Fakselna 22nd November 2017

0
821
views

Khel lovin Krismas chu a lo hnai leh ta vung mai. A neitu lei leh vana lal ber, riangvai fahrah retheite Lalpa, misualte \hian, khawvel chhandamtu kha a lo pian dan reng mai kha vawiin thlenga a mite rethei chanhai fahrah, mi tlawm te te te hian nausen pianghlim chanhai hmuhsitawm tak a nihzia a takin an la lantir zel a. Piang hlim hlawt e ti lo chuan sorkar ropui thil tithei tak mai chuan sipai ralthuam famkim hmanga beiin thah nghal mai an han tum zui mauh tehreng a nia leh. Khatiang deuh khan kan sorkar chak mi thiamte hian nausen sualna nei lote, sum leh pai umin engzat tak tihlum leh ang maw. Hausate tan van lal fapa piang kan lawm hun hi tangkaa an buai lohzia, silh leh fen hmanga an lantirna hum duhawm tak a lo ni bawk ang. Rethei fate erawh zawng puan chhe te te nen kan khur tluan parh dawn a ni.
Bawiha pu
————-

Hun hmasa lam a\ang tawh khan vawiin thleng hian mahni mawhphurhna pawh hre lo, mahni mawng hlim nih pawh inhre bawk lo hruaitu Mizoram hian kan nei reng mai chu a nia leh! Khua a var lo teh e! Thlangtute hi kan inenfiah a ngai takzet a ni e!
Citizen
————

Kan sorkar chuan NLUP-ah vawkte an sem leh ta maw, buaithlak leh dawn mang e. An vawkte sem lah chu a thi duh em em lehnghal a, a beidawnthlak \hin teh e. Pawisafai hian sem mai sela a \ha zawk ang mawle. Vawkte hnute hne lai, lak hran pawh la hun lo sem ai chuan sem lo mai ula a \ha zawk ang mawle. Rethei tan chuan \ah khua a sei reng mai dawn a nih hi.
VALPUIA BAWITLUNG, CHAWNGTUI EAST
———–

Kan pu hian a bialah hian din a tum tawh lo nge? A in a sa ropui tawh a, a bial a hmangaih em em \hinte a hre chang ta lo aw?
Dampa bial
—————–

Kan sorkar chu leh mipui min tham lo sak sakin thu buluk leh rumra pui pui, dawt hlang thawthang ni si, pak chhuah mai mai an hratin policy bawrhbang zet (NLUP) an la kalpui lui tlat, a sawhkhawk mah a tawrhhlelhawm dawn tehreng nen, 7th Pay-in a tin ta run mai si a. Mut tui lohna tham chu a van ni em. An vun leh tuang a chhah hlawm em a le, biruk nachang pawh an hre pek a nge maw?
8414883986
————-

Conference, Committee leh hmun dang, kal khawmna hmuna thusawi leh thu pawimawh ngaihtuah laia mobile phone lo khawih \hinte hian an telna inkhawm/committee an ngai pawimawh lo hle tih a hriat a, chin fo loh a va \ha em.
9612586071
—————–

Thil tih reng renga \henawmte pawisa lo mi chu an hmuingil ngai lo. Zan rei tawh lama beng chheng vak vakte hi mi mawl hna a ni a. Mahni ringawt inngaihtuah hi chu milem be hnam tih awm lek a ni. Miten min thlir, miten hnung lamah min sawi nasa tih hi mimawl lo tan chuan hriat tur a ni a, hre reng chunga tilui chu misual dum ber an ni mai.
No. thup
———–

Vanglaini November ni 18 chhuaka, Pu Hawla’n, “Huam hauh deuh chu ni ila inhmun 2/3 ka nei ang” a tih hi enge a awmzia? Affidavit chungchanga a insawifiahna nge, Chanchin tharah te cheng khat mah eiru lo inti si, Central-a duhsaktu ngah, in ropui tak nei, ring lo mi hlau hle si, Pastor-te engah mah ngai leh bawk si lo, enge a awmzia ni ta ang? Tin, ZPM-te pawh hian duh thawh taka ram hruai thei tur anga an han insawi hi chu kan ram tlangramah hian party khatah pawh eng tih thu loh party hrang hrang phei chu an insawi ang ngawt hi a ni dawn lo tih mipuiten i hria ang u.
Tlabung Uitang rual
—————–

