Fakselna (18th September, 2017)

0
612
views

Kum 2018 MLA election-ah Chakma mi leh sa candidate kan siam lovang titu Congress leh MNF-te chuan an siam leh ta tho chu a ni a, an rilru leh an nihna tilang chiangtu, ram aia an pumpui hma khua, mipui hmangaih aiah lal duhna bak ngaihtuahna an nei lo tih a chiang hle mai. Kan NGO-te dal zawnga che duh heng party 2 te hi mipuite hian engtinnge kan tih dawn?
Hmangaihzuali pu
—————-

Pu Hawla’n tunlai kawng chhiat chhanah kum 9 dawn lai kal taa sorkar (MNF) a puh hi chu mi dang chu sawi loh, amah leh a chhia leh \ha hriatna pawh hian a awih ka ring lo. Siam\hatna hun a tam em mai.
9774354495
————–

Vanglainia HC Vanlalruata article ziah hi a chhiar a manhla \hin khawp mai. A kaikuang tak hi a hre \hin a. Kawngpui chhiat chhan a sawi pawh hi a dik \hin hle a ni. Kan \hianpa pakhat, PWD SA pension tawh pawhin ‘SE a\anga JE thlenga man\ang an ei thlak diat diat hi chuan inches 4-a siam tur pawh hi inches 1 bakin a siam tak tak theih loh, mipui hmuh phak chin hi kan ni si a, a hrehawm duh \hin khawp mai’ a ti \hin a, a nih duh hmel hle a ni. Engineer-te hi chuan a \hat loh dan tur an hriat lawk vek avangin hnathawhnaah pawh an kal \ha vak ngam lo a nih ber hi. Mi ram Engineer-te chuan a \hat loh hlauvin a hmunah an vil rawt a ni ngai a.
Pa Mawitea
————–

Mi ramah chuan pawisain kawngpui an siam a, Mizoramah chuan pawisa siam nan kawngpui an hmang tih hi a ri tam ta viau mai. Hei hi Mizo mipui tam takte ngaihdan a nih tak si chuan kan kawngpui siamtu Department leh sawrkar hi inenfiah a ngai ta viau mai. Tidik lotu hrem ngam sawrkar kan va mamawh tehlul em!
9436193805
————–

Kan PU HAWLA hi chu aw….kum 9 zet LALBER a nih tawh hnuah pawh Mizoram kawngpui chhiat chhanah politics lama a thawhpui MNF ho a la puh dawn leih leih chauh mai maw? Engatinge maw ni Mizo mipuite tehreng pawh hian ram hruai tlak lo, kalna apianga NUPUI hruai hnu hnu thei \awk chauh te hi kan thlan tlin leh nulh \hin le aw..kan chawh teh zawng a nih hi. Nakkum inthlanah pawh sorkar leh pawh ni se ram tana thil pawimawh chiah reng reng chuan MNF ho bawk a puh tluan leh zak ang a. Chutiang thovin MNF pawh lo sorkar leh pawh ni se ram tana thil \ha tur chi zawng zawngah tawh phawt chuan an tih loh chhanah Congress an puh ve leh vek bawk ang a. Chuvangin heng party pahnih te hi MIZORAM tan hian an lo \ha lo takzet a nih hi. PWD Department-ah hian a vaibelchhe za tam an BUDGET fo si a, heng pawisa zozaite hi an NUPUI tar ve tawh tak tak te TLEREUH lei vel nan mai mai hian an khawhral hiau hiau \hin zawk emaw ni \hin zek zuk le?
Bawiha pu
—————

Kan ram hruaitu atan chuan mi tak tak, mahni hna chanpuala mawh la ngam, a lo \hat loh pawha mawh tur zawng kual lova ka thiam loh a ni ti ngam kan mamawh. Hemi kawngah tuna min hruaitute hi in ropui lo hle. Eng ang pawhin in sawi thiam uar mah u la mipuiah thiam in chang lem lo.
RK Sanga
—————

Ruahsur reng mai hi Pu Zorama surtir a nih ka ring. Ration buhfai chhe tak pawh hi Pu Zorama’n sehrep a lo phul pek a nih ka ring bawk.
Lengkawia
————–

