Fakselna 18 November 2017

0
405
views

Mi retheite min VIP tute hian an dam chhung khawvel nun hi in chhe deuhva hman ral mai mai chu an tum lo ve ngawt mai. Chhawng li an sa zova, chhawng li dang sa leh \an turin an insang phek zui nghal at a. Heng ho hian nakin lawkah HOUSE to HOUSE campaign turin in khua/vengah lo kalin in hnena an thil duh awm chhun, in VOTE kha an rawn dil dawn che u. In chenna in chhe ve te te-ah khan nang leh i chhungte kha hmangaihna chhete mah nei miah lovin RAMHUAI rilru puin an rawn luhchilh dawn che u a ni. Nangmahni duhsaktu ber ang khan VANTIRHKOH lemah an rawn chang leh dawn a ni. I mawl viau chuan kum 5 pumhlum tawp kha vui vai nuah nuah nan i hmang \umtla \hak mai dawn a ni. Fing rawh intih ngawt chi a ni lo. Mahse, in hun kal tawhah leh anmahni \awiawmtute in khua/veng a\angte pawhin eng mihring tuihnai lo nge a rawn fawmkhawm tih te, mi rilru duk dak lovin an nel viau chuan maw ka unau, lo VOTE lul suh aw.
Tlangvala
———-

Pu Hawla in ropui tak chu ka va lawmpui tak em. Hetiang pa hausa kan nei hi kan lo hre har mah mah a ni. Thu dik leh dik lo chu mipui chin felah dah ila a dik mai awm e.
Ruatdiki pu
————–

Chakmate hian min chim ral tumin Mizote lakah zawl dawh takin leh a rul thei ang berin \an an la reng mai si a, chuvangin Party angah pawh an dik emaw, an fel vang pawh ni lovin hnam party kan mamawh tih Zofate hian i hria ang u.
Hnam arsi hruaitu, ZORAM SAKEI
————-

Khawmawi Retailer-ten November Quota buhfai, tun thlengin an lak loh avangin Khawmawi mipui kan \amin kan mangang tak zet zet tawh. Ei tur nei lo, chaw nghei pawh an awm nuk tawh a ni. Rorel lai SORKAR te u, pawi in ti lo em ni?
9402108995
———–

Mizorama Minister-te leh MLA leh Department-a hnathawkte, a lian ber a\anga a te ber thlengin, Political Leader zawng zawngte leh khawtlang hruaitu zawng zawngte u, kan ram kan enkawl dan \heuhah hian kan lung a awiin thawk \ha kan inti em, mahni i inzawt \heuh teh ang u. Engvangin nge mi ram kawng a \hat theiha kan ram kawng a chhiat em em bik? Sumin a daih lo nge ni a, kan chheprelh tam vang? Mizoram Lalpa zawn chhuah, Mizo Kristiante hi Lalpa ram tan leh kan ram tan hian \an i han la thar thuai thuai teh ang.
Tlabung aw
———–

Hman zan Fakselnaa Tlabung Uitangrual tia thu rawn chhuahtu kha, i thusawi kha a dikna chen zawng a awm ve e. Kan ram tlu chhe nasa tawh tak leh keini Tlabung lam phei chu hnuchhawn ram kan nih vanga Chakmaten min chim ral tawhzia hi mita hmutu leh a tuartu kan ni a, lum leh lum, vawh leh vawh law law a ni mai. Kan ram hi sum leh zu hmangin min run mek a tih hni hne a hun tawh lo. Pu Hawla VIP kan pung chak ta lutuk hi an duhthusam a ni miau mai bawk si a, Rungi nu kha Sakeiin a chhan anga awm mai mai a hun tawh lo tlat.
Tlabung Uitang rual
——

Kan ram Political science class-ah hian politics sawi chu nuih kan hlawh tak na a, Zoramah hian engtin tehlul nge thlak thlengna ropui a thlen ang ni? Mipui lam pawh insiam\hat kan ngai nasa niin a lang, a nihna takah chuan kan politician te hi ei ru lo thei lo hian kan dah a ni ber a, khawmpui leh huau huau dawn apiangin beisei kan nei a, annin vote hmuh leh loh hlauin a rem rem a mi an sawk khawm leh a, chung an sum sen ral rulh nan chuan sorkar zema mi an lo r<t ve leh mai a nih hi. Politician \ha kan duh a, kan iak kan iak a, mi \ha kan ngai thei leh bawk si lo. Eng anga mi \ha pawh ni se, party mi leh sa an nih loh chuan kan hmu Chakma nghal vek zel chu a nih hi. Mi \ha awh hi kan phu meuh emaw chu le? He thilah hian inenfiah kan ngai hle. Tikhan i hun a in\an chiah a, nangma chhia leh \ha hriatnaah a innghat a ni ber mai. Ngun takin lo inngaihtuah la lo zir chiang teh khai…! MS Chhakchhuak, Aizawl pa
9862384183
————-

Kawng chhiat avanga fura kan buai loh nan kawng hi \ha takin siam rawh se. Kan Engineer ho hian mi ram Engineer-te anga an thiam ve a nih chuan \ha tak leh tlo tak ni turin siam teh se. Mipui kan rum a ni e.
Malsawma pa
—————-

Khua a \hal \an ta, sorkar hian kawng siam vat vat rawh se. Kawng chhiaa lirtheia chuan a hrehawm em mai. Fur a lo thlen an nghak dawn a nih loh chuan kawng siam hun a ni e. Furah kan mangan loh nan \ha takin siam rawh se.
VL Ruata
————-

Rawtna – Mizorama zaithiamte leh Mizorama film siamtute hi tun aia inpawh tlana Association pakhat anga an awm tlan chuan an talent te a par chhuak ngei ang tih ka ring tlat a ni.
Sangpuii pu, Aizawl
—————

Pu Hawla in chungchanga Press Conference kha ka lo khaikhin a, MPCC Media Cell te kha an thusawi kha a dik tawk lovin a lang. MPCC Media-in Jyoti Basu pek a sawi lai kha Basu-a sorkar lai ni lovin Mamata-i sorkar lai a ni a, a dik lo phawt a, a pek hun kha election code of conduct lai a ni bawk. Mi bik pek a nih thu an sawi kha, mi bik nihna a neih loh bakah a thlawna pe si, nuai 18 lai seng bawk nen an thu kha a dik lo hle a ni. Bakah mi office-a kala vau hi vai tih dan a nia, Mizo tan tih chi a ni dawn em ni?
CID Liana
————