Fakselna 25th February, 2019

0
491
views

Zonet channel hi cable a kan pawh laiin line chat buaiin kan buai a, tunah fiber kan hmanga a fiah lo, a rang, a phe zuai zuai a ni leh a, HD channel lah hmuh tur a awm bawk si lo. A man to vin Set top box kan lei a, a lo thlawnin pawisa min sen tir mai mai a nih hi mawle. Pu Zonet nang eng nge i ngaih ve dan, siam \hat dan a awm lo maw?

LD Zachhing, MVM

82589 50604

Kan ram/state hotupa ber hi.. A \awng tuitam lutuk deuh a ni. Adviser leh Assembly Member ni ve ngat te hian bekbawr a hun hle lo maw? Lengpui thlawhna service \hat loh chhan a sawi duhdan te hian nuih pawh a tiza pha lo. Tin, thil saikalh deuh – ZONET HD CHANNEL mawlh hi. Tangka 500/- kan chawi tawh reng laia kan la en mumal theilo tlat mai hi mipui tan a luhaithlak pha tlat a ni.

87946 80484

Ram leh hnam tana fehchhuak, mautuai haka thi ta te ruhro lakkhawm zel a ni hi a va lawmawm em. Vairampura in ropui sak ai chuan kan hnam tan chuan a chhuanawm e.
Carolini Pu

9862216410

Muster Roll te dinhmu hi sorkar thar hian rintlak leh belhtlakin siam zel teh se. An nupui fanaute’n lu nghahna an neih loh hi. Zum leh hriam kara hnathawktu, thih hlauhawma dingte lu man pawh nei lo te hi sorkar hian tuai hriam zel rawh se.
Ruattea

8729895488

Kan sorkar thar chu rorelna a inthlak chiah a keini nu mawl te pawhin a \hatna kan hmuh theih chu traffic jam a tlema, sikul luh hun an sawn hmaa, ka sawi seng lo. An tih tur chu an hai lo. Hma an la miah miah mai a ni. Lo thlir zel ang u aw.

8257036647

Engvangin nge MNF kan thlan lal? Zu an duh loh vang ti ila kan sawi sual lo vang. Sorkar zu zawrh tihtawpah duhtawk lovin mipuite zahna nei miah lova mimal zu zuar te pawh hi na taka hremna dan siam bawk rawh se.

8014168221

Zu leh ruihhlo ngaite chhanchhuahna \ha ber chu ruihhlo tih bo a ni. Hetiang lam zuar luite hi ramchhung a\anga nuai bo ni se a \ha ber ang.
VL Ruata

8257065411

Sorkarin zu zawrh a khap tur hi a Kristian a, a lawmawm hle bawk. Mimal zu zuar lui, \henawm leh khawtlang pawh pawisa lo ho hi na taka hremna dan siam se kan ram hi zu zuar awm lohna leh zu awm lohna rama siam i tum ang u.
Duata Pu

8730099759

Mamit District huam chhunga thingzai khap tih puan kha a khat tawka puan reng mai chi a ni. La zailui tho te hi engtia tih tur nge ni? Tute nge hma rawn la, mantu tur ni ta ber ang aw? Zai duh ve si, dan pawisaho te tan an ngeiawm riau ang. Misualte tan kan khek a ni ngawt dawn a lawm le.
Dampa Uitang

8974244232

Rilru, thinlung, thlarau zawng zawnga PATHIAN THU sawi duh silo, mihring tihlawm tum, hotute hlauh avanga hmun thianghlim pulpit a\anga mipuite vau deuh, hau deuh, chutiang sermon thei chu kan va ngah tak em. Tin, hun hnuhnung ti ve ziah si, chutiang thu sawi leh tak tak ngam der silo, tlanchhe chunga thusawi te, thu khuh tak chunga thu sawi \hin ten kan ram ringtu te hi min tichhe mek a nih hi. PATHIAN tana kan pen chhuak a nih rau rau chuan mihring tumah hlau lovin Pathian thu a nihna ang takin sawi tawh zawk ila rinna kal kawngah kan puitling zawk ngei ang.
Fela Pa, KK

8118904367