Fakselna 21st October, 2017

0
561
views

Mizoram sorkar hnuaia thawk, Muster Roll te hi Price index a\anga Minimum Wages-a hlawh siamsak ngawt lo deuh hian Pay structure mumal siamsak a, hlawh \ha zawk pek an va phu ve aw! Works Department-te phei chu Muster Roll (Field Staff) tel lo chuan hnathawh theih a ni lo. Thuneituten ngaihsak hram teh se.
Lb-a Pa
———-

Hetia politician ringawt kan sel vak vak hian a tingawng ve thei a nia.
Fiamthu Fest chungchang ngawt kha ka sawi ve chak. Debate angin an kalpui a, a Speaker atana an ruat, Pu Lawmtea kha awm ta lo se a nuihzatthlak viau loh mai thei a ni. Ni e, kan comedian-te pawh inzirin, inchhiar zau zel teh ang u. In thiam reng a nia. ZONET nge nge, programme thlir tur \ha tak tak min buatsaihsak reng a, a bikin reality show-ah in ti\ha \hin hle mai.

K. Hautea

————-

Pu ZONET, in programme hi a \ha viau a, mahse programme kal laia fakna in rawn tih hian a sound a ring lutuk a, fakna sound hi tizawi turin ka ngen a che. Programme pangngai ang tal hian han ti zawi teh u
.
9612907066
—————

NLUP sum hi a dawngtu tan chuan a lawmawmin a hlu ngawt mai. Cheng sing tel teh meuh, rulh leh ngai lo, a thlawna dawngtu lawm lo an awm lovang. Chutih laiin NLUP sum a thlawna dawngtute ngaihtuah chian \ul a awm, NLUP sum dawngtute u, he sum hi in chhungkuain eizawnna nghet nei tura bul \an nan in hmang em? NLUP sumdawngtu chhungkua leh khawtlangin in dawn hma aiin hma insawn em? NLUP sum hi chhungkua, khawtlang hmasawnna nghet thlentu a ni tak meuh em? NLUP sum a thlawna sem zozai hi kawng \ha, hmasawnna rotling siam nan hman ni se, Mizoram leh hnam tan a \ha zawk lo’ng maw? A thlawna sum sem hian a dawngtute a tithatchhia nge hnathawh phah nan an hmang em? Thawhrimna tel lova chhungkua leh khawtlangin sum tam tak a hmuh hian chhungkua leh khawtlang hmasawnna a thlen tak meuh em? A thlawna NLUP sum sem hi ngaihtuah chian a va \ul em.
9612195151
————-

MPC hi nakkum MLA inthlan awm turah hian an chak ngei ka ring tlat. Pathian lam \ang Mizoramah kan tam ber a, Pathian mite \an lam awm khawmna ni berin kei chuan ka hria. Kum 69 khawvelah hun ka hmang tawh a, kan ram hruaitute hian ram an veiin ka hre lo. Party an hmangaih zawk tlat \hin. An thil tum enin ram an siam ngei turah kei chuan ka ngai. Party atchilh aiin, Party-a inhmang lo kan tam zawk, lo thlaphang suh se.
Sangi pa, Lawngtlai
—————–

Huat lohah chuan MPP party inti te hi aw, Politics lam hawi lovin thlarau lam thil buaipui zawk awm tak an niin ka hria. Nakkum inthlan zawh huna an dinhmun tur hi han thlirin an lainatawm lawk ka ti \hin. ZPM-te pawh hi an kal rei tawlh tawlh a. Mi rin an kai lo tawlh tawlh mai ang tih te pawh an hlauhthawnpui awm mang e. BJP-te hi chu khu lama an pute an lal chhung chu an ding ve \ek \ek ang a, an pute tlak hun hunah an \il ral ve mai lo ang tih sawi har tak a ni. MNF hi an lal leh lo a nih chuan an tho chhuak har tawh ngawt ang. Pu Hawla te ho hi chu nakkumah pawh tla mah se an ti \hum \hum a, zawi zawiin an rawn ding chhuak leh luau thovang. An inbun nghet bik tlut hian an lang tlat roh a.
Bawiha pu
———-

Kan pute’n Zoram mipuite ruih theih thil laka fihlim tura fuihna thu an sawi hian ZU hi zuk sawi tel ngai miah lova!!!
Lala, Aizawl
————–

Zoram Kohhran a tu-a te mai pawh hi a zuih lam pan kan ang ta, a chhan chu a thi hmasa apiang an boral tho zel a, dam laia boral theih lohna nei kan awm loh vang a ni mahna. Kan dam lai hian thih hnua thlarau chatuana nunna leh chatuana boralna kawng zawh mekte kan ni e. Boralna hi hremhmun sawina \awngkam dang mai a ni a, chutiangin chatuan nunna pawh Vanram sawina \awngkam pakhat a ni mai e. Bible-ah hian hremhmun sawina \awngkam chi 30 chuang leh Vanram sawina \awngkam tam tak a awm e.
VL Pachuau
———-

Pu Duhawma chiah hi Chakma chungchanga \awng chhuak a ni. BJP hian Chakma chungchang hi engmah an sawi lovin ka hria a, chuvang chuan vote tlak an niin ka hre lo.
9612238063
——————–