Zu avanga nunna chanin kan thi ta zawih zawih mai a. Thih chhan kan tarlang ngam bawk si lova, zu in percentage hi lak ni ta se kan tam ngawt ang. Zu in hi a \hat loh avangin in tlem deuh tal tura fuih ngai hi mi 83.69 % Mizoramah kan awm mek. He thil ai hian meizial hi sorkarin a do ta daih a! Zu zawrh helna atan Ruihhlo ‘DRUGS’ hming hmangin a do ang lawi si a. Mizoram kalphung hi a inelh kual ngeng ngung mai ni hian ka hre \hin. Kan tunlai buaipui ber kawng chhe lutuk lah kum 9 kal daih tawh ami an puh leh ta mai mai a. Ram mipui kan inkaihhruai dan hi kan la zahpui mgawt ang le!
PH FANAI
————–

Kan Congress sorkar hian kawngpui chhia hi a vei tak tak lo a niang, \hal chhung zawng khan nawr luih luih mah ila siam a tum der si lova, tun fur ruahtui tlakah a siam theih loh fur chhung chuan an ti leh si a, eng hunah nge siam an tum ang aw? Mipui bum nan chauh em ni Zoram hi an lo vei.
Liana, Aizawl
—————-

Congress leh MNF-te hi an \hatna leh \hat lohna sawi tur tam tak ka hria. Tuna sawi chiam erawh hun ka ti lova, a \angkaina tur ka la hre rih lo. Mahse, ka sawi a \angkai vena hun tur leh hmun tur dik tak nia ka hriatnaah chuan ram leh khawtlanga ka \hahnemngaihna avangin sawi ve ngei erawh ka tum. Chutianga tih chu a sawtin a \angkai ngeiin ka ring a, tuna ninawm khawpa lo bengchhen ai chuan a hun leh hmun dik takah sawi \heuh ila, a \angkai ber ang. Kei zawng ka la ngawi mai mai leh hlek teh ang.
RL Awma
—————

Ka thil hlauh ber chu ram hruaitu ka ni ang a, mipui lung ka ti awi lo ang a, min phun khumin min chu lui lui ve se kei chu ka zak dawn lutuk. Tuna ram hruaitu lawk bur bur ho hi chu an zak miah lo a nih hi. Ka VIP min ti a, a VIP-te chu hnim palin min pal nawk nawk mai si a. Mi zah pahna reng reng nei lo, an thlam ang pawh nei zo lo hi min hmusit em em ringawt mai zawng a nih hi. Kei zawng ka tuar peih tawh thlawt lo. Lal ngai lo lal a na, an lal a kha lutuk, kha \ha tak a ni. A nupui Rii pawh hian in khawm puan te, kawr te mi retheite hnenah sem ve law law se, NLUP an sem ta sa sa.
No. thup
————–

Tlai dar 5-a ZONET channel Beiseinaa in rawn pek chhuah \hin, Negro ho zai hi ka lo en \hin a, an hla thu leh a awmzia pakhatmah phei chu ka hre lo na a, an hmuhnawm ka ti a, ka thinlungah nasa takin \awngkama sawi thiam phak lohin mi hneh a, han ti chhuak zing thei ula. Doordarshan chanchin thar zawhah rawn tichhuak thei ula a va lawmawm dawn em.
RODY PA
————–

Pu Rama hian BJP puihna tel lo chuan tlin theih a inring lo. Chakma te pawh sawisel ve \hin mah se, a mawi atan chauh a sawi a ni. Mipui hi min bawl mai mai a ni.
Malsawma pa
—————

Pu Hawla leh a kaihhruai sorkar sawi chhetu zawng zawng hi anmahni vote lotu vek an ni. Social Media sawi chhetute pawh hi vote lotu vek an ni.
VL Ruata
—————-

Mizoramah inthlang ram kan nih ve theih a\angin sawrkarna chelh hnem ber party chu Congress party leh MNF party an ni a, Chakma kan enkawl danah hian mawh an phur zual bik hian a hriat a ni. Chakma chauh pawh ni bik lovin thil hrang hrangah hian a chhiat a \hatah mawh an phur deuh ber hian a hriat a, chuvang chuan tun a\ang hi chuan party tin te hian ral beih dan hi thiam i tum hram tawh ang u.
Tlabung aw
————–

