Fakselna (17th August, 2017)

0
756
views

Chakma foreigner chungchanga CYMA hmalakna hi a va tha em. Mahse, ka’n ti teh ang, sorkar lam hi chuan hma an lak that duh hi ka ring mang tlat lo nia mawle. An vote bank a ni si a, an chet hi a rinawm loh khawp mai. Chakma laka kutthlak hi chu an hreh zawng tak a nih kha. Eng chhuanlam nge an siam i lo thlir teh ang.
Ramhmangaiha
—————-

Nimin ni 16.8.17-a Pu PL Liandinga, Mizo hnam Idol thu ziak chu a va dang ve aw! Kan ramah hian mi dik rapbetin hlemhle-ten lal an hrawt ang maw? A rem lo, heng thil tha lo nuai bo tur hian mi huaisen PL LIANDINGA i thlawp theuh teh ang u. Pu PL, i hmaah chuan ka ding ngam chiah lova, i hnungah na na na chuan hnai teah ka ding ngam a nia aw, zam reng reng suh.
LR Kawlni
————–

Fakselnaa kan sorkar kan sawiselna – kawng chhiatziate leh ruihhlo do tih te, Tuirial khuah zawh tak tak awm lo, rel kawng Sairang rawn chhun tum tihte hi tihhlawhtlin tak tak an tum lo ni berin a lang. NLUP sem tih loh hi chu an dream an sawi ve mai mai a ni. Tun inthlan hnaih tak avanga rel kawng siam a tih te hi tihhlawhtlin chuan loh tur an sawi dawn rau raute a nih chuan London to Aizawl National Highway te ti law law mai se, mipuite a deng na deuh lovang maw?
Tlabung Uitangrual
—————

Ruihhlo hluar maw, a bul ber chu maw sawrkar tha neih loh rei vang leh tuna mi ngei pawh nakkuma kan la tihsual leh phei chuan chawh leh tlawk tlawk a ni mai.
9862365893
—————–

ZNP-te, MPC leh ZEM-te thawkho tur chu han chak ber thut ta mai se tunge CM ta ang. An inchuh chiam mai lo’ng maw? A tu-a te pawh hian thunei ber dinhmuna din kha an thlahlel thum vek dawn tih hi tuna an lan dan atang ngawt hi chuan a hriat deuh tlat. Kan buai tual tual dawn te pawh hian a lang e. Congress leh MNF-te lah hi mipui tam zawk a thlawna sorkar zar zo ve phak lote hi chuan kan NING TAWH ni mai lovin, kan RING TAWH LO ni hian a lang tawh bawk si…. Huuui….haaa…. Bawiha pu
8014593672
—————-

Mahni mawng hlim nih inhre miah lo, ama sorkara thil fel lo a tih ngeite pawh enfiah/siam that tum lova mipui hnena puang leh daih thin CM neitu nih hi kan ngaihsanawm teh vak love.
Thlirtu
—————-

Mizo tawng hi Mizo min tipumkhattu a ni. Chuti e ti lo chuan sap tawng kan ngaihsan luat avangin thangtharin kan hnam tawng thiam lo nihte hi zah a hnekin an chapopui emaw tih tur a ni ta! Hei hi hnam boralna hnar a ni. Mizo tan Mizo tawng thiam loh hi thil zahthlak a ni tih i hriain, kan Mizo tawng hman hi i uar thar ang u.
CHHUANLIANA, BVT
—————

Muster roll-te hi sorkar hian ngaihtuah ve teh se. Department-ah chuan hnathawktu ber kan ni a, luman nei lo, pension pawh nei lo. Sorkar hian a en liam mai mai kum tin dawn em ni? Pension nei lo, hamthatna engmah nei lo, zum leh hriam kara thawk thin, chetsualna avanga thihna piansualna tawkte tan hamthatna ngelnghet min siamsak sela, sorkar hian min en liam mai mai tawh lo hram sela, promotion te hi engtikah tak set tak ang maw?
VLRA
—————

Minister, Pu H. Rohluna’n Lunglei lama NLUP a semnaah khan Base Line Survey YMA lak kan ring a tih kha keini Sateek tlangdungah pawh kan ring a, mahse NLUP sem hunah chuan KAHA. Mi rethei chawi kan chu KAHA. Hmeithai kal kanin a neinung nung an pe hmasa a nih si hi maw! Mi retheite VIP sorkar ve hi a.
9856653197
—————-

NLUP ka huatna chhan ber chu a dawngtute ka itsik a ni lo va, ram khat ve riang ruanga hruaitu lu ber dawt a sawitir hi a ni. A tobulah PM package term khat chhungin kan sem zo vang, term khat khat pawh a ngai lovang, UNO thlengin min tuipui tih vel thuartham te hi pu ber awka chhuak a ni mauh mai te hi a fuh lo va, a ti huatthlalatu niin a lang.
RK Sanga
—————-

Tunlai rawngbawltu thusawi ngaihthlak tlak loh pui pui, bangbo tak tak, nung mawlh si lo, inti changkanga mihring ngaiha mawi leh ropui duhte an ni a. Ngaihthlak manhla deuh chu an pe chhuak duh bawk si lo, a makin a na e kan ram hi.
9862354323
—————–

Dt.16/6/17 tlai lama Nursery venga PHE-in tui an sem hi an hotute khan endik se ka va ti ve. Bleeching rim a na hle. A test-na nen han test se ka va ti em.
Abeta Pu
—————