ZPM |angrual Pawl thawhhona sawi hnawm tuma Print media leh Electronic media vela thu vei vir kualtute hi tu dang ni lovin, lal khamlovate ho ngei an ni.
Hmingmawii RS
————–

Tun hmaa thil thleng ngai lo, inlungrualna leh inpumkhatna \ha tak nena din, Zoram tluchhe mek tungding leh tura LAL THAR tur lo piang, ZNP, MPC, ZEM leh a dangten |angrual Pawl, ‘ZPM’ an han din meuh chuan HERODA leh NERO-A te ho tan chuan mutmawh hnarmawh a ni ta a ni ang e, Campaign-a pen khat pawh an pen hma hauhin nuai chimih tumin ram chhung hmun hrang hrang suartluanin sawi chhiat leh elrel hnapui berah an nei ta..! Zoram mipuite hian kan hmasawn vena tur ti \huanawpa, min awpbeh tum tlattute hi ZPM HRUAITU |HA kaihhruaina hmang ngei hian i chawlh hahdam tir ve tawh ang u hmiang.
Jonathana Pu
——————

Tunlai sualna langsar zinga mi sual leh hlawhawm inthukrute chu lehkhathiam, Pathian \ihna leh pawisakna nei lo ho hi an ni. Heng ramhuaite hian langsar lo takin buaina an thlen fo. An thiltih leh thuziakte hi \ha leh dik ni te pawha a lan lai hian a phenah buaina, thisen chhuahna, Mob Rule, indona leh sawichhiatna te a awm \hin. Sakawlh kan tihte hi heng zinga mi hi an ni mai lo maw? Kan ram roreltu leh hotute hi Pathian ruat an ni a, an thu te pawm thiam ve mai hi Pathian thu a ni. Inenfiah ila, dan neitu ni lo Setana khan Pathian kha Dan hmang vekin a thlem a nih kha. Tunge Setana chu le?
7642809361
——————

Duhthusam atan chuan, “Zoram Peoples’ Movement ZPM” mipui sorkar din tum leh kalphung thar din tumtuteah hian keini Neutral ho chuan full support-in kan support che u a, duh thawh thil thuah in pakhata lawi khawm vekin a hran hrana office nei tawh lovin, inlungrualna a tak ngeia lantir hi a va’n \ha lehzual dawn em! Chuti ni lova, mahni te tea office hran \heuh in la neih hran chuan nakin hian rilru hran te te neiin lungrual lohna a lo la piang leh mai lovang maw? Fakselna kaltlangin min han hrilhfiah teh u khai! Lu a hai palh leh ang e! Kan support zel dawn che u a ni. |an han la thuai thuai teh u.
Keini Neutral ho, Aizawl
——————-

Kan ram hian hmangaihtu chu a mamawh takzet a ni. Amaherawhchu, inthlan dawn chauha ram hmangaihtu kan ngah hi lawm tur nge, lawm loh tur ka hrethiam nek love.
Lalnuni
————–

BJP pawhin sakkaw tih bik nei lo leh Kristiante pawh duhsak angin an insawi ve leh ta. Central-ah nasa taka chak chungin ro an rel mek a, an chezia i lo thlir zel ang u. An chet tawh an hre reng bawk ila. Ka ngaih ve dan chuan Vai (HINDU) ho reng reng khuan Kristiante min chim ral an duh vek, an party hming a dang mai chauh a ni.
Malsawma pa
—————-

Keini Kolasib District-a ZONET chhungkuate chuan October thla tir a\ang khan vawiin thleng hian engmah kan en ve thei lova, MPL-te, Yamaha Fiamthu Fest te, U Got Talent te kan en chak ve tehlul nen. Min entir ve theih veleh khingte khi a Cassette-in CZS Cable-ah rawn pe thla thei ula phur takin kan lo en ve mai a ni ang chu!
IN CHHUNGTE, Kolasib
—————

ZPM hian CM-ah tunge in theh chhuah dawn le? In kalphung leh nih dan tur tlangpui hi intlangzarh har viau chuan mipuite rin in hlawh zo dawn miah lo a nia. CM tur lah hi awm inti deuh deuh an tam hmel riau leh nghal. Zoram mipuite hian innghah ngamna tur rintlak kan mamawh takzet a ni. |an han la thuai thuai teh u.
Berbera Pu
———–

Faina beihhpui hian khawlaia bengchheng, noise pollution hi a huap ve em le? Hetiang ti mi hi an zalen phian lehnghal.
LK-a
———–

Ka pu duh tak Zoramthanga, mahnia din i sawi leh \hin a, kan lo zam \hin teh a nia. MPC nena kan \ang dun chung pawhin MLA 5 chauh kan nei a nia. Kan mal din phei chuan 1 pawh a huphurhawm teh a nia. Inhnuk hniam la, \angrual pawlah hian tel ve mai a \ha lo maw? MLA 5 tal kan neih phah mial mahna. Tuikum bial MNF au aw.
8259942864
————–

Pu Hawla khan YMA Conference-ah khan Burma rama an kawng laih dante kha a awt deuh tawh em ni? Kum 10 min kaihhruai meuh chuan Burma sipai sorkar, mipui tana a rawng thei ang bera roreltute hnuaia kawng pawh a awt tawh a nih chu. A insaseng a hun ve tawh viau a ni.
Thanmawia, Aizawl South
———–