Fakselna 17th May, 2018

0
595
views

Kan sawhthing chawhsa pawh a \awih zo takngial dawn e. Kan sorkar hian man man taka min laksak dan tur ngaihtuah vat teh se.
Thingtlang retheipa
————

Six basic needs hi mithiam leh thiam intite hian an tuipui hle mai a, mi nawlpui (voters bupui) te hian kan tuipui ve lo a ni ang, a duang chhuaktuten sorkarna an siam thei lo em mai.
LB-a Pa
———–

Tunlai leh hman deuh a\ang tawh khan Aizawl leh a chhehvelah hian rangkachak an man mawlh mawlh mai a, engtin nge a zuzi ral leh mai \hin ni berin a lang.
9862117705
————

Thuneitu lamin veng hming leh a awmna ban lianpui puia an tar hi khawpui liana an tihdan kan entawn ve zelah ngai ila, thil \ha tak a ni. Chutih rual chuan heng veng hming an tarna apiangah hian an tarna ban ring hian khawlai tieng tur leh zan thima an thil tar hmuh theih turin electric eng dah vek thei se hei ai hian a changtlung lehzual a rinawm.
LT Ralte
————-

Electric Department-a thawk ho hian engatinge Aizawl, Ramthar Veng hi a thawk a phita inrawn tih thim \hin le aw, kan hne tawh takzet a ni. Hetiang reng a nih dawn chuan Ramthar Veng pa ho hian eng nge kan rawn tih dawn inngaihtuah thiam pha lo ang. Kan veng \henawm ho an eng ut zel bawk si.

Remruata Pa
———–

Mizoram leh hnam humhalh duhtu chauh kan vote tur a ni. Chuti lo chu kan ram hi \hendarh a ni zo tak ngial dawn.
9612238063
————

ZPM hruaitute kan lawm a che u. Inzarah kuthnathawktute tan kawl a eng dawn ta e. Sawhthing cheng zaa inleia, hmunphiah cheng zaa inlei phawt chuan that chhia kan awm tawh lo ang.
9862913345
————

Pu Lalduhthlana IFS (Rtd) kawmna ZORAM KALSIAM PROGRAMME kan lo en a, zirlaite tan a \hain a \angkai lehzual dawn teh e. A thil sawi pakhat, All India Services IAS, IPS, IFS-a lut kher lo pawha Central Secretariat-a Mizo ṭhalai lut tam tura a fuihna kha a dikin a ṭha hle mai. Kan ram leh Mizote tan hian a hniam lamah pawh ṭhu ṭeuh ila, hna bawhzui kawngah mi ṭangkai an tam dawn tihna a ni a, kha kha hriat a pawimawh khawp mai.
THLIRTU
————–

Mizoram mipuite hnenah hian “thu dik lo nge, thu dik,” hriat hleih theih loh a awm ta fo mai a. Tuna PER CAPITA INCOME nei \ha tak anga sorkar lamin an puangzar ta chiam chiam mai hi a dikna leh a dik lohna chiang taka pholan a van \ha ve le. Hetianga thu dik anga lang, ram mipuite hnena insawifiah ngai ang chi hi finfiahna mumal tak hi Political Party Chair a\ang ni lova, kan Economics thiamna nei ten “a thling-baw-hawk” khawpin han puangzar teh u. MLA Election kum a nih vanga thu dik lo vawrh darh a nih fo chuan mipui zah lohna a ni a, hetiang hi ngawih bopui mai mai chi a ni lo.
PH FANAI
————

Khawnge rawtna ka’n siam ve teh ang. Kan sorkar hian kalkawng hi an siam thiam ve lo a nih hi. Chuvangin kalkawng chhe laia motor t^ng nawrchhuak tur hlawhfa la zel mai se a \ha mai lo maw? Inhlawhna a vang si a.
Khiangawia
————

Kuthnathawktute kan khawngaihthlak rei ta lua e, kan mawl bawk si a, ram roreltute hian an duh dan dan hian min bawl kuala, sawhthing vang ringawt pawh hian tha thlawn kan seng hnem tawh, kut hnathawktute lah hian sum tlemte vang hian kan dikna chanvo hralh kan ching bawk si. Hmathlir thui tak hi ‘thlir nachang hre vek tawh ang u’ sorkar \ha kan neih loh nachhan hi chu keimahni vang bawk a ni e.
SANGA
————-

