Fakselna (26th September, 2017)

0
756
views

Mizoram Chief Minister ni tawh zawng zawngah Pu Lal Thanhawla aia ram hmasawnna thlentu tunge awm? Kan Chief Minister ni mek hian ram mipuite hmasawnna a ngaihtuah avangin ani aia \ha, Mizo mipuite hian kan nei lo tih hi ram mipuiten i hria ang u.
R. Lalhmunmawia, Tuikual South
—————-

Zoram politics siam \hat a nih theih nana ZPM an han din thei ta mai hi a va ropui em! Zoram mipuite hian Pathian hnenah lawmthu i sawi ang u. Hrui khat vuana min th>n kai ngei a tiam si a, Pastor Chhawna’n a tih kha.
PISI-A, Kolasib
—————-

Pu Ramte, inhnuk hniam hram la, \angrual pawlah tel ve hram teh. Eptu pawla kan awm leh zawngin kan ral thum lutuk ang e.
MNF ruh kawla
—————-

Politics meizial hi a tui thlu ngang a ni ang, zuk kham tih reng reng a awm thei lo. Mipuiin an sawisel luai luai chung pawhin tal pitna an zawng a, ka upa tawh ti duh lah awm lo, a mak hle mai.
RK Sanga
————

Lirthei changkang tak neiha, motor kawngpui tihuh zawnga kan lirtheite kan sil tlat zel hi kan changkan lutuk vang nge, kan chapo lutuk vang zawk ni ang le? Lirthei changkang tak neih chuan a sil tirna pawh neih tel nghal hi mi changkang tih tur ni awm tak a ni.
9862322234
—————-

Tunlai kan Zoram hi ngun taka han bih chian chuan a va hahthlak tehlul em..! Ram siam \haa hmasawnna kawnga ke min penpui tura kan thlan lalte lahin ‘Sual Inpuansiak’ in an hmanhlel a, an inbakkaih lo chauh a nih tak ber hi maw? Hawh teh u, mipuite hian kan party ruih chilhna hi hlip thlain, Zoram thar, kalphung thar siamin i din thar leh ang u. Insawifihlim tum reng mai leh hmangaihtu derte hi i hnawt bo teh ang u, khua kan tlai hma hian.
Mizo Tlangval
———-

Inthlan a hnai a, party tinin \an an la mek bawk a, ka rin danin Congress hi chu mipuite hian kan hnawl tawhin ka ring ve tlat. A chhan chu kawng siamna tur pawisa, NLUP-a party mi leh sate hleih nei taka an pek avangte, Kohhran duh dan ni lova zu an zawrh avangte hian chiang takin mipuite hian an hnawl a rinawm a, tuna party ding thar \angrual hi mipui hian an bawh huk ang a, an sorkar mai thei bawk a. MNF nen hian an la inbuk tawk chauh lovang tih hi tunge sawi thei ang? Kum sawm sorkar tawh mipuiin an ning zel si a.
RODY PA
————

Kan ram a ro, Elija au leh rawh, kan ramin a mamawh em e harhna. Van tukverhte hawng leh la Lalpa, lam harh ni lovin sual sim harhna rawn thlentir leh ang che.
Ruth-i pi
———–

Citizenship Amendment Bill, 2016 Mizote tana a him tawk loh avanga dodalna hi kan hnam tana dodal a ngai. Mahni Political Party leh mahni NGOs te advantage mai maia kaltir chi a ni lo. Kum 1985 a\anga ka sawi fo tawh \hin, hnam chungchanga kalpuitu bik neih hi kan ngaihtuah duh miah lohna chuan nghawng \ha lo a lo lang ta zel e. Mizo hnam enkawltu bik nghet tak siam a ngai. Mizo hnam buaipuitu atana Mizoram MP te, MLA & Minister te leh kan NGOs te kuta kan papek ta zel hi a fuh lo. Heng hote hi chuan an buaipui tak tak hman lo. Mizo File & Mizo Documents humtu tur bik kan awm hun hunah Mizote chuan hnam kalphung kan kalpui thei chauh ang. Tuna ram leh hnam kan kalpui danah hi chuan a tawp hlen ngam kan awm lo. Mahni pawl hming vawrh lar tumna a hawi vek!
PH FANAI
————–

