MZP ten mi tinin lungrual taka REMNA NI hman dan ngaihtuaha an kaihhruaina hnuaiah hman ni se tia an rel angin kan hmang tawh a, Pu Rama hoten Vanapa Hall-a an hmang leh kher hi mi rilru ngil tan chuan tih chi a ni dawn em ni! Mak thei em mai.
Duata pu
8730099759
Remna Ni lawmnaa kan zaithiamte an zai laia zirlai naupangte hlim leh nuam ti taka an lam lai hmuh hrehawm tia, mit lo ti kham tawk, sawisel leh duh maite kan han awm leh tlat kha chu tunlai hun angah chuan a hawi zau loh thlak kan ti dawn nge, a thliarkar rilru kan ti zawk dawn ni?Tunlai chhanah kan zirlai naupangte hian rilru han tih thawlna tur te, hlim leh nuam ti taka lamna tur te hi an nei tlem lutuk. An zirlai ringawtin an rilru a delh rit a, khapna ramah hian khap a lo tam si, an khawngaihthlak a ni. An hlim lam vena tur te kan siam ve zeuh zeuh loha kan khap beh a, hetiang hun te an tawn ve zauh zauh loh chuan anmahnia an vah chhuaha, an zalen chiah hian ui thlun beh reng chhuah thut ang maia zalen ta riau, hmang thiam lo, hmang sual ta sawi tur an awm nual ang. Sikul naupang rual, a huhova ‘harhfim free style’ ngata an lam dual dual han hmuh kha chu hmuh an nuam ngawt siau siau mang e!
KeanO
7422034046
Keini Tlabung lamah hian Zonet Channel bik hi rawn tihchhuah intum tawh lo nge? Kan hmuh lohna a va rei ta vang vang ve.
9862014844
MHIP inthlan lo awm leh turah chuan ZPM nuho hlang nominate-ah dah ni se, buai a awm lo deuh anga, ruling nuho han dah zero te pawh \hat riauna a awm ka ring tlat a ni.
Uitangrual um botu
9856739214
Tunhnai maia zirtirtu lak thar hmeichhe pahnihin aikal an han dah leh duh nghal mai hi chu thawk tlak lo, ban mai chi an ni lo’m ni? Thawk duh tur tam tak an awm ang. Sorkar thar hian engtin nge a tih lo thlir teh ang.
Zopa
8729984567
A pu Ramte i rah tur ngun takin en hmasa la, i hnunglam, dinglam leh veilam ngun takin en \hin bawk rawh aw. Chuti lo zawngin i inpal buai dah a nge.
Damta Uitang
8974244232
MNF leh India sorkar inremna ni June ni 30 hi India sorkar hian englai mahin lawmna a neih kan hre ngai si lova, MNF erawh hi chuan an inti neitu em em a. A lawmna pawh an siam kum tin a, India leh MNF hian inang renga hman awm tak a ni lo’m ni?
9612723171
Tunlaiin thiamna te a sang tawh a. Kan thiamna hi mi nuihzata, kan mihringpuite cheibawl zawnga hman loh a va \ha ve. Hei kan CM meuh pawh a lem nalh lo tak taka siam, whatsapp lamah te kan thehdarh nasa a, a thehdarhtute leh a siamtute hian min hringtupa ni se kan lawm lovang. Hawh u, hetiang hi i lawm lo teh ang u.
RK Sanga
9862366590
Vanglaini-a Lalremruata leh RC Lalchhanchuaha ziak chhiar hnu chuan ka huanah ram dang mau/rua ka ching duh dawn teuh lo mai. Chu mai a ni lo, kan ram tih chereuna a ni thei tih hai rual a ni lo. Rinhlelhawm taka sorkar sum (ni nang, keini mipui sum zawk a ni) ho lam taka khawhralna a nih hmel bawk si. An mo dam loh vang leka kan hotupa ber bawl an tum dan en hian ngaih a \ha mawlh lo.
ZPM Pavalai
8794659715
Aizawl khawpui hian MEGA CAR PARKING ZONE zau \ha tak nei tur chuan motor kawng\ha-in a luh chhuah theihna FIELD remchangte hi sorkarin a chhawngin siam ta mai sela. A chung zawk kha Field-ah hmang zuiin, a ground floor ve thung kha Mega Car Parking Zone-ah hman ni se, Aizawl khawchhung Car Parking problem hi chu a fel duak mai lo’ng maw? Entirnan, chhuah lamah College Veng Field leh tlak lamah Vaivakawn Field-te hi hman ni ta se.
Thanzuala
8974241458
Kan sorkar flagship programme hi a va mak ngai ve le! Khuanu’n kan ram leilung leh sik leh sa mil tura rua leh mau a lo dah sa diamte hnualsuat niawm taka ramdang rua lakluh a, chîn kan han tum mai hi ngaihtuah chian a va \ul em! Inchimralna thu kan sawi kan sawi a, tuna kan sorkar hmalakna hi environmental assimilation chu a ni mai lo maw? Kan rama mikhual, ram dang rua kan lakluh hian nakinah kan ram tan nghawng duhawm lo tak thlenin kan buai phah zek mai lovang maw aw tih hi rilru-ah a awm ve tlat.
|haduha, Aizawl
8794447521
Hnam/ram changkang tih dan entawnin, a hman hmanin Event lian tham (emaw ni) leh engemaw hi kan huaihawt ve a. Cameraman leh hmanraw lamah kan sawngnawi leh viau si a. Hmuhnawm ti taka thlir tur pawhin min chhawpchhuahsak thei mang si lo a. Rualawh tina tawk lek a ni e.
8794835807
Tunlai boruak vel ni lovin thildang ka’n sawi daih te’ng. Pathianniah hian chhungkua kan kim hunlai a ni a, enga tinge Bible story film lam hi chhuah a nih tak loh \hin le? Fate pawh enpui tlak loh hi inchhuah ta fo mai. Rawn chhuah leh \hin teh u.
8787566362
Traffic Police pangngai hi an lo fakawm hle mai. Kar hmasa Traffic Police pangngai lo an han duty chiah chu Aizawl khawpui hi a jam mup mup a ni ber e. Traffic Police ten jam a awm loh nan \an han la zel teh u.
LT Ralte
