Fakselna 2nd November 2017

0
583
views

Edenthar Vengah hian thla thum vel kan awm ve ta a, kan awm chhung hian gas an sem ngai lo hle a, an sem chhunah pawh kan chang ve lo. Sem zing deuh pawh ni se veng mawng lam hi chuan kan chang ve thei lo a ni e. Gas sem zing ve deuh tur hma la tur hian YMA mawh nge, Local Council mawh? Local Council hmalak tur a ni. Local Council chak tawk loh avang hian Edenthar mipuite hi gas-ah kan harsa a ni. Local Council hian \an la rawh se tih hi ka chhuah chhan a ni.
8259980393
————–

ZONET tihsual em em chu talent leh fiamthu a ruala chhuah kawp hi a ni. A zo ang a, a va reh leh dawn em. A khawharthlak leh ngawt ang. A rual lovin ti sela chuan en tur kan nei rei deuh tur. Fiamthuah khan Judge-te khan Chief judge kha an van hlau deuh ve.
8974797283
————

Kan rama hnam dang sumdawng awm lo tur chuan NGO hrang hrangte aiin mipuite leh Mizo sumdawngte hian mawhphurhna kan nei sang zawk daih tih hriat a ngaiin, mahni chauh inngaihtuah lovin, hnama kan chian a ngai takzet a ni. Tharum leh thu ni lovin, hnam dang dawrkaite dawr lo ila, chutiang a nih theih nan hnam dangte angin zuar tlawmin, dawr nuam takin awm ve ila hnam dang an awm reng peih lovang. Dawr kan nuam lova, kan zawrh to em vangin hnam dangin min chim a ni mai. 99 dawra kurta 99 a lei theih hi 99 dawr awm hma khan 250 aia tlawmin a lei theih loh a. Pakhat hralha hlep \euh ai chuan hlep tlema hralh tam a hlawk zawk tih hre ngamin sumdawng ve tawh ila, hnam dang chu an la bo ve mai ang.
Puipuii pi
———–

ZPM-ah hian kei chu beisei tur a awm ka hre lo, an hruaitute lah hi hmana mi vek tho kha an ni a, an tum anga ding chhuak zo lo, beidawng intelkhawm mai mai hian eng ram thar mah hi min thlen ka ring lo ve.
7005873180
—————-

ZONET channel tin hi a ri ngaihthlak a va hrehawm ta ve? Fakna chang a ring mai a, a chang leh a lem lang lovin a ri chiahte kan hria a. He ai hian a tih \hat theih loh em ni?
No. thup
————-

AMC chet dan hi a va atthlak thei e aw. Communist sorkar ang maiin zahngaihna an nei miah lo nia mawle. Anni ngaihah chuan dan anga hnathawk emaw an inti ang a, Pathian an dodal tih lo hre rawh se. Tin, anni chauh lo pawh roreltute khan lo hre rawh u, Pathian chuan, “Dan angin rorel suh la, zahngaihnain rel zawk rawh. Dan chu mihring siam chawp mai a ni a, dan chuan mi a thil tihsual vangin a hrem a, midang hrem thei tur khawpa dik nangni mihring zingah in awm lo. Rilru bawlhhlawh tak chunga roreltu chu a chungah kei, keimah ngei hian ro ka la rel ang” a ti.
The Prophet
—————-

Kristian zaa za ram hi khawiah nge a awm tak? Kan nun a va pawnlang em em ve. Ham\hatna duh avanga dawt sawi pawh kan va uar ve. Pathianni zing leh zan, Biak In chhung ringawt hi rawngbawlna hmun a ni lo. I awmna hmun apiang kha a lo ni zawk. Duplicate nun Lalpa’n a duh ve lo, Zoramin nun hi fim khurpui hle teh u.
Ruattea
————–

Krismas a lo hnai a, nau piang lawma thinlung leh tih takzeta zai kan lo ngaithla \hin a, hetih laiin thinlung taka zai lem lo zai mawi tum, intihlar tum ringawta zai an lo awm ve bawk \hin. Krismas hla lovah pawh a ni tho mai. A sakechek nazawngte hi chu Lalpa hian engtinnge a ngaih ang aw ka ti \hin. Thinlung hretu Pathian a ni si a.
RODY PA
———

Ka lo vei em em thil pakhat chu tun hmaa Mizoram sorkar leh mipui, mimir leh mi zawng zawng ti mai teh ang, kan rama District an lo pek tawh “SAIHA” tia kan lo koh \hin hi a chiangin a zo fek fawk hlein a Mizo a, a mawi em em a, mahse eng vangin nge maw tun hunah hian “SIAHA” tia kan lam kan lam tak mai aw…! A hnam dang \awng riau a ni. Mizo kan nihna leh kan hnam kan chawi nung zel dawn a nih chuan SIAHA ti lovin, SAIHA tiin i lam leh tawh teh ang u. Tih tak emah chuan Mizoram MAP-ah te pawh tun thleng mai hian SAIHA tiin an la ziahtir kuau bawk nen, \awngkaa kan va sawi naah SIAHA tiin kan au kan au chhuahpui lawi si hi vaihovin thil dik lo sawi nana (ULTRA) Ulta tia an lam rik \hin kha a ni. A dik tlat lo. A nih loh vek pawhin Mizoram MAP-ah pawh SIAHA tiin i ziak tawh ang u. Chakma ho pawh huat tawh nak a laiin inti ve lo maw?
Aizawl pa MSA
—————-

Fiamthu Fest hi a \hat viau laiin Judge ho comment hi duhthu a sam lo deuh. Contestant-te tan hmasawnna tur a tlem a, tu mai pawh i ti\ha khawp mai tih vek a ni a, heti lo deuh hian frank deuh taka comment ni se a va \ha awm ve aw. Mapuia programme, Comedian Search hi a tluk lo tlat mai. Comedian-ah hi chuan Judge te comment hi hlawk puina tham a ni \hin. Amaherawhchu, thil thar in rawn ti hi in fakawm khawp mai. Tin, U Got Talent-a Judge nula Rody ni lo zawk kha i ti\ha tawp, i comment \ha thei lutuk. Zoram hian hmasawnna thar a hmu a, a lawmawm khawp mai.
Lawngtlai pa
—————–

Congress chu kan hria, National party an ni. MNF pawh hi Semi BJP an ni.
VL Ruata
——————

Kan ram hi Pathian duh dana kal tura kan duh tak tak chuan mipuite pawh hian tih tur kan nei. Ram hruaitute hi kan thlan lal an nih avanga an laka thil phut/kan duh min tihsak tura kan phut tlat hi sim ang u. Mi \ha ber pawh thlang ila, hetianga tih kan chin chhung chuan Pathian duh danin ram a kal ngai lovang.
Malsawma pa
——————-

CM tura tuna lo buai chu a la hun lo hle mai. Vote te han chhiar phawt sela.
Ruthii Pu
————