Fakselna 25th April, 2020

0
766
views

Covid-19 vanga kan inkharkhip hi thla khat chu a lo pel ve ta hlek mai. Chutah Covid-19 damlo pakhat kan neih pawh chuan Pathian khawngaihna zarah ziaawm lam a pan ve hret hret zel a, a lawmawm hle mai. Chutiang a nih laiin Mizote tlawmngai pawlte, mimal thil phal tak takte, Kohhran hrang hrang leh sorkar hnathawk department hrang hrangte leh sumdawng mi liante an lo va han fakawm tak em!! LTF, VLTF te leh kan Police chhuanawm tak takte inpekna a hlu-in an fakawm ngei mai. Chutiang a nih mek lai chuan ka rilruah thlaphanna lian tak a awm a, Covid-19 vei hi 100 vel han awm ta ila, sorkar hian sum a van seng nasa dawn tak em aw! Tunah pakhat chauh kan nei a, kiltin a\angin thawhlawm an thawh ruih ruih chung paw’n cheng nuai sangkhat zanga a seng tawh tih thu kan CM-in a sawi a nih chu. A van rapthlak dawn em!!

87946 03279

Eptu Leader Pu Zodintluanga a fakawm hle mai. Kan sorkar hotuten Covid-19 do letna thua an hmalakna \hat tawk lohna te a rawn aupui phiar phiar mai a, mi tam zawk sorkar hotute sawisel ngam lo leh an hmalakna \ha tawk lote an sawi ngam loh laia huaisen taka i rawn aupui hi kei leh ka \hiante chuan kan thlawp tlat a che. Ramin harsatna a tawh a, sorkar hmalakna tichak tura an hmalakna \ha tawk lo i rawn puangzar hi eptu leader nih i tlin hle mai. Khawi ramah pawh eptu pawlte auchhuah ngam lohna ram, ram hmasawn an ni ngai si lo a, eptu pawl \hatna ram apiangin sorkar an khalh ngil \hin si a.
Lapuii Pu EX MNA

98626 72589

Evan. R. Lalthantluanga hi tuna TV home crusade-ah te hian speaker-ah enga tinge an ruat ve loh le? Hetianga speaker \ha kan ramin kan kawl reng sia, a thusawi kan ngaithla chak a sin le. Thusawi thei lo tur aiah khan han dah hram teh u. Thuneitute kan han dil che u a nih chu.
LR

96121 64596

Tun ang hunah party ang zawnga inbeih chi a ni lo ti tu te hi an ni lo maw Pu Zodintluanga bei vak zel \hin hi? Sorkarna siam leh tura an rin vanga bei nge nia thil dang zawk?
Serchhip Product

98621 30116

Covid-19 hri leng mek kan buaipui danah hian sorkar hmalakna te hi fak an phu ngawih ngawih niin ka hria. Ramri kham chinah bial neitu kan MLA te, bial mipuite chhuanchhama an awm hlauva, an han phe sung sung han hmuh hian a thlamuanthlak \hin e. Chutihlaia an thiltih \hat te sawisel leh puhchhiat tum kan la awm leh zeuh \hin hi chu tunlai boruak nena thlir phei hi chuan sim hmak chi niin ka hria. Mihring ve tho an nihnaah han tlin loh deuhna te chu tute paw’n kan nei \heuh ang. Ka ngaihtuah ka ngaihtuah hian eptu bial lam hi an ni chawk. Vawiin thlenga chhuanchham kan la awm lo te, State danga tangkhangte an buaipui dan ngaihtuah hian fak lawm lo kan awm lo ang hian an hmalakna te thlir hian i fak mawlh mawlh teh ang. Hma latu sorkar tichak tur leh a tha tho tur awm zawnga kan zavaia \anrual a hun zawk e.
Serlui Pachuau

87874 87887

Mizoram hi chu Pu Zoramthanga party leh Pu Lal Thanhawla party te pahnih hian tum mumal awm lem lo hian min hruaikual vel mai mai se kan inhmeh tawk chauh a ni. A ram mi leh sa ni lo te inlulingin an huangtau hle ringawt mai a ni.
SIDIA PA