E….! Khai kan sorkar hrawn mek Congress party leh MNF lo sorkar tawh te hian tam leh hnam khawtlang min hrual dan hi han bih chian chuan lungawi a har ta viau a ni ang. Ram siam \hat duh, khawtlang chhungkua, mi hausa leh rethei hnar khi zau lutuk ta te siam \hat tumin tunah zet chuan ZPM \angrual pawl inthurual chuan nasa takin \an lak an tum ta a, he \angrual pawlah hian party thlei bik a awm ve dawn lova, i in chhung ngeiah development a lo thleng tawh dawn a ni. Chuvangin buhfai bag khat 1- 2 hnih lek lek emaw, Rs.100 – 200 vel lek lekin i hlutna kha hralh mai mai tawh lovin bumin lo awm tawh suh la, he ZPM \angrual pawlah mahni awmna party kalsanin tun \um chu tiin beihpui mipuiin thlak an tum ta. He party lian intite min kaihhruai dan hi kan kham tlang ni berin a lang ta. |angrual pawl thil tum dan erawh chu chhungkaw tin tan a hlut hmelin a lang a ni. Hawh u, ram nuam i siam ang u.
MSA, AIZAWL
—————-

Fakselnaa kan sawi tam ber hi politics leh sorkar sawiselna a ni. Kristianna lam thu a awm meuh lo. Pathian thu aiin politics kan tuipui zawk tih a chiang khawp mai. Simin Pathian lam hawi ila, heng kan sawisel \hin zawng zawng hi a kiang vek mai ang.
Lalnuni
————–

Kan kawngpuite chirhdiak leh dila a lo channa chhan te, chal hnawihsena Pastor leh Kohhran hote dova zu zawrh vang, Zofate diriam taka vai ho school timing min \awm luihtirna te, NLUP aia hlawhchhamna ruam thuk hi a awm lo a ni. Rinawm lohna, thatchhiatna, dawtsawina, thawh chhuah ni lo beiseia duhamna duhsak bik neihna te, rukruk leh sual zawng zawng a khawm vang hian kawngpui mai ni lo Zoram kan ral mek a ni. Chhanchhuah tum ang u Zofaten.
LALA
————

NEDP, SEDP tih vel hi inbumna Politics a ni. Tlin tumna policy-ah hian buai duh suh. NLUP sem vanga sorkar hnathawk hlawh pek theih loh leh kawng siamna tur sum pawh awm lo anga sawitu MNF party pawh hi ring duh suh. Ekin kal thei an leisak leh mai ang che.
Malsawma pa
————-

Kawngpui hian sawi a hlawh khawp mai. A dik e, kawng \ha nei reng turin BRTF hi ko lut leh mai rawh u. PWD hi chuan an enkawl \ha tak tak lovang. ZPM beiseinain ka lo thlir reng e.
8014623531
—————

Hnam dangte ai chuan ruihhlo hian he Zoram hi a chim ral nasa zawk lo maw?
Goldman
————

Tunlai ai chuan ram buai lai khan mipui hian thlavang hauhtu kan mamawh fe zawk. Khatih lai khan tuna mipui thlavang hauhtute hian mipuite thlavang hauhin bandh han huaihawt teh mai se. Tuna a muang china mi pawh hi a awihawm deuh tur.
Bawihbawiha Pu
—————-

