Fakselna 2nd October, 2017

0
710
views

He khawvelah hian Mizoram leilung leh Mizote hi inzawm tlat kan nih ve avangin Mizote hian \awngka mai ni lova kan roha kan humhalh hi a pawimawh takzet a ni. Hruaitu, intih lalna thlakhlelh tlat avanga MLA pahnih khat pawh chan ngam lote hi Mizo mipuite hian i mamawh lo ngam ang u.
Zopa
—————

Mizoram hmun tinah faina beihpui kan thlak mek a. Mahse, sawi leh sawi hnu, motor a\anga an thil eina kawr leh luak fun kawngpuia an paih fo chuan kan khaw dung chu tihfaiin awmzia a nei chuang lovang. Intivei fe fea motor-a chuang, mawl tak tak kan la tam si. Hei ai hian khualzin motor chungah hian khauh zawkin veng tin YMA hian \an la se a lawmawm ngawt ang. Zin vei vak an tam si. Hawihhai lo deuh deuh an tam bawk si a.
No. thup
—————–

ZONET Fakselna a manhla thei \hin hle, beng a tlaiin a bengvarthlak \hin e. Politics game vel mawlh hi a tingaihnawm ve a, chutih rual chuan Inrinni zana Fakselna hi inkhawm mite tan ngaihthlak loha a liam mai mai hi a pamhmai ka ti a, Thawh\anni zingah tal hian lo chang ila, chàn chhuah theih turin in rawn buatsaih theih chuan a va lawmawm dawn em. Programme hlu tak niin kei chuan ka hria.
VL Pachuau
—————-

|angrual pawl an tih, chanchinbua lo lang ka chhiar hian leh anmahni ka hmuh hian a engmah hmain ka bei a dawng nghal, a chhan chu an hruaitu kal khawm hmel ka hmuh hian hmanah leh tun thlenga sum leh pai khawp kham hmu lo, duh ve si, fing nia inngai, sihal thang awk chhuak hlir niin kan hmu tlat. Bakah tar chau leh engmah tih theih nei lo awm khawm hian eng ang khawvelah mah hian min hruai thlen hi kei chuan ka ring meuh lo. Ka la awm ve ngai lohna hnam thinlung pu “Pathian leh kan ram tan” titu, remna leh muanna Party-ah keini \hianhote chuan luh kan tum ta e. Bakah kum 2018 General Election-ah an chak kan rin avangin.
Lalthlirvela, Zo Mautuai hak group
——————–

Mizoram sorkarin MLPC Act a hmang lui tlat hi chu Zofate tan a pawi dawn chauh niin a lang. Sorkar zu zawrh hian nghawng a nei lian hle tih pawh hi hairual a ni lo. Chhung tin a kang kai tawh a, chhung tin an rum tak meuh tawh a nih hi. He thil \ha lo \helh dai tur hian kan Pathian kan auh tak meuh meuh a \ul ta. Hetiang zela khaw thim kan dai zel chuan tun a\anga rei loteah kan Zoram chan tur hi a huphurhawm ngawt ang.
Remsanga pa
—————-

Tun kum scholarship chu keini zirlaite tan chuan a lawmawm ngawt mai. Kan sawrkar hian zirlaite min hmangaihin kan \hatna tur zawngin thil min tihsak hi i hmuh hmaih lo ang u. Hetiang sawrkar zirlaite hmangaihtu hi Pathian malsawmna dawngtu ngei chu a ni e.
Michael-a, Dungtlang venghnuai
—————

Zing Daifim chanchinthar puangtu mipa hi a puang zawi lutuk a, awm hmun titi ang maiin a sawi melh melh a, hriat a har lutuk a, hmeichhia hian puang zawk sela a hriat a awl fe zawkin a fiah fe zawkin ka hria, in ti ve lo maw?
9436351249
—————

Zonet Zawlbuk Programme hi a sound a