PL-a hi sorkar hna a thawh lai khan a lo dikin a lo fel awm hle mai. Tunah chuan pensioner niin sorkar a hlau lem ta lo bawk a, sorkar pawh a kheng na salh salh thin hle mai. Mahse, Kawnpui khuain Dept. a kan thil dil thin pawh a dil ve lo khua pe thintu a ni ve tlat.
Malsawma pa
—————-

Mizorama Chakma ram dang atanga lo lut zel tur dan nan leh a mi chengte hre chiang tak tak tur chuan ngun tak leh uluk takin village census neih ni sela, lehkhabu siam teuh ni sela, electoral roll-a thun belh duh hunah pawh chu mi lehkhabu atang chuan en mil zel thin ni sela, hetianga kan buatsaih chuan mi thar chu kan hre chiang thei viau ang. Mizoram sawrkar leh party leh NGO zawng zawngte lungrual bawk ila, hetianga kan tih theih chuan a tha hle ang. Ram dang mi chu kan hrechiang viau chuan ka ring.
Tlabung aw
————–

MPC, ZNP, ZEM-ten nakkum MLA inthlanah thawhho an tum ta maw? An tih turah an chiang em ang chu maw? Do thuhmun, sawrkar siam dan tura tum dan hrang an ni leh palh ang tih ka hlau deuh. CM ni turah an inthurual thei em tih hi ka buaina a ni. Hmana Congress leh MPC tangrual pawh kha Aizawl North ni tain ka hria, Congress tlinna bial hima ngaihah MPC Party President a tling zo lo kha eng thli chhia nge tleh, CM thli a ni mai lo maw? Party mal tlin theihna biala tangrual an tling zo lo ang kha chu thleng tawh lo hram se. Rinawmna nen lo chuan eng sawrkar tha mah a siam theih loh tih hre rengin an thuthlung hi vawng nung zel teh se.
Zuitea pu
—————

O min tih tir mah ula, au ka ti thau thau’ tih ang deuhin ‘REMCHAN ZAWKNA VANGIN tih chu Mizo tawng kal hmang dik lo a nih dan te an sawi an sawi chung pawhin an ti tho tho. YMA thurel kha zawm thei ila a tha tur.
8413931575
—————-

MLA election-a tangrual tur tan chuan a hma lama CM tur ruat fela zawrh nghal a tha ngei ang. Member nei tam tam tih chu campaign-naah anmahni an inhek chhe zel. A hmaa CM tur an ruat fel loh chuan a vote tur tan pawh rintlak an ni lo. Ram leh ram indo an ding chhuak ngai lo.
9862614029
—————–

Kan sawrkar chak tak hian NHM hnuaia Nurse ho hlawh hi han ngaihtuah sak teh se. Thla 4 chuang an la tawh lova, chhungkaw chawmtu ber te an ni si a, an va khawngaihthlak ve, chaw an nghei tep chu a ni e.
8257917546
—————

Eng vang chuan nge maw traffic jam laia Minister motor si, kalkawng lai takah a rawn inzep thin le? 2 wheeler te inzehna tur, 2 wheeler takngial pawh a leng tawk tawk tih nak a laia, Ambulance pawh ni hlei lo chu, a mak viau a ni!
Ramtlangval
—————-

MNF Party-ten kan sem dawn lo an ti tlat si a, Congress Party an sorkar leh mai hmel. A chhan chu mi retheite hian ar vulh, vawk vulh duh mah sela, a no leina tur pawisa an nei tlat lova. Thlairah eichi etc. huan lo ram siam nan pawh pahmei deuh tan chuan a vat turte, a thlo turte inhlawhna rawih a ngai ngei ngei a. Pawisa an nei lo tlat. Sem ngawr ngawr hi kan sawi mawi a ni lo ve, mi tam zawk tan hian a tul rih tlat si a ni e.
LB-a Pa
—————–

Ram hruai tum pawl thenkhata phusa deuhte hi an va senior tawh khek khawk ve le? An mawng a rit deuh tawh lo maw?
9774354495
—————–

Ration Card siam tha tur hian kumin chhung ringawt pawhin vawi 3 lai koh kan ni ta. Engtizia em em nge ni ta le? Document fel sa kan chilh tel lah a dik lo-in min rawn tihsak a, a dik sa ngei ngei an rawn thaibo thul. Kan quota lah a tlem tial tial bawk a. A lehpekah chuan Food, Civil Supplies Minister turin mi huaisen leh dik, mahni state mila min kalpui thei tur thlang tawh ila a tha ang. A ninawm em mai. Nutling leh patling, nilengin office te tak te leh chep zetah kan va intlar ta thin a, a hrehawm em mai. Tun bak hi chu Ration Card hi rawn tidanglam tawh suh u. A nih loh vek pawhin online-a mahni Ration Card tihfel theih dan kawng rawn siam ula, kan lo tifel ve zung zung mai dawn alawm. Tuna Aizawl DC-a online hmanga tribal leh Residential Certificate kan va dil ang deuh hian.
K. Hautea
—————-

India Union hnuaia state te ber zinga Mizoram chhungah District dil si-a Independence Day boycott-a total bandh neia National Flag zar phal loh hi a ngaihtuah tawi thlak ka lo ti ve mai mai.
Water Gate
—————-