Pawisa hi a vang lova, kan nei ve lo mai zawk a ni tih hi ka pawm thlap e.
Ruthii Pu
————–

Kawng chhia hi kan inhmeh tawk lek lo maw? Hetiang ti duhtu sorkar siamtu kan ni tlat alawm. Aw Lalpa, hetiang kawng chhiaa min kaltirtu sorkar thlangtua ka tel ve loh avangin lawmthu ka hrilh a che.
C. Lala
————–

ASI hawn ni-a Minister, Pu R. Romawia’n ‘Kum 1894-a Welsh Missionary-in Mizo hawrawp an siam chhuah hma kha chuan’ a tih hi Art & Culture Minister meuh thusawiah chuan a va mak ve. Pu Romawia hi Hnahchang, Lunglei District khaw chhuak a ni a, Baptist origin a ni bawk. Welsh Missionary-ten Mizo hawrawp an siam lo. Hetih hun lai hian Welsh Missionary-te awm pawh an la awm lo. Mizo hawrawp hi 1894-ah Pu Buanga leh Sap Upa, Arthington Aborigine Mission tirhte siam a ni tih hi a hre lo nge a hai der? Welsh Missionary-te siamah kaih luih \alh a tum zawk em ni? Art & Culture Minister meuh si Mizo history a va hre lo ve.
9436147113
————–

Pu Zoramthanga’n Pu Hawla a paih thlaa, a thusawi hmasak chu,”Pawisa a tam, Contractor te lo inring ru” tih a ni. Pu Hawla’n a paih thla let ve leh a, a thusawi hmasak chu “MNF KIHHNAWKAH KAN TANG” tih a ni. Kum sawm dawn lai hnuah pawh “Kan kawng chhiat chhan chu MNF vang” a la ti. Pu Hawla hi chu a pa em mai tuman an tluk lo. A thusawi reng reng hi a pa a nia.
8413931575
————–

MNF-ten Bandh an neih chungchangah lalber duhna rilru pu \hiau, inzawmkhawm pawl 3-ten sawisel tur an zawng reng ringawt mai leh ni khat buai ai chuan kum tam tak kawng chhiat pawh pawi ti lo, vawi duai lo mimal leh NGO-te an hnatlan hnuah pawh heti taka a la chhe turu buru lutuk leh vawi tam mipui kan mangan tawh laia ni khat lek Bandh pawh sawisel duhtu te hi ram aiin Party vei an ang zawk tlat. Pu Hawla mangang aurawlin MNF-te min au \hin mah se, ram leh mipuite tan chuan Bandh mai bak hi chu tih theih dang kan la nei rih lo a ni tih kan Sorkar chak tak hian min lo hriatpui se kan duh takzet a ni.
Tlabung Uitangrual
————–

MNF Party huaihawtin kan State-ah Total Bandh neih a ni. Hetih laia lo thlawp ve lem lo leh a buaipuitu party dem let zawnga thu lo ziak ve leh kawkalh tlatte hmuh tur a awm nual mai hi thil ho tak a ni lo maw? “Pathian nung bia” tih te leh “Lalpa zawn chhuah ram” tih chamchi te hi \awngkam chuangtlai mai a nih ang thovin, ‘Missionary nuai khat tirh chhuah’ tih pawh thu puarpawleng mai a ni ve a. Ngawih chuha lo thlir mai mai hi a finthlakin a hahdamthlak mai law maw chu le?
8414883986
————–

Tunlai hian Electric current dik lo, sang thut avangin Aizawl lam leh thingtlang lamah Electric bulb leh Set Top Box Adaptor a chhe nasa. Department lam leh mipui lam fimkhur a ngai khawp mai. Electric duty mawh nge khuarel?
RT Khiangte
————–

SSA zirtirtuten thla hnih pum hlum hlawh an la leh tawh lo. Sorkar hian a hun takah an thawhhlawh hi pe ve tawh se a lawmawm hle ang.
No. Thup
—————

Electric power siam leh kawngpui siam hi chu kan pute englo thenna lam chu a ni mawlh lo a nih hi.
Lala, Aizawl
————–