sorkarin a rawih hote hian engvanga chawlh siam sek nge an nih tih hi mipuiten hriat ve kan va chak em. Mipuiten kan hriatfiah ve hi sorkarin kan laka a bat, a tih tur ngei ngei a ni ve bawk. Thingtlang lam mite khan thla khata Inrinni vawihnihna-ah a inentir theih loh, tum loh deuha Pathianni hman a ngai emaw, tangka tam tak hmanga clinic pan ngai emaw a ni tih lo hre thar leh ula, hun remchang dang ngaihtuah chungin he Civil Hospital hi in rawn pan \hin tawh dawn nia. Engvanga he chawlh hi siamsak nge an ni tih mipuiten hriat ve kan duh e.
Mesaka Putea
————-