Fakselna June 23rd, 2018

0
842
views

Mizoram hian a chhunga chengte hmangaihtu a ngah hle mai a, hmangaihtu tak erawh chu a tlachham si a nih hi maw le!
RK Sanga
————-

I fate phaiah leh Mizoram khawpui zawka lehkha an zir zel theih nan ZPM, mi rethei min chawikangtu tur hi vote ang u khai. Party dangte chu kan lo enchhin tawh kha. Party hi kan pi leh pute ro a nih lo. Party atchilh bur tawh lovang u. Party kan atchilh bur avangin ramin hma a sawn theih loh phah hi. Chuvangin in chhungkaw zirnaah hma insawn zel theih nan ZPM hi vote tawh ang u. Sawhthing kg 1 Rs. 50/-in min lei sak zel theih nan.
Turmura Marpara
————-

Tunlai tui haw khat dan em em hi! Kar hnih danah te tui a lo haw a, chu pawh nidang aiin a tlem zawk a, tui bill lah chu a tlem phah chuang si lova. Tui lei nan pawisa a hek bawk si, a manganthlak khawp mai.
Dika nu
————-

World Cup X-tra ZONET Rihnim Channel-a inpek chhuah hi a hmuhnawmin an sawi ngaihnawm kan ti \hin hle. Mahse, a sound quality hi han uluk deuh teh u. ZONET HD Channel en ve pha lote kan buai a nia. A chang leh a ring a, a zawi leh thut a, a chher leh zauh bawk a. Live Telecast a nih avang hian han \ang lehzual teh u.
Mawia, TKS, Aizawl
————-

ZONET channel ka lak chhan pakhat chu News hi a ni. News puangtute an thiamin ngaihthlaka nuam a, news-in collect \ha-in, news puan hun hi ka pelh ngai lo. Mahse, enga tinge Lungleiah hian in channel hi a chhiat zin em em aw? |an han la deuh teh u, khawngaihin.
9436147113
————-

Inthlan nan thla nga chauh a awm tawh laia Unit pawh la nei fumfe mang lo ZPM hian MLA pakhat neih pawh a harsa lam deuh lo’ng maw? Lunglei lamah chuan, “Saw lamah kan \ha” an ti a, Aizawl lamah chuan, “Saw lamah kan \ha” an ti leh a. Saw lama \ha party ka ti mai. A \ha tak tak MNF leh Congress chu khawi khuaah pawh kal ila an \ha ve ve deuh zel.
Duata pu
————-

Pu Duha hi pa huaisen tak chu a ni ngei ang. Pu Hawla leh Pu Sainghaka luahlan a tum laia a \awngkam hman hriam tak mai kha ka ngaihtuah letin a huai ka ti. Remna thuthlunga sawiselna inremna chhe ber a tih velte kha huaisen thlak ka ti.
Lalthawvenga
————-

Pu Rama hi a vision chu a \ha, mahse a tihpuitlin dan tur a thiam lo kan ti dawn nge, kum sawm chhung khan tihpuitlin a nei lo tlat. Thusawi nuam a ti a, a sawi tui deuh chuan awm lo deuh deuh pawh a sawi tel \euh zel ni tur a ni. Entirnan, kum thum chhunga ei leh bara intodelh, hei pawh helam hawi hian a pen miah lo. Switzerland of the east phei chu Aii P<k a sawina niin ka lo ngai ngawt.
VL Ruata
————

Sorkarin zu a zawrh dawn thu kan hriat khan mahni insiam\hat tuma Home-a ka awmlai a ni a, Home-a awm ho kha chu kan lawm avangin kan halleluiah lo chauh a ni. Mahse, thihna ruama min hruai luttu tur a ni tih reng kan lo dawn ngai lo. Tunah meuh chuan pahnih chiah kan dam tawh. |halaite kan harh chhuah a ngai ta, zu hian rethei leh hausa thlei bik a nei si lo.
8258970455
————-

Sorkarin ram tana a hnathawh \ha lo a awmin politics-ah lak loh nise tih hi a ri fo mai a, politics dik hi a hla mange aw! Politics dikah chuan an thiltih dik lote ram siam \hat duh vangin an tarlang a, roreltute pawh paihthlakin an awm \hin.
8787399142
————-

Tlabung Uitangrual inti te kha a va zahthlak ve. Ui pangngai pawh ten tawh nak laia uitangrual han nih chu. Mizo in ni lo em ni?
No. thup
————-

ZONET Nauban Channel-a in film pekte hi duh aiin a thim a, han ti eng deuh thei ula a hmuhnawm zual ang!
9089746142
————-

LPS lam kan tluk lo tihna phei chu a nih ka ring lova, World Cup Football preview neih a nih lai hian engti zia nge inkhel \an hmain a tawp daih \hin le? Tin, preview neihna local channel hi inkhelh dawn a chhuak kher lo hian World Cup football lang nghal mai tura tihdan a awm ve lo em ni?
D’Onlooker
————-

Kan sawhthing thar chhuah kg 1 Rs 50/-a mi leisak an tum avangin hei ngawt pawh hi keini thingtlang kuthnathawk mite chuan ZPM hi kan vote tawh dawn.
Hruaia
————-

Chhiat tawhna leh harsatna a lo thlen changa mahni mimal leh pawl tana ham\hatna lak lo tum daih hi Zoram politics khawvelah hian thilthar a ni hauh lo mai. Tun hma a\ang tawhin political party-te hian hetiang hun a lo thlen hian sorkar sawi chhiatna remchangah leh mahni sahmin tihpuar zawk hlauh tumin an phe buai hle \hin.
Ruahsur nasa vanga tuilian te, leimin leh kawng chhia te, lei chim te hi a nihna takah chuan tumahin tute chung emawa thleng tura kan duh loh a nih vek zawk laiin, politics khawvelah erawh hi chuan opposition party ho hi an lawm zawk emaw tih mai tur hian sorkar sawichhiatna remchangah hmangin an pawl tan a hlawk thei ang bera hman an tum hlauh \hin hi ngaihtuah chian chuan a pawi ngawt mai.
Tun hnaiah pawh Zoram chhung hmun hrang hrangah chhiat tawhna leh harsatna thleng a awm nual mai a, heng hi kan sorkar pawhin thleng tura a duh ngai loh leh pawi a tih em em te vek an ni ngei ang. Chumi harsatna denchhena hlawkna mahni pawl tana lo zawn ve chhen hi a va Kristian lo em!
David M Zadeng
————-

ZONET thawktute infakawmin in programme pawh a \ha khawp mai. Mit leh beng a tlai e.

Mahse, ka sel duh lawk chu
sound technician-te thiam loh nge, in hmanraw zir tawk loh vang nge, a signal lam zawk ka hre lova, e
nga tinge fakna intih chhuah hian a rin bik em em a, a pangngai nen a inrinhleih lutuk lai hi han siam \hat theih dan a awm lo maw le aw tih hi ka rawn faksel ve a ni e.

VL Sailo
————-