87940 40907

Tlabunga Local Task Force te ramri vêngte hnathawh dan tlawh chhuaktu Zonet Palai report kha kan lo thlir ve hlawm em aw. Sawlai Bangladesh nena kan inrîna leh sumdawnna hmun pawimawh tak ni bawk chu he hripui vang lovah pawh Police mai ni lovin, Arm Police Post pawimawh tak a nih laiin chutiang reng reng an lo ni lo mai chu sorkar hian ihe lova bawhzui vat chi a va ni êm. Tin, ramri hungna te lah chu awmzia a nei vak tawh lohzia kan hriat kha. Tin, chubakah kan ram lama Chakma te hian an hnampui Bangladesh mi an tlawhpawh fo thu leh an ni pawh kan ram lamah an rawn luh reng theih thu te pawh kan hriat kha. BSF lam lahin an cover vek sen loh avangin saw lai hmunah sawn IR Police emaw, MAP te emaw dah ngei a va pawimawh êm.

98566 09887

Local channel kaltlanga tu tute emaw thusawi tura kan duh a nih pawhin he thil hi Kohhran hruaitu leh Pastor pension tawhte sawiselna leh deu nan chuan i hmang lul lo ang u. Dik tak chuan thuhriltu/speaker kan tih \henkhatte hi chu an Pathian thu kalpui dan a dik loh leh him tawk loh avangin Kohhran hian a chhawr duh lo a ni zawk tih i hria ang u.
Mawia

94361 53414

Fakselnaah hian tumah duhsak bik an neih loh hmel. Kan thuziak a chhuah loh chhan chu kan retheih vanga tichhuak lo a ni lo. Keipawh hi ka thuziak an rawn tarlan loh a tam mai. Kei chuan ka retheih vangah ka ngai lo, kan thil thlir dan hi inenchian a ngai khawpin ka hria. Kan retheih leh hausak hi Zonet Fakselna lama mawhphurtute hian an hriat ka ring lo. Min rawn chhui bawk lo; kan ngaihdan mawlmang tak a ni.

Johntea pu

Thil dang daih ka’n sawi leh teh ang. Kan tunlai hri avanga a hmun hrang hranga Task Force duty te an fakawm hle mai. Tunhnaia state \henawm a\anga rawn lut panhnah te hi direct-in a rawn lut a ni awm a, hei hi eng nge a chhan ni ang? Hetianga thil hote te-ah pawh kan fimkhur lo a nih chuan kan chan tur chu a chiang maiin ka hria. Hetiang a nih zel dawn chuan eng nge duty indah a ngaihna chhan? Tu thua direct-a rawn paltlang nge ni ang le? Hetiang zela thil a kal dawn a nih chuan Covid-19 hri hi kan ei leh inte a\ang ngeia kan kai pawh a hlauhawm hlel lo e ka ti.
Chhaktiang keite

76279 14601

Pu Zonet chhim lam unaute kha an va khawngihthlakin ramri venhim chungchangah nasa zawka puih an va \ha ve. Ram tan an inpekna a ropuiin an chhuanawm hle mai. Kan sorkar hian Mizo mipuite kan him zawk nan tihdan ngaihtuah se kan va ti em.
Zam zami pa

70858 94658

Phai lam kan Mizo Covid-19 kai, cancer vei treatment sang taka inenkawl mekte pawh an enkawl dam leh ta. Kan rama Covid -19 enkawl mek natna dang nei lo, la fit \ha tak mai tun thlenga la enkawl damloh hi chu kan doctor te rawn insawifiahna khan min la hmin hlei thei lo. Engemaw la zir belh ngai chu a awm ka ring tlat. Thil thar, natna thar a nia, tlawmah la lovin phaiah training intirh vat hi a fuh mai lo’ng maw? Ka pu Zonet, eng nge i ngaih ve dan?
Zonet chhungkua

94361 53582

‘Chumi/khami chu hun pe ve u la,’ lo ti ve chhente hi midang tana sermon ngaithla \hin an ni duh.
Dr. Hranga

