Fakselna 18th October, 2018

0
525
views

INTHLANG ram kan ni a, House to House Campaign loh tur kan han ti tlat mai hi chu a va ho em. Mi tinin kan duh zawng tak mi kan thlan theihna turin kan candidate-te hriatchian hi kan dikna chanvo a ni lo’m ni? Kan in chhungah ngei lo kalin rawn inzuar sela, mi \ha leh \ha lo pawh kan lo hre tur a nia. Candidate-te hmel pawh hmu lo leh eng ang mi nge tih pawh chian lova vote inthlak tir kan tum hi chu thuneih leh khap theitu nih kan chak lutuk hi a niin ka hria. Kan inah hian lo leng lut sup sup teh u. Candidate hote kha inhriatchian nan thingpuite pawh i in ho zawk teh ang u.
9862944502
————

Mi tupawh hi awmna KOHHRAN nei \heuh kan ni a, ZU ZUAR Congress sorkar, tai pawng pawnga inla \an thei hi chu in mak ngawt mai! Bible-ah pawh Pathian duh loh a nih zia a lang a, heti chung pawha inla Congress \ang \ang hi chu Bible-in ‘An k^-in min \an a, an thinlungin min hlat si’ a tihte zinga mi a ni ngei ang. Kohhrana beram pu, zu zawrh duh teh u, in chung a la pik hle ang. Bible-in min hrilh a lawm!
PAVALAI
————

Congress-te chu an talbuai ang chu. Enga tinge Pathian huatzawng ber zu an zawrh luih tlat? A result chu kha kha a ni mai dawn a sin. Pathian nung hi hlau ve deuh teh se.
Fanai Colony
————-

Sorkar reng reng hi mi lungawi lo kalkhawmten lungawi lohna avanga an siam mi lungawilote sorkar a ni. A chhan chu kan vote pakhat lek hi kan \awng\aina emaw kan tih vang a ni. Kan vote hi kan \awng\aina a ni lo va, kan \awng\aina kan chhanna a ni zawk. A hlawhtlinna erawh chu Pathian a ni. Kan vote hi \awng\ai nan hmang lo ila hma kan sawn ngei ang.
Raliapa Chinzah, Lawngtlai
————–

Zoram hi i hmangaih tak tak a nih chuan party lian inti te pahnih hi dah \hain ZPM-ah hian Zoram hi kan hmangaih thei zawkin ka ring. Pathiana innghat tak tak an ni si a. Tun \um MLA inthlanah pawh PATHIAN-in ZPM hi a chawisang ngei ang.
KHIANGTE PA
————

Tun inthlan tep ter tawh takah ZPM leh PRISM chuan thutlukna mumal pawh an la neih theih loh si chuan he thil pawh hi pamham vang, mahni hma sial vang, duham vang bawk a ni thei mai ang em? Khawnge kan ram hmangaihtu tak tak hi an awm tak ang le? Manifesto insawi\hat siak dum dum ringawt hi a hne awm lutuk. MNF leh Congress hi Zoram mipui hian kan ning tawh teh chu a nia. NAUHAIA
————-

MNF Party-in Chhura duh loh Na-a’n nei nange an lo tih mek an boruak dai duk tawh rawn chhem alha siamtute nia an inngaih mek lai hian Congress Party chuan in Ar-bawmah khan Sanghar in lâwi tih in inhre si lova, chu mah mah Nghar tla hrang ve ve lehnghal kan lo tia, thenfaia kan awm hi kan lawm hle zawk si a.
9612377398
————

Tunlai chu Political Party-te tan \an lak a na bawk a, campaign pawh kan ngawrh ta viau mai. Kan Hall neih zau ber berah mipui kan kokhawma, kan Party thil tum kan Pathian thu nen kan han hmehbel thlap mai a. Zaia min awi nung tur leh nemnghet turin zaithiam kan han sawm a, Lengzem an han sa ta chiam mai a, malsawmtu hian malsawm tak ang maw?
Keimah Theubema
————-

Zofate \anrual a hun e. YMA-in Chakma District \hiat turin hma a la mek a, Central YMA huaihawtin kawngzawh a ni a, kawngzawh meuh a nih chuan sorkar lai Congress-a dinhmun sang tak chelh mek Dr. BD Chakma ngei pawh chhuanlam fahrah te te siamin a MLA nihna leh Congress-a a member nihna pawh thlahlel hlei thei lovin a hnam tan a bansan nghal vek a ni. Hei hi Zofaten kan hrethiam lovang tih hi a va hlauhawm em! A Minister nih laia a hnam Chakma tana \hahnemngaia \an a lak nasatzia te kha kan hriat \heuh kha, tunah pawh an hnam (Chakma) chhanna chance sang tak awmchhun nia a hriat chu Central-a sorkar mek BJP zawm a ni tih hriain a zawm nghal chat reng a ni. Chumia a thiltum ber tur chu BJA MLA a tam thei ang bera tling tura beih hi a ni tih a hrechiang em em a ni. Chuvangin Mizoram tana sulsutu Central YMA hmalakna hi kan thlawp a ngai a ni. Chuvangin Mizo hnam hi dam reng sela, him reng rawh se kan tih chuan BJP kan support tur a ni lova, YMA kan thlawp tur a ni. Mahni inphatin YMA i thlawp tlat ang u. Hnam Issue lian lutuk a ni tih i a hria ang u.
VL Chhangte
————-

Tun inthlanpuiah hian a tu a te pawh lo lal se mipuite avanga lal an ni tih inhriain mipui an ngaipawimawh ber zel tur a ni ang.
Zova, Aizawl
————-

Pu Rama’n Aizawl khawpui siam\hat a tum dan chu a \ha hle mai.
Switzerland of the east, Duata pu
————-

Bial zawng zawnga MLA candidate tur an vah kual sup sup tawh lai leh mi zawng zawngin an candidate tur an hriat tawh hnua candidate puan programme han siam vel hi eng tactic leh eng game nge ni ngai le?
Lalrinfela
————-

Pu Rama hi thil \ha danglam deuh hi tui deuh deuh hian a sawi \hin a, a chang phei chuan a sawi tui lutuk a, amah pawh hian a sawi ber pawh a hre lo hial awm mang e tih tur hian a sawi tui \hin a, nakinah phei chuan in 500 awmna chin khua chu District Capital-ah kan siam vek ang a la ti mai thei a ni.
VL Ruata
————

Congress ho chuan an candidate-te chu Kohhran duh zawng mi hming\ha kan dah an ti maw? Pathian huatzawng zu an zawrh tho si chuan Kohhran duhzawng titute chu chatuan hremhmun an va chang tho mai awm ve. Sual nei renga thih chu a rapthlak ngawt ang le. Kohhran hi kawra hman chi a ni dawn em ni?
RZA Ralte TD
————

Kawng chhawng a ti leh tawh! Switzerland of the East pawh siam a tum leh mai ang? Khawngaihthlak hian aw! Babutea tak hi chu aw pawi \hin hle mai!
9862539105
————-

MNF hian Pu Zorama hi an chhiatpui ang tih ka hlau khawp mai. A \awng duh leh lutuk hi kum sawm an sorkar chhunga an sawn theih loh Assam Rifles kan sawn ang a tih leh tawh hi! Traffic Jam awm lohna Aizawl kan siam ang a la ti ta deuh deuh. Thu an sawi tak tak hi chu Pathian angah a inngai ni berin ka hria. Mipuite ngaihtuahna fim tak kan hman a \ha hle mai. Pathian mi ruat hruaitu \ha kan thlan chhuah theih nan.
Pa Ena
————-