MPC Party President, Pu |hena kha hmanah khan ZNP-ten CM atan an zawrhpui tawh a, tun \umah hian ZNP President, Pu Duha hi CM atan an zawrhpui ve thei ang em aw ka lo ti deuh.
Neutral pa
————-

Congress ho laka phuba lak tum reng renga MNF ho hian sorkar an han tum hi chu a hahthlak ngei mai. Hei…ha hui….ha! a ni ringawt mai. Zawlbuka e tang ve ve, belmang kai ve ve an ni tlat alawm, hetiangte chuan mipuiin kan va tuar nasa leh dawn em! Congress nin tawh nak a laiin, MNF sorkar i siam tawh teh ang aw tih laiin, an policy a theu neu em mai! |angrual ZPM hi an arh ru tlat niin a hriat a, an policy kalphung thar, mipui sorkar din tak tak an tum bawk a, hetah hian tum loh puiin full support pek a ngai dawn ta a nih hi.
MS, Aizawl-pa Neutral
——————-

Mizote hian mahni hnam incheina hi i uar zel ang u tih an sawi \hin a, hmeichhiate pawhin puanven hi uar tur an ti dawn emaw ka ti a, puanbih tiin an sawi leh \hin a, puanbih tih leh puanven tih hi an hre lo em ni aw ka ti a, puan bih tih a nih chuan hmeichhiain a hnute khuha puan a sinin puan bih an tia, taia puan an sinin puanven an ti a, puanven hi puanbih an ti vek mai hi chu a dik ka va ti lo em. Mipain puan a ven hian puan a bih kan ti dawn em ni? Puanbih leh puanven chu a tih dan a dang a, enga tinge ang khat renga an sawi \hin le? Tunlai mite hian puanbih leh puanven pawh an thliar hrang thiam lo em ni le?
9402551790
—————-

Pu Rama hi mi \ha tak a ni mai thei. Mahse, ram hruaitu atan meuh chuan a tlak loh a ni. Kum sawm chhung ram a hruai pawh khan VISION HLIRIN MIN HRUAI MAI.
Malsawma pa
——————-

Kan rama Party ding tawh, sorkarna pawh chelh tawh zingah MNF party hi dik lo taka din leh an thil tum leh an tih tur an sawi pawh ti lo leh ram tana pawi khawih tam ber an ni.
VL Ruata
——————

Lalpa zawn chhuah ram, Mizoramah hian khawlohna chi hi a famkim tawh hial awm e. PATHIAN Kohhran hote duh loh zawng rorelnate a awm ta hial a. Sakhaw hruaitute meuh pawh lungte te auchhuah hun nghak ngam lovin an rawn auchhuak ta a ni a, hrui khat vuanin i \ang tlat ang u, Lalpan min then kai ngei ang.
Ringmaia
————

Tun hma kha chuan MLA inthlan dawnah zawlnei an inlar sup sup a, an party \an zawng chak tur thu an puang \hin a, result a lo chhuak a, an hrilhlawkna kha a dik leh si lova, chuvang chu ni maw tunah chuan hrilhlawkna hi a awm ta meuh lo a nih hi. Tunah chuan party hruaituten hrilhlawkna rawngkai lek lek \awngkam an hmang ta fo mai. Pathian zara chak an inrin thu leh thilmak a lo thlen tur thu an sawi ta fo mai. Pathian chu an lama \angah an ngai a, Pathian thu ang zela kal ang hrimin a hming an lam chamchi a, Pathian thu awih berah an inngai vek a. Pathian thu hmanga mipui lak an tum a, chuti chung chuan party dangte dimna tel miah lovin an sawichhiaa, an \hatna lai inhmuhsak lovin an chhiatna lai chauh an inhmuhsak a, hei hi tunlaia kan Politician te awmdan a ni. Pathian hian engtin ngai hlawm ang maw?
DIKI PA
———–