Kan sorkar hian NLUP K<t tih vel ai chuan Assam ramri-a Zohnahthlakte ram vai chhe hovin min chuh pui tlat te khu buaina lian leh rapthlak zawk a thlen hma hian ngaih pawimawhah nei hmasa zawk se a \ha lovang maw? Ramri-ah hnam dangten tih chhiat tuma min beih mek laia hmalak tumna leh thil tih \hat hriat tur awm si lova mi sawichhiat tur ringawt zawnga uisathiam rual an han inti ringawt mai te phei hi chu Mat vuaka Tuichang dap ang vel a ni. Ram leh hnam din chhuahna leh min siamtu Pathian hriat reng hi a ni kan ramin a mamawh ber zawk chu.
Tlabung Uitangrual
————–

Tun \um inthlanpui chu tlawm hunah pawh tlawm ngam Congress-ah aw niang. Kutphah a mawi ber. ZORAM CHHANTU INTI TEH ANG UN.
MIZO SAIPUI NGAT
————-

Tun Assembly Session-ah khan PWD Minister-in kawng siam nan sum a tam zia kha a sawi a. Opposition lamin chuti taka sum tam si an hna muang leh chhe tak kha an dem thu an auchhuahpui a nih kha. Hei thla thar mai hi furpui thla in\anna a ni ta. PWD tha chuan kawng chhia zawng zawng siam\hat ngaihna a awm lo, sum tam mahse hun lam hian a daih tawh lo. Mipui mangang an hnatlang sup sup mai a nih hi. PWD hian sum hi an nei takzet a nih chuan kawng siam hnatlang ho hi a inhlawh zawngin remruatpui mai se, an theih ang angin lo thawk mawlh mawlh mai se a \ha ang. Mahni State sum kawng siamna tur a ni a, tu mitmei mah ven tur a awm lo. PWD erawh chuan ruahmanna mumal tak siamsak zel sela. Mipui tan kawng \ha leh sum hlawh chhuahna kawng a insiam a ni mai ang.
RK Sanga
————

Tuirini lei chhe lutuk thlak nana an siam thar ve chu mihring 2-in an zawh chim nia! Sialikhawmawi tih ang vel ni maw..by-pass an han ti leh sasawi a. YMA leh khawtlang puih luai luai ngai chi-a hna an thawh ve lai mekin, Buhban-Khanpui road an ti leh ta daih mai. Hmanraw lei nana an hman ang zat em kha chu a riral lo’ng chu maw? Sorkar hi kan tawng pawng sel a ni lo. An khawsak dan em em hian min tizakin Mizo mipui hi kan hawihai zo ta zawk a nih hi mawle. Aizawl khaw chhung ngeia mi, lei tawlhin chenna in te hnawla Bazar kawngpui a pin hial \hin te pawh fur hun nghak thleng te tein an siam ve t^k leih leih hi.
8414883986
————

ZPM lam hotute u Pu Duhoma a CM dawn chuan HM-ah Pu HT Sangliana han ni leh thei bawk sela sure loh pawn ngei ngei a ni tawp mai.
Nghakhlela
————-

Kan puten IR silai an lo kap vak mai hi chu a zia lo mang e. Sawi mam ngaihna a awm si lo.
No. thup
————

MLA Election a hnai leh ta a, Pu Hawla thubuai an ti leh \an ta maw?
9366018576
————-

Thudawnna-in a sawidanin Pi Saizami te leh Zemabawk Lungbial vengte an intibuai e an ti a, he buaina hi a kal zel loh nan sorkara thuneituten a rang lama an ngaih ven vat loh chuan an buaina hian zual lam a pan zel hmel si a. An buai chhan ber nia an sawi hi in hmun buai vang a ni awm e.
9862809647
————-

Mizoram hmar tlangdung kawng chu sorkar hian ngaihven rang rawh se an khawngaihthlak hlawm khawp mai. A changtu Minister hian a ngaihven tawk lo a ang khawp mai. A nupui fanaute nitin kal ka ber chu ni sela mawng vawm ba ang maiin a phe vat vat ang chu mawle. An Kristian lo hlawm em mai. Kan ram hruaitu te ve mai mai hlawm hi. Zahthlak.
Marami Chawngthu
————-