Kum 2018 Election \ang ho tur Zoram siam tumtute khan ZNP policy thil thlawn sem loh, a taima apiang hlawkna, NLUP aia \ha power-a intodelh, kawngpui \ha siam, Brg.T. Sailo ruahman Mizoram mi dik tak chauhin a ram luah ramdang mi um chhuah, danin a phal chin a ram leh hnam humhalh. Tuikuk ho duh lo chung hruai chhuah duh lo ngam, ram leh hnam damna tur a nih chuan bang ngam turin puan ven te han sawi chhing teh u. Thorang biala Pu |hena a rawn ding khan TAKAM (Chakma) vote ka duh lo, Chakma vote tel lova ka tlin theih loh chuan ka tla mai tur a ni a tih te kha vawiin thleng hian ka theihnghilh thei lo.
Thorang bial
————-

ZONET Channel en a man hla \hin khawp mai. Amaherawhchu, hun kan vawng dik lo deuh \hin a ang. Film en duh chhuah hun kan nghak a, a chhuah hun dar zat a rawn ni chiah a, advertisement kan hmu nghal char char mai \hin a, programme intar ang chiah hian rawn ti thei ula a duhawm khawp mai. Chu mai bakah |hazual chhuah hun hi a ni leh thla puang tel zel ula a va duhawm ve! Zonuni nen thingpui sen pawh hi a ni leh thla te tarlang thei bawk ula a duhawm khawp mai. Pek chhuah nawn leh \hin a ni si a, eng tika mi nge tih a hriat theih ang a, entu tan pawh a hun hriat chuan an thusawite kan ngaihtuah thiam phah ngei ang.
8575615231
———–

Vanglaini chanchinbua chhuak, Pseudoephedrine man chungchang leh ZONET Zing Daifim leh ni 24.9.2017 tlai dar 6:30pm DDK Aizawl news puante, a tawi zawngin Manipur lam mipain Delhi a\anga Silchar-a a rawn hawn, Pseudoephedrine kg 87 chu anmahni car ngeia phurin Mizoram lam an pan lai, Dholai PS area-ah Assam Police-ten an lo man a, anmahni zuitu nia rinhlelh lirthei dang pahnih nen. Hetiang a nih laia a mawhphurtu nia ngaih hmaih daih a, a \awiawmtu nia rinhlelh chauh “Mizoram mi pathum leh Silchar PLO” man thu zawk mualpho taka chanchinbu front page-a chhuah hi a fel zan lova, hnam ang pawhin a \ha lo. Tun chinah fimkhur a \ha ang.
9436350521
————–

Central YMA ho hian Gas chang ni lovin, buhfaiah pawh hian han strict sela. Kg 50 bag-ah hian Kg 30, 40 te chauh a awm a, bag khat Rs. 1,200/- ten kan han lei a, Kg-ah Rs.28 leh 30 hisapin kan lei a, a na duh khawp mai. Kan lei lo thei bawk si lo. Awi karei, huiha. Sual buru na rama awm chu a hahthlak ngei mai. Engmah \ha reng reng a awm lo a nih hi.
9612880873
—————-

U Got talent a hmuhnawm ta khawp mai. ZONET nge nge, hmasawnna ropui tak a ni. Duh khawp loh pakhat ka nei ve a, Stage hi duh aiin a thim ka tia, Stage a in-show hi an lang \ha hlei thei lova, hei ai hian tih en theih ni se ka duh hle mai.
Enge nge in ngaih ve dan?
ZONET Thlirtu-a
—————-

Kristian tan Yoga tih ve loh tur tih hria leh hre lo kan awm. Mi tam zawkin kan duh loh laiin, mifing tak tak leh mi ve mai mai zingah pawh fak mawi leh hnawl phal lo an awm bawk. Chutih laiin Muaythai leh Taekwondo te kan chawi vul leh chuk bawk a. Yoga emaw, magic leh martial arts hrim hrim hi Setana thiam thil, Setana ta a nih avangin Kristian tan chuan tih ve loh tur a ni tih hriat a \ha khawp mai.
Puipuii pi
————

