Miss Mizoram kan thlang leh dawn ta a, hemi atan hian contestant top 10 emaw top 5 emaw a\ang hin English-in zawhna leh chhanna hi oral leh written-in ti ve ula, contestant te tan pawh hmasawnna a ni ang a, Miss India contest tura an kal dawn pawhin tam takin a pui dawn a ni.
Aizawl Nu
96129 07066
Zonet Channel hrang hranga Programme duan, a darkar, minute intarlante ang hian inkal lo tawp, punctuality hi India ramah hian khawvel awm chhung zawng hian a awm dawn lo a nih hi. Mizote pawh hi vai tihdan thovin kan kal a nih hi. Programme hunbi thliah tarlang si, vawn dik si loh ai chuan hun bithliah tar lan loh law law a zahawm zawk fo. Tin, Siaha lamah Zonet hi khua a dur hlek a, a chhia a, thli a thaw hlek a, chhe bawk, ruah hmi a tla a, a chhe bawk, chhia chhia chhia chhe zing, chhe net a ni top. Vil uluk zual turin Siaha mipuite’n kan ngen takzet e.
96125 88556
MPC te hian engti ziaa ZPM hi bei bei mai nge an nih le? Thawhhona huang chhunga tel ve duh ta lova zuang chhuak kha an ni a, a beitu zawka \an tak tlat mai chu an va taima ang reng ve mawle. ZPM lam lah hian rilru puitling tak pu-in an chhang let ve duh der si lo.
Ran thi tur chal changin a rem apiang a kheng kual vel te pawh hi min tihrechhuak rum rum mai a lawm le.
Tailunga
89742 15512
Kan Chief Minister zahawm tak chuan Aizawl khawpui chhunga “Cable Car” tlan tir a sawi leh tawh nia. Aizawl, he “Smart City” hi a thu chuan kan va ropui ta em! Pu Zonet ka’n ti ve tawh tak tak teh ang. Kan Chief Minister leh a thawhpuite hian an tih theih loh leh an tih miah loh tur hi bawl phuanin mipuite hi min chawk kawi tawh lo se ka va ti em. An kuta sorkarna a awm hnu lawk a\anga Zoram mipuite min tiam zo zai zinga pakhat te pawh la ti puitling thei lo hian thil thar chi hrang hrang min sawi hmuh kur zut tawh suh se, awih lo thiam turin mipuite hi kan fing ve tawh tih te hi hre ve lul tawh teh se. An rorel sak keini, mipuite hi min ngai mawl lutuk deuh lo maw ka ti Pu Zonet?
SANGSANGI PA, Armed Veng South
97747 73425
TV-ah hian Mizo \awng thiam lo, Mizo \awng hmang \ha duh lo, Mizo \awng changkansan ho hi chu kawm tawh lo se a \ha lo maw?Mizo \awng humhalh a, tihhmasawn a, tihchangtlun tum mek laia Mizo \awnga thu sawi hlei thei lo, intichangkang ho hi chu kawm tawh lo se a \ha lo maw? A nih loh vek pawhin a tam thei ang ber Mizo \awnga sawi turin hrilh ngam tal rawh se.
8837489511
Zonet Bawhbelah Rimawi ram ka en a, host ten an sawi, sa ti r>mtute, a bikin sava ho ti r>mtu ber an sawi, Aizawl silai nei \ha ho a tih kha a dik khawp mai.
9774991552
MNREGS ni za inhlawhna hi Thenzawlah an va cut tam ve, hmun dangah a ni ve em le?
9862385339
Ni 22, Nilaini Vanglaini chanchinbua Reverend Doctor thu ziah kha ka lo chhiar ve a, CAA tih lam kha chu ka chhang kham khawp ka chhiar tawh a, sawi zui ka tum lo. Synod inkhawmpui khan Mizo \awng hman uar chungchang an rel a, a lawmawm takzet a ni. Kha thu ziaktu khan Mizo \awnga a tlukpui kan neih ve reng tho si, sap \awng a rawn hmang tam em em a. An tum ti mai lova, an aim tih em em phei kha chu a em em deuh a ni. Synod lam Reverend Doctor a ni ve lo a ni mahna! Mahni hnam \awng hman uar hi a changkang em em a ni. Mesaka Putea
8413024376
Tun sorkarah chuan Police mawza man tam deuh kha a awm ka ring lo. Home Minister hi a dik hmel tlat, corruption an tih ang velah hi chuan a fihlim ka ring. Chuvang chuan Police mawza man tam deuh pho chhuah tur an nei lo a ni ang. Sipai Liana, TT
9862539105
Fakselnaa Jonathana pu khan ZPM te hi mithiam rual awmkhawm an ni a ti a, Chanchin thara ZPM Party Office hawnnaa an thusawiah khan, “Zoram mipuite hian CAB avang hian MNF hi an paihthla ngei dawn a, chuvangin BJP hian CAA hmangin ZPM te tan kawng min hawnsak dawn niin alang” an ti a, chuti an huat ber leh hlauh ber, CAB hi malsawmna nih tir tumin an mithiamrualten sorkar siamna hmanruaa hman an tum zantin ta mai em ni ang? Sipai bang kan bo map mai. “Hmangaihna mak tak chu a lo ni” an tih ang kha a va nih mai hmel ve!
Tlabung Uitangrual
9862014844
Mizoram sorkar hnuaia MR Bill theihna leh Health Care Scheme hman theihna hospital kan lo hmu a, private hospital lun tak tak pawh ka hmu nual a, a lawmawm takzet a ni. Chutihlaiin Private hospital tam tak zawm ve thei lo an la awm a, ngaihtuahna an ti thui duh hle mai. A bikin kohhran hospital-in an zawm thei lo hi private hospital paw’n an zawm theih laiin, ka ngaihtuahna a kal thui mai mai a, mi rethei hmangaihtu turah ka lo ngai a.
Damdami Pa
9774971361
Chaw min petu leh Missionary tam tak kan chawm theih nana sum min petu berte hmelma ena en tlat mai hi a finthlak vak lo mai thei a ni. Kan tana hnawk deuhte pawh hi huat ai chuan \hianah siam tum zawk ila kan ram hi development-ah a chak zawk ngei ang.
