Fakselna 26th October, 2018

0
563
views

Babutea chuan Aizawl khawpuiah kawngpui chhawng siam a tum leh ta maw? A nghahhlelhawm mang e! Nationalism tui pui pa hian “MNF PROMISE YOU A VIBRANT CHAKMA NATION” ti leh bawk se a inhmeh leh awm mang e! Kawng chhawng siamte nen hian.
Ramtea
———–

Dt 23.10.2018 ZONET chanchin thar puana party pahnih \angrualin Pu Lalduhoma tlak theihna turin party pakhata candidate chu vote rawn turin rem an ruat nia thupuan chu a dik ang. Kum 1993-ah hetiang chiah hian Brig. T. Sailo tlin lohna turin rem an ruat tawh a. Kum 1993 inthlan result puan hnu thla khat velah MNF Campaigner pakhat a lo leng a, Pu |hena a tla kha mak a tih thu a sawi a, kei chuan “He lehkha hi chhiar teh” ka ti a, a han chhiar chuan hei vang hian a nih dawn hi kan hotuten Congress hotu hnenah campaign turin min tir a, Congress hruaitute chuan “Kan vote tling dawn che u a lawm an lo tih zel ni” a ti. Inthlanna hmanraw chhe tinreng hmang duhtute hi ram leh hnam hmelma an ni tih hi mipuite hian i hria ang u. Aizawl West-I bial chu a hlauhawm ngawt mai.
Vena Pu
————

Pu Hmingdailova Khiangte Tuirial bialtu MLA nilai chu Aizawl South III bialtu KS Thanga vanga MLA candidate chang lo a nih chuan hmun hrang hranga amah lainattute khan inbial \heuha Congress MLA candidate-te kha amah tawrhpui nan lo vote lo ngam \heuh turin ka han ngen a che u.
Sangteii pu, Aizawl
————-

Pathian khawngaihna zarah kum 75 chu ka lo hmang ve ta a, inthlanpui candidate puan pawh ka hmuin ka hre ve fo, tun \um ZPM candidate puang chu a ropui dangdai hle mai. Mahse, a tawp hmain current a thim ta daih.
7005678161
————

INTHLANG ram kan ni a, House to House Campaign loh tur kan han titlat mai hi chu a va ho em. Mi tinin kan duh zawng tak mi kan thlan theihna turin kan candidate-te hriatchian hi kan dikna chanvo a ni lo’m ni? Kan inchhungah ngei lo kalin rawn inzuar sela mi \ha leh \ha lo pawh kan lo hre tur a nia. Candidate-te hmel pawh hmu lo leh eng ang mi nge tih pawh chian lova vote inthlak tir kan tum hi chu thunei leh khap theitu nih kan chak lutuk vang niin ka hria. Kan inah hian lo leng lut sup sup teh u candidate hote kha, inhriatchian nan thingpuite pawh i in ho zawk teh ang u.
9862944502
————

MNF-ten Pu Rinliana damdawi kheha an puh vak kha ama nachhawkna mai a lo ni awm a sin mawle.
8119885094
————

Pawisa sem policy kan kalpui chhung chuan engtikah mah ram ropui kan thleng lo vang. Thil sem dawng fo chhungkua, chhungkaw zahawm leh awhawm an awm ngai lo.
Lala, Aizawl
————

ZPM-in MLA Candidate an puan dan chu a changkang hle mai. Ram hlui zia kalsanin hma kan sawn ve hret hret e. Hnathawh tum lo, party office-a tap nileng mai mai an bo zel dawn.
Tlumtea
————-

BJP President, Dr. JV Hluna’n Tuichawng bial saw chu Mizo Candidate dahna chi a ni lo hrim hrim a ti hian rilru a va tina em! Mizoramah Mizo candidate neih theihlohna hmun a dah hi Mizona leh Kristianna a neih tawh loh mai bakah NGO te thu a ngaisang lo hle tih a va lang chiang ve.
RAMHMANGAIHA
————-

Pu Duhoma’n MZP te lehkha bu eng, Chakma Foreigner list niawm tak nei ang khan a insawi a, lo sorkar lo ta sela ngawih bopui mai a tum nge? Engtika hman atan nge a tih? Tun thlengin a taka hman a tum si lova ngawih bopui mai a tum tihna em ni zawk? Tin, Sawhthing kg 1 Rs. 50/-in kan lei ang a tihte hi a hralhna lam a awm leh si loh chuan lei zel ringawt pawh kha ram sum leh paiin a tuar anga, a theih loh chin a awm leh si anga a buaithlak hle lovang maw? Chuvangin Pathian leh kan ram tan i thiam i finna te leh i theihna zawng zawng hmang \hin ang che.
Hnam Arsi & ZORAM SAKEI
————-

Lal thlahlel, lal nuam ti, lal kham hun nei lo, lalna chhan ber hnathawh atchilh leh mang si lo kan neih tam chuan ram nep tak kan ni reng ang tih a chiang.
RK Sanga
————

MLA thlanah mi \ha thlan an nih theih nan Kohhran ho vawi tam tak an \awng\ai tawh a, mahse dem an kai vek a, Kohhran ho \awng\aina a hlawhtling lo tihna em ni? Mi fel \awng\aina chuan thil nasa tak a ti \hin tih a ni si a, kan fel lo a ni ngei ang.
Mao tse
———-

Mizoram Super League an \an leh ta maw? Hawla Indoor Stadium bul hnai vela chengte chu kan vanduai leh deuh dawn a nih hmel. Engpawh nise nikum lama khuangpui ring mang kheng ang kha chu vaw tawh lo se tawrh a ziaawm deuh ang. Round sang zawkah chuan R. Deng\huama Hall lamah an insuan phei turah beisei phawt ila.
7005624651
————-

Tun thla ni 18-a Mizoram Public Service Commission-in No Vehicle Day an hman kha an ti \ha hle mai. Hetiang hian Department tinte hian intihchhawk sela, petrol mana sum sen te a tlem deuh anga, taksa hrisel nan pawh a \hat hrim hrim bakah traffic jam-te a ziaawm phah deuh mahna.
9774353476
————