Prime Minister, Pu Modi-a chuan new India siam a tum a, chak takin hma a la tih kan hria a, chu a hma laknaah chuan eng Policy dang nge a rawn zakzeh dawn tih hi keini Mizoram Kristian ram intite hian kan lo bengvar a ngai dawn hle hian ka hria. Chutiang bawk chuan keini Kristian ram intite hian new Mizoram siam tur hian engtinnge hma kan lak ve dawn le kan nunhlui zia thil \ha lo kha kalsanin nunthar thlarau rah hmang ngei khan zoram thar din turin inbuatsaih \heuh ang u.
Tlabung aw
————-

ZPM hruaitu ho hi an va tar hlawm em em ve. An awm mai maite hi an kulcho reng lo maw? Ram hruai chu an la tum ve si a, a va manganthlak em. Campaign-a zin vei vak tur pawhin an thain a tlin dawn emaw ni le?
8787631241
—————

|angrual pawl an tih chanchinbua lo lang ka chhiar leh anmahni ka hmuh hian a engmah hmain ka bei a dawng. A chhan chu an hruaitu kal khawm hmel ka hmuh hian hmanah leh tun thlengin sum leh pai khawp kham hmu lo, duh ve si, fing nia inngai, sihal putar thang awk chhuak hlir niin ka hmu tlat. Bakah tar chau leh engmah ni tawh lo awm khawm hian eng ang khawvelah mah hian min hruai thlen hi kei chuan ka ring mawlh lo. Kum 2018 General Election lo awm tura chak tur MNF-ah hian ka awm phawt mai ang.
Thlirvela, Aizawla mi ngei
———————

Lirthei intlan chhawk mawlh kha. Kan sorkar hian ngaihtuah nawn leh teh se. Two wheeler te hian traffic jam an siam ve lo a nia. Tute emaw tihlungawi nana telh ve hram a ang. Hetiangte chuan Aizawl ka lo kal hunah khaw daiah kan bike dahin taxi lak a ngai anga, kan rawn zin man a to dawn hle mai. Keini Aizawl dai vela awm tan chuan.
K. Hautea
————

Kan ramah hian khawsak la harsa tak te, ziaawm deuh te, hausa ta te kan cheng za a, Central/State sorkarin ram hmasawnna a buaipui mek zel a, state sorkarin mi retheite hmasawnna tur atan pawisa sem, ran vulh, huan siam etc. in hma a la a, chutih laiin Media kal tlangin \awng thei tak tak ten an lo sel ve mek bawk. Mizo Hnam Culture peng khat chu \anpui ngaite puih hi a ni a, a dawngtua \an reng hi tumahin an duh bik lo asin. Mi rethei/chhumchhiate hnawk ti tlat, ram dang khualzinte hmuha lo zak ve khanglang te pawh zuk awm a!! Bible chuan “Mi rethei leh hausa an cheng za a, an vaia siamtu chu Lalpa a ni” a tih kha. Khawvel ram ropui USA-ah meuh pawh khuan mi rethei \anpui ngai an lo tam khawp mai tih media kal tlangin kan lo hre \hin a nih hi maw! Chenna tur in nei lo sak sak etc. a tam ve lutuk. Khawvel khawi ram mah hi intodelh an awm tak tak thei lova, chhung tinte an hausa vek dawn bawk lova, hmasawn turin an \anpui \hin. Mi retheite pawh hma an sawn ve bek bek zel a, puih an ngaihnaah sorkar chuan a pui zel bawk ang. Media hmanga a lera \huai chi ngawt a ni lem lo. Sim hmak chi a ni zawk. Mi hausa fel tak takte leh sorkar hian mi retheite changkan ve theih dan tur an buaipui a, a chapo tawk leka nei ve inti leh fing ve riaua inngaite hian mi rethei te hi hnawk/rimchhia an ti tlangpui. Kan ramah eng party pawh sorkar sela, mi retheite hmasawn ve nan \anpuina kawng hrang hrang bakah pawisaa puih thlengin hma lak zel tur zawk a ni e. Mihringte chuan hma lam kan pan ve zela, sem policy a ngaih loh hun te pawh a la hre chhuak ve em em ang tih hi pawm tlat tur a ni e.
LB-a Pa
———-