Fakselna 1st May, 2020

0
82
views

Chakma kut tuar kan Police-te thlavang hauh nachang hre lo, zanlaia curfew bawhchhiaa kawhmawh bawlte thlavang hauh hlur si an awm zeuh zeuh a, an tlem ang aiin an bengchheng. Heng ho hi khawtlang leh chhungkuaah mi \angkai an nih a rinawm loh.
Tv. Hranga

88373 26233

Ram tam tak danah chuan mi tu pawh hi an sualna dan ang thlapa finfiah a nih loh chuan sualna nei lo va ngaih an ni. Aizawl veng pakhata kut tuarte kha misual tia sawi tur chuan court-ah khina thiamloh chantir kher a ngai. Kawng dang a awm lo. Court-a thiamloh chantir hmaa misual tia lo khawih ai chuan police hnenah fiahna (evidence) nen hruaia sorkar ukil nen theihtawpa \ana conviction neih kher kher a ngai. Tichuan ramin changkan lam kan pan ve thei ang.
Mawii

87946 59715

Inkharkhip hman zel duhtute hi a tlangpuiin sorkar hnathawk an ni deuh zel. Mi rethei duh duh duha che vel thei lo, thawhloh chuan hlawh nei ve lote chan hi ngaihtuah thlen a va \ul ta ve le. Tin, ramria VLTF duty te pawh hi heti khawp hian an hahin an rim si a, mahni hna an kalsan a \ul bawk si, sorkar hian tlawmngaia duty te hi hlawh (daily rate ang talin) siam ve mai se a \ha lo maw? Chhungkaw eizawngtute vek an ni hlawm si a. Ei leh in an supply te lah hian chhungtin in a thlen phak hmel si loh. Inkharkhip hi hlih emaw, thlahdul deuh mai ni se, ramri ven uluk leh state chhunga lo lut eng pawh hi uluk taka check ni mai se \ha ka ti tawh mai.
Naupangchhia

97741 07349

Fakna (advertisment) chungchang hi sawi a hlawh ta viau va. Sum thawhtute an nih tlat avangin pawimawhna an nei hle a ni. Mahse, fakna siamtute pawh hian a ngai hi inring rei lutuk hlawm a, kum hnih, kum thum a ngai reng mipui min thlir tir hi a fuh bik lo. In tithar ve ula, a lem leh a thu emaw hi chu han ti danglam ve \hin ula, mipui nin inhlawh bik lovang. Hmasawn zawng leh mipui tana thlir nuam tur zawnga \an lak hi intih turah ngai rawh u. In lam\ang tur mipuiin ninawm an tih miah loh turin \an han la thar ula, chuti chuan insumdawnna pawhin a hlawk phah dawn nia.
RK Sanga

94361 90314

Pu Zonet, Covid-19 vangin inkharkhip neih mek a ni a, eng chen hi nge inkharkhip hi kan la hmachhawn dawn tih hriat a ni si lo va, hna kan thawh theih bawk si loh chuan kan economic hian a tlak chhiat phah ngei dawn si a, kan Budget te hi ruahmanna fel tak neia siam hi a va \ulin a va pawimawh em. Chutihrual chuan enga tinge opposition lamte hi district level leh state level committee-ah te telh an nih ve loh? A chhan min hrilh thei em? Sorkar laipui a\angin Covid-19 do nan \anpuina sum leh pai a thlawnin kan dawng a, hei hi party hmalakna lama ngaih chi pawh a ni lo tih kan hriat a \ul khawp mai. Eptu pawl hruaitur Pu Lalduhoma leh Pu Zodintluanga te hi district level leh state level committee-ah te tal hi chuan tel ve se a va \ha dawn em. Chuti lo chu kan ram hi a lo tlu chhe palh hlauh a nih chuan tuna kan sorkar dinglai hi mipui hian kan malmak tawh ang a, an ding chhuak leh tawh ngai lo ang. Tun hi party pawh sawi lova \anrualna hun a ni e. Kan \henawm state-ah te hi chuan eptu pawl hruaitute nen he hri dona kawngah hian ram a tluk chhiat mai loh nan lungrual takin an \ang tlang a sin. Kan ramah hian kan ti thei ve lo em ni le? Hawh u, i \ang tlang dial dial zel ang u.
Hlutei pu, Tualpui

98565 36040

Zonet Palaiten Tlabung leh a chhehvel an va tlawh kualna kha kan lo en ve a, a hmuhnawmin, a bengvarthlak hle mai.
Tin, an thawhrim zia leh Vairengte, Bairabi, Zokhawthar te ang thovin an duty a pawimawh em em a, Bangladesh ramri an venghim a, an pawimawh ber hialin kan ring. CM Relief Fund cheng nuai khat hi an dawng ve dawn lo em ni? |anpui an ngai lutuk asin. Tlabung saw ngaihthah lo hram teh u, mi harsa chawm lai, enkawl lai leh enkawl belh tur an tam zia pawh an sawi lan mawlh mawlh kha.
Mambawiha Pa, Zemabawk

