Fakselna 23rd November, 2019

0
158
views

Hnahthial a\angin Zonet hi Pangzawl thlengin kan lo en ve \hin a, TV hrui awm mai mai hian kut a tuarin kan en thei lo deuh reng mai a, ngaimawhtu an awm a nih hmel riau. Zan hmasa lam pawh khan Pangzawl daiah TV hrui mi tu tih hriat loh ten an tanchhum a, an la daih mai. Hetiang hi thleng tawh lo se a \ha ngawt ang.
Zoneta

9862216410

Mi tlemte thuhnuaia kun kha belh leh lawk ang. Aizawl khawpui chauh ni lo, Mizoram pumah hian gas agent hi an tam lo khawp mai. Za hnuai lam fe an ni chauh ang. Mahse Mizo mipui nuai sawm chuangte hi an thuhnuaiah kan kunin kan bet tlawk tlawk si. Mizoramah gas agent a awm ve tirh a\angin (a nih hmel a) vawiin thleng hian rate dik takin agent tin hian mipuite hnenah gas connection hi an pe chhuak lo hrim hrim a, agent te hi an awmna kohhran \heuhah rawngbawltu pawimawh tak an nih hlawm ngei hmel a, kan Pathian chu sawi loh Muslim tlangval piangthar Salim Zothanpuia lung hi a va awi dawn lo tak em ka ti. Tunah hian Gas double connection rate hi Rs.2,300/- a ni a, a tak taka pawisa an lak chu Rs. 8,000/- a ni tawhin ka hria. Connection khatah mimal sum Rs.5,700/- an eiru zel a nih chu! An pawisa lak zat hi an ziak lang ngam miah lo. A man dik tak chu in gas lakna buah emaw a receipt-ah khan a lang ang. Officer leh MLA/ politician te chauh hi mipui sum eiru an ni lo ve. Kan ram hi a van damlo nasa tehlul em! A tidam theitu chu nang leh kei hi Lalpa duhdana kawng engkimah kan awmhmun apiangah kan rinawm a ngai. Pisa hnathawk, kohhran pawl tina hruaitute u, inthawhna Pisaa paper leh computer kha in pawl pawimawh atana a thlawna inhman khan Lalpa a lawm ang em? Chutianga hman tur chu pawl sum innei a lawm. Esauva’n a upatna chaw vawikhat eia a hralhte, Juda Iskariota’n kan Lalpa Isua tangka sawm thuma a hralhte hi dem thei kan ni em? Kan dik lohna lai \heuh hi i insiam\ha ang u hmiang. Tichuan, kan huaisen anga, kan ram hi kan riten dik lo takin min nek buai reng ngam tawh lo ang a, ruihhlo leh HIV hrikin min bawm ngam tawh lo anga, Lalpa duhdanin kan inthlah pung anga, kan ram hi a lo dam leh dawn nia. Ramveitu

9089667399

Rorelna mak, dam chhung tan tir hnuah thla thum tan belh. An ruang jail-ah an kawl dawn em ni?

9436365342

Minister hlawh apung, MLA hlawh a pung nasa a, MLA pension hlawh lah a pung thur thur mai. Sorkar hnathawk kum tam tak lo thawk tawh, civil pensioner te hlawh a tlem em em a ni. Sorkar chak tak hian ngaihtuah sak teh se.

9862385339

Zonet hi \an deuh a ngai em aw! November thla chawhnu lama Puja discount la tar reng mai hi a zia lo deuh lo maw?

917005656187

Pu Rama’n vai ho ka vaw dup a tih kha amah hi an lo vaw dup zawk te hi a ni lo maw le? Aizawl tlang a rawn thleng a, a rawn inhampuar mai mai te hi a ni lo maw, ramri sawi fel dan a hriat pawh a sawi chhuah ngam loh danah hian? A mawngtam kha lo en sak ila, a duk dup dulin ka ring deuh. Hre lo zingah \hi pawl a rawn zuar te hi a ni lek lo maw le.
RZ-a Ralte TD

8730841016

Kan khawpui hrang hrangah han hawi vel ila, dawr hmingah \awng dang hlir a lo intar a, a \awng hmangtu lah hmuh tur an awm si lo. Khawiah nge Mizoram a awm tak? |henawm khawveng chhung leh khat inlaichin dante pawh kan zonun piah lam a lo ni zel mai. Kan hming sak duhdante lah Mizo ni si, hnamdang hming koh ngai an lo ni leh zel nen a va hrilhai thlak tehlul em! Hetiang reng hi chuan tuna kan ram zimte “Mizoram” kan tih hming pawh hi hnamdang \awngin kan la ko ta ve ang. Tunah hian \hangtharte hian Mizo upa \awng chu sawi loh, \awng upa phei chu hnamdang \awng emaw min tihsak hial ta a nih hi. Sawi tur a tam hle mai. eng le khaw le kan hnam hi Pathianin a duh ang taka a siam leh din a ni a, kan ram hi Pathianin Zofate chenna atana min hun chhuah sak pawh a ni reng a, kan ram hruaitu reng reng hian hmangaih takin enkawl teh se. Hei lo hi kan ram tih tur dang kan nei si lo a ni lo’m ni?
MS Chhakchuak, Aizawl

9862384183

Mizoram MLA te hlawh tur chu State dang MLA te nen khaikhina siam a ni a, State dang thawh chhuah leh kan State thawh chhuah an khaikhin tel lo hi an mualphona a ni e.

9774601874

Tun session-a Minister te leh MLA te hlawh tihsan chungchang Pu Duhoma’n \ha a tih viau laiin an party ZPM hotute thu a ngaihpawimawh zawk thu a sawi a, Congress sorkar lai pawh khan Pu Hawla khan saipui kal lai a inti a, MNF leh party dangte kha chu Uitang ang tluk lekah a ngai a, a thing per hmiah hmiah mai a, bauh din mai mai chi a ni lo. Chuvangin Pathian leh kan ram tan tia MNF party-a rinawm taka lo awm, mi rethei berh ve tak tak te hi kan sorkar hian a ngaipawimawh ve hle tur a ni mai. NGENNA LEH HRIATTIRNA ANG RINGAWT A NI LO, AN BAT A NI.
Tlabung Uitangrual

9862014844

MLA te hlawhsan hi lo helhkam lutuk lo ila, an thawh \hat viau chuan a awm mai ang. Ka vei ve erawh chu ram chhan ngam lo hlawhah chuan a u deuh em tih hi. Ramriah te hian han vin tak se chu hei aia sang pawh a awm ang.
RK Sanga

9862366590

Hlawh pun chungchangah hian a pass tute hi an inthiam chiah lo nge, a duh ve lo Pu Duhoma beih nan an hmang ta daih mai hi a mak hle mai. He hlawhpun Committee GPC-ah hian Pu Duha hi a tir te-ah Study team ten an pharh \um khan a tel ve a, a hnu lam an final thleng khan a tel ve ta lo a ni zawk e. Minister Pu Ruatkima’n, Hnam R<na thu a sawinaah mipui rilru kuai peng thei zawnga a sawi chiam mai kha chu a zia lo deuh a ni.
“Kan ram dinhmun enin, a la hma deuh e, muai 3 te hi han sem fel phawt sela, beng tharin kan la ngaihtuah leh ang chu” a ti mai kha a nia. Inthiam lo taka hlawh inpun pawh ni se, mipuite hian hmuh dan kan thiam tho e.
Mizo Tlangval

93666 30785