88373 26233

MIZORAM kuthnathawktute huan-lo-ram chi hrang hrang develop-na tur, Central Scheme pawisa dawngtu turte in awm ve \hin em le? In awm a nih chuan heti hian a changtu department hnenah kalin zawt \hin teh u. Hetiangin, “Central pawisa i dawn zat tur kha a rate zawt chhuak la, scheme-in rate a neih sa a\anga za zela 80 a ni chiah dawn em tih te, a nih chuan chu chu cheng eng zat tur nge? Instalment eng zatin nge mi inpek chhuah dawn tih te. A nih leh hei bakah hian Mizoram sorkarin a lo khin lêt vena tur, State matching share hi za zela 20 a ni ve chiah dawn em? Chu State matching share chu Mizoram sorkar a\angin indawng \hin tak tak em tih te, indawng \hin a nih chuan a pawisa faiin cheng eng zat tur nge? Hei tak hi a dawngtu turte kut a thleng pha dawn em? Thleng pha ta se engtik hunah nge ka dawn theih ang?” tiin i lo zawt anga, engkim lang tlang taka i hriat hnuah kut tling takin emaw a aia \ha mahin chutiang hnathawh tur chu thawh hram i tum dawn nia.

9862614475

Mizote hi thuawih thei tak hnam ni ten kan insawi \hin a, thu hi kan awih leh lutuk mah mah lo maw? Kan ram chhunga khawsa ve mai mai hnam chekhnawk satliah ho pawhin min zuam phah dan em em hi chu inbihchian \hat leh deuh chu kan va \ul ve. Kawlhsen ve deuh chu kan \ul tawh a ni. A thawka phita ringtute kan ni a ti a, kan dawh zel emaw, kan ngaidam zel dawn a nih chuan ringtu nih hi dawihzep chhuanlam atan kan hmang a va ni tawh zawk awm ve. An ni pawh an pathian biak lakah chuan ringtu an inti ve tho. An nunrawn an \hulh phah chuang lo. Mizo kan nih avanga nem duai reng tur kan ni bik em ni? Kawlh ve tawh teh ang u.
Tlangvala

9862349117

Covid-19 avanga inkharkhip hun a lo tawp anga, tui bill leh Electric bill double-in a lo kal ngei dawn a, keini ho mi in luah, sorkar hnathawk awm lohna chhungkaw tan chuan inhlawhfakna a awm bawk si lo va, pa ber lu a hai \an hle mai. Heng bill lo thleng ngei ngei tur hi sorkar hian min ngaidam thei mai lo’m ni? Ngaihtuahna a buai \an hle mai.
Beiseia

7005308819

Tunlai kan khawvel a lo changkang ve chho zel a, smart phone te pawh a lo “lar” nasa tawh a, a lawmawm viau laiin \henkhat chuan Internet-ah miin min lo like/add tam theih nan tiin thu belhchian dawl lo te post in, anmahni thu thu-in mi thla te an la mai mai a, hei hi an thla an lakte phalna lak phawt loh chuan dan kalh a niin ka hre si a, tunlaia kan “task force” ho \henkhatte hian mihring kan hnathawh tur pawimawh lutuk vanga loh theih loha hnathawkte thla an lak saka, an chanchinte an post \hin hi chu ka ngaithiam thei lo khawp mai. Hetiang ho hi an thlalak sakte hian court-ah khing ta sela, dan kengkawhtu ho hian an \an mai dawn em ni le aw?

7085533673

Pa r^wn leh fing leh kohhrana tlatlum tak ni tur chuan sum ngah a ngai. Mi hausate vawk lallenna ramah hian retheite tan hmun a awm lo.
Lone wolf

8837331196

Task Force Duty-te hi kan tan an thawk a ni tih i hre reng ang u. Tlawmngaih chhuahin in lumah nupui fanaute bula awm der der te hi an chak ve a sin. An duty-na hmun loh theih loha kan paltlang dawn a nih pawhin zah takin i be hram hram ang u. Task force duty ka ni miah lo a, loh theih loha paltlang a ngaih pawhin an duty zah takin ka be \hin a ni.
Damdami Pa

9774971361

Sorkar hian a theihtawpin a ram mipuite \am tur a ngaihtuah a, a thlamuanthlak hle-in ka hria. Zoram mipuite hi intodelh turin \an ila teh ang u khai; sorkar ringawt dem lovin. Kei chuan fak an phuin ka hria

8729962403