80141 98500

Covid-19 extend leh tura sorkara rawtna thlen tur chu Doctorte’n an han pulut hi pawmawm ka van ti em!! Kei ka rilrua lo awm \ha ka tih em em a nia, Medical lama kan mi thiamte an ni a, ngun taka zir a, a taka a field-a thawktute an ni a, sorkar pawh hian he an rawtna hi an pawm ngei pawh a rinawm hle a ni. Ramriah uluk taka duty kalpui a nih tho chuan Mizoram chhung erawh mahni hna \heuhte kan thawh theih nan thlahdul dan thiam ni se, dawr pawh hi Social Distancing ngaih pawimawh thiam chuan pangngai taka hawn chhunzawm ni bawk se, han vah harh ve deuh pawh a chakawm ve ta riau mai. Ka ngaihpawimawh, ka’n sawi tel duh hram chu hei hi a ni, kan thlahdul deuh dawn a nih rau rau chuan thlahdul tur zinga thil langsar tak pakhat chu commercial vehicles te hi an ni. A bikin, lirthei heng Sumo, Taxi, Auto Rickshaw te pawh hi a him chin a nih avang leh mipuite mamawh vek a nih vangin tlan pangngaia tlan tir ni thei sela chu a lawmawm viau ang. |henkhatten eibel berah an hmang a, loan rulh ngai nen tun dinhmunah harsa tak leh rilru hah takin an khawsa mek tih hi i hmuh hmaih lo teh ang. An Service lohna a rei tawh si a, meialh en ringawta inkharkhip thlakhat meuh hmachhawn leh tur chuan heng commercial vehicles ho hian an huphurh viau tawh a nia; ngaihtuah deuh chu an \ul ngang mai. Sorkar lam pawh hian ngaihtuah sak mawlh rawh se. Mipui kan chhuah vahna tur ber an service ve si loh chuan lirthei nei ve lote tan thil buaithak tak a ni dawn tho thova, mamawh avanga chhuak duh lirthei nei ve si lo, hmun hla zawka inhlawh turte veivahna tur a nih miau avangin an pawimawh tlat. Thingtlang lam kuthnathawktute harsatna kan vei viau lai hian chhuanchham mai thei dinhmuna ding mek heng kan commercial vehicles ho service tir hi tun kan dinhmunah chuan a pawi na lutuk a awm tawh dawn em ni tiin kan hamri ve duh a ni e.
Serlui Pachuau.

87874 87887

Aizawl leh Lunglei inkar kawng hi sorkarin \ha takin a siam a, chutih laiin Kulikawn leh Saikhamakawn inkara tuiluankawr (Side drain) a phui phei mup mai hi ngaihsaka a rang lama hai a \ha hle mai. Chuti a nih loh chuan kawngpui \ha tak hi fur ruahtui tla-in reiloteah a ti chhe mai dawn a, a pawi dawn em mai. Melriat Bazar bul kawngchhak lam in sakna tur niawm tak leh Kelsih khaw zawna in sakna tur tho ni awm tak JCB-in a laih saw JCB tal velnaah kawngpui mam \ha em em mai a khuar chik nek nuk mai a, a va pawi ve aw, sawtiang saw sorkar siam\hat tur nge a tichhetute? Kawng siam hma tal khan lo lai hman se \ha tur a nia, kawngpui \ha leh mam nuam em em mai a khuar chik nek nuk mai saw a pawi hle mai. Siam \ha tur zawk zawkten siam\ha leh vat teh se. Hetiang hi ram neituten sorkar pawh hrilh lovin an lai tawp mai nge, sorkar an dil aw? Law and Order hi tun ai hian kan sorkar hian keng khawng lehzual se a van \ha dawn em!!
Mesaka Pa

81198 70233

Pu Zonet, inkharkhip chungchanga Doctor hovin inkharkhip hun chhung thla khat pawtsei an rawt kha ka lo hre ve a, anmahni thlirna a\ang chuan a \ha viau mai. Mahse, Mizoram mipui tam zawk, inhlawhfa, dawrkai (essential commodity ni lo)te leh eichawp zawng tak takte dinhmunte, sorkara revenue lut tur te han ngaihtuah hian inkharkhip pawhsei ai chuan ramri venhim lama \an lak a \ha zawk tawh lo maw? Vairam a\angin mihring tih loh bungrua hrim hrimte pawh hi luh phal a hun tawh viau lo maw? Development kal laite pawhin a tuar tawh viau lo maw?

70858 45905

Fakna channel hran pakhat hi awm tawp se, a duhin chu channel chu hmet chhuakin duh chen chen ni leng pawhin en ta mai ila a \ha lo maw le? Chanchin thar puan laia fakna vawi 2/3 awm lo tla zep \hin hi a ninawm tlat.
Rinzuali pa, Mamit

98625 96107

Inkharkhip pawhsei hi a pawi hran lo, mahse a huphurhawm ber zawk chu inkharkhipin a ken tel niawma mawi thil man tih san hi a ni. An bungrua laknaah a man pangngai thovin an la a, mahse an zawrh chhawn leh hian a hma aia man sang zawkin an zuar leh sia, engatinge hetianga an tih chhan ni ang? B<kna dik lo chu Lalpa tan tenawm a ni tih an hre awm tho sia, an tehna ngaiin Lalpa’n teh sak ve se chuan an duh bik awm tawp si lo. Bible-in \henawm khaw vengte a pung awma pawisa p<k tir lo tura min zirtir laia dawrkai hovin an dawr bungrua a hma aia an han tisang hi a pung awma pawisa puk tir nen eng nge a danglamna awm chuang?
Chhaktiang Keite

76279 14601

Channel zawng zawng hi a sound a zawi hlawm vek a, sound volume han pe tam deuh vek teh u aw.

96125 88556

Tunlai boruak chu Covid-19-in min chiah hneh a, a bikin Local Task Force te thawhrimna an fakawm hle. ZONET palaiten ram kilkhawr ber thlenga Zoram mipui hriat tura an luhchhuah a, Local Task Force te harsatna hrang hrangte zawtin an kawm a, ZONET palaite an thawhrimna a fakawmin ZONET chhungkuate kan vannei hle. Kan sawi duh pakhat chu keini a kara min lo ngaisang dertu, Gospel-i pate hmel kan hmu leh ta hi a lawmawm hle, theihtawp chhuah zel turin duhsakna ka hlan e.
Pakima, ITI

70054 47128

Hah takin hripui leng kan vei ang tih hlauvin mi tlawmngaite an duty a, chumi kara damdawi ruih tur zawnga vahchhuah lo tum ve phet hote chu duty hah nen kut lo thlak mai chu a awl ve khawp ang. Veng tinah damdawi ti ho hi mankhawma khung khawmna tur awm se, an chhungten chaw pe mai \hin sela, an sim deuh mai lo’ng mawle ka ti rum rum mai.

Johntea pu

Kan sakhaw puithiam ho hian VLTF te a\ang hian mahni mamawh lamna tur permit dilna ni lovin kohhran mite k^n kuala \awngtaisakna neihna tur permit han dil ula kan va han ti ve le. Kan inkhawm thei tawh si lo va, kohhran hruaitute hmel hmuh tur in vang em mai, kan va ngai tawh che u em. Thildangah chuan permit kan la thei reng sia, kohhran member tlawh ngai tak tak hote tan hian han insangmar teh u.
Thlirtu Mitfima

94367 54005

Beka thlantui luangin emaw, mutmu tuah thei lovin emaw, tha leh zung senga ram leh hnam humhalh tura inpe ral ngam ram hmangaihtu kil tinah kan la nei tih kan hre tawh e. Mahse, tunlai hunah chuan finna leh thiamna hmanga thuneihna leh thiltihtheihna fawng chelh a nih tawh avangin heti lama kal, a bik takin khawpui leh mi \ha chhungkuaa \halai lehkhathiam leh zirlaiten ram tan an tih tur an tih ve a ngai ta. Zirlai duhawm takte u, mahni leh lainate tan chauha zir lovin kan ram leh hnam dam nan \an lo khawh nasa zual teh u. Kan chhehvela hnam tenau nia kan hriat \henkhatte hian kan ram min luahlan tumin chuti zawng chuan an \ang nasa tih kan hriat \heuh hi!

98628 09417

Inkharkhip an hlih dawn vangin task force volunteer te an in lama hawn a hun dawn a, a tir phat a\anga duty tur Mizoram Police te chauhin ramri an venhim a ngai dawn a, \hahnem tak, rinawm tawk, rintlak tawk dah an ngai ang. An officer te pawn Aizawla air condition office kal sanin ramria duty te an vil tur a ni. An duty theih loh laiin drone leh helicopter hmangin lo luh ruk tumte an rikrap tur a ni. A theih phei chuan rahpuah bomb (landmine) hman pawh a ngai ang. Myanmar leh Bangladesh ramriah erawh central force mawhphurhna a ni a, sorkar lalten Home Ministry an tur vat vat a ngai thung. Anni pawh an officer ten an vil ngun tur a ni.
Ramliana

94361 97357

Ka fapa hi a \hiante nen trip zuin LTF duty te kutthlak ngai khawpin awm ta se, duty te hnenah lawmthu ka sawi ang a, thupha ka chawi bawk ang. Ka fapa chu chapo lo va Pathian bel turin ka fuih ang. Zonunmawi hi Pathian hnen a\anga kan hnamin kan dawn a ni a, nunpuia vawng nung turin ka hrilh ang.

98623 61451

Tuipuiral \awng hi kan va uar e. Fakseltute tih mai tur te hi “FAKSELIANS” kan han ti \alh a, a hawrawp pawh a in zat reng sia.

9862037311

Kan veng Local Council Member pakhat chu Aizawl Magistrate siam Local Tasks Force Badge, a thlalak chuanna kha a nei ve a, a awrh reng mai a, Aizawl khaw chhunga a kal dawn leh Sairanga tui cheng tura a kal dawn pawhin a awrh a, an in chhungah pawh a thlah lo va, in bual dawn chuan a phelh a, a badge thlalak kha whatsApp Status-ah te a hmang vel maw le, a va han lawmin a va han chhuang hleuh hleuh tak em aw.

9402553298