Fakselna 25th September, 2019

0
445
views

Inter College folk song competition kha kha ka lo en ve a, vailen hmaa piang kha kan naupan laiin kan hmu ve phak a, anni chu an vaiin an zai a, a laiah pakhat an lam deuh ber. Pahnih an lam pawhin inngaizawng ni awm takin an inmelh reng ngai lo.

8413931575

Aizawl Post 24.9.19 chhuaka, ‘Ramri chungchang hi a peih peihin an sawi a, State dang nena inbiakr^wn ngai a ni’ tih thu Home Minister thusawi ziah kha a dik rualin, kan rite hian an zawm ve chuan loh bakah min zahna chhete mah nei lovin hma an la reng thova, dawih aw chhuah zul bik reng thawm hriat hi a ninawm. Ram hruaitu, Hrangchala ni lovin Phawthira kan va ngai ve. ZPM te MP thlana Congress an thawhpui kha kumkhua atan ni lo, 2019 MP thlan atan chauh Modi-a sorkar zawmtu ni lo thlantlin an duh vanga thawhpui lawk chauh an ni tih hre duh lo ho hi chu thu haw lam leh kal lam hre hrang thiam lo leh bum fin zawh loh tur khawpa politics chhe mi-a thluak suk sak ho leh suk saktute an nih hi. Eng ang pawn thupha chawi mah ula, an pawm thiam chuang lovang. In tumah chiang ula, in thusawi leh thil tih inmil se la, awih tlak thu sawi ula, ram hruaitu tlak ni turin eptu in nih lai pawhin ram tan hna thawk ula, hma insawn zelin ka ring. Eng party mi mah ka ni lo, neutral dik tak ka ni.
Ramveitu

9089667399

“Kan party kan sorkar chuan Mizoram leh Assam ramri hi kan chingfel ang.” Tunge a sawitu kha?

8974046940

ZPM hruaitute hian thil awmzia hi uluk deuh zawka an ngaihtuah a \ulin ka hre ve tlat. MP thlan dawna INC nen an thawhhona kha tute emaw an sawi hnawmsak a, thawhhona avang khan an lam \ang anga lang tam tak lungawi lova vote pawh pe ta lo ang hiala tute thu vaivir kha an awih deuh tlat niin a lang. Anmahni lam \ang angin lang mah se khatianga thu thehdarhtute khan INC nen thawkho lo mahse ZPM-ah vote an pek ka ring chuang miah lo. Tumah thawhpui nei lovin han mal din chiah se hetiang mi ho hian an vote chuang lovang tih ka ring tlat. Party mi leh sa te rilru tihhnual duh vanga tute emaw thu vaivir mai mai a ni thei tih te hi ngaihtuah thlen ve a \ha khawp mai.

Thlirtu Mitfima

Chawngteah hian Gas Agent kan nei ve a, chu chu NUTE Gas Agent a ni. Mahse midang kutah dah a ni a, an duh tawkin a black-in an tiral a, trip khat lo kalah hian a chang chuan bur 100 vel bak sem chhuah a ni ngai lo nia sawi a ni. Chuvangin Agent ngei hian lo awmchilh rawh se.
CUSTOMER

9383010631

Social Media a chak tawh a, chutihlaiin an hmeichhiatpuite thlavang hauha MHIP hmalakna tur chi pawh a awm nual tawh lo’ng maw? Kan hriat loh hian hma an lo la viau tawh em ni zawk?

8837489511

Congress hunlai khan MNF mi leh sa zirtirtu atana lak chu sawi loh, a za tel tela an ban bakah IV Grade hnate pawh an chhuhsak nawlh mai zel kha a ni a, sorkar hian an tan kawng hawnsak leh ta se, tuchhuan thleng daih lawmnaa siamsaktu ni mai tur. Party duhsak bik an awm dawn lo tih kha a ni sia. Hmun 4-a \hen hmun 3 Congress mi hlun tak takte hming a lang ta fur mai hi eng nge a awmzia? Saipui kallai inti Uitangrualte bauh din theih loh kha a lo tho leh thei ta mai em ni? Mahni thlan laih kan tum zawk em ni? Tunhma thilte kha ngaihtuah nachang hriain, inthinharh deuh kan ngai lo maw?
Tlabung Uitangrual

9862014844

Zirtirtu lak thar chungchangah ennawn leh tih te a latu sorkar lam a\angin hriat a ni a, a zahthlak teh e. Criteria mumal tak a awm a, qualify rau rauvah khaw chhung mi an awm loh chuan a khaw hnai lam zel tih a ni mai. Tihsual palh theih a ni lo. Action lak dan tur pawh thil fel lo a awm a nih chuan a latu kha hrem tur a ni mai. A laka kha cancel-a, a lak tur dika thlak mai tur. A pumpui nghawng tir reng reng a \ul lo. Tunhma a\anga mipuiin kan sorkar nep kan tihna lian tak chu, thil dik lo tite hrem loh an ni fo hi a ni. In tih \hat leh chuan sorkar in mualpho hle anga, a tidik lotu inhrem a, lak tur dik laa in siam\hat erawh chuan sorkarin fak a hlawh hlawh ang a, mualphona tur a awm lo. In ennawn leh vek a nih chuan an mi leh sa lak loh an awm a ni maw tih bak rin tur a awm lovang.
RK Sanga

9862366590

Mahni tawnhriat leh mita hmuh pawh ni miah lo, Mizoram buai lai ziaka, chumi kha mi sawi dan chuan, ti lem lova a ma tawnhriat leh mit hmuh ngei a nih dawn hi tih theih ang chi a thu ziak te pawh an awm, chumi lehkhabua ka lak chhawn tih emaw, mi sawi ka hriat danin tih te hi a \ha khawp mai. Mahni tawnhriat ang maia kan pian hma thil emaw, kan la hmuh ngai reng reng loh emaw, a tawn hriat, a hmuh ngei a nih dawn hi tih tur thu ziak chhiar tur a awm leh zeuh \hin!
No. thup

8014499153

Congress sorkar lai khan SSA zirtirtu tur Education Minister khan uluk takin a la a, mahse CM zin lo haw khan a cancel sak vek nia sawi a lo ni tawh a. Tuna mi hi zawng Edn. Minister sawi rik fo \hin angin kal tawh teh se.
Thlirtu

8729984567

Zonet programme-a kan hlut ber pawl, ‘Zonuni nen Thingpuisen’ tih hi zan tin a theih loh pawn kar khatah midang zel hi rawn pe thei ula kan va ti ve. Mizo rohlu, Zonuni ngeiin a kawm apiang hi a manhla \hin em mai. Tih leh hun atan heng mite hi han chhawp chhuak teh u; zaithiam, hmel\ha leh zei, nalh bawk, kan hmuh nin loh te Rebecca Saimawii, Elizabeth Zodinpuii, Zolawmsangi, Lalroutmawii, C. Lalhmingmawii, Marina Vanhriatpuii leh Mabiaki te bakah Helen Zaithankungi leh Zoherliani te ho hi Zonuni ngei mai khan karawl awm lovin han kawm mawlh mawlh hlawm se kan va ti em. Beng sikin Zonet puipate khan lo bengkhawn ve teh u khai.
Zonet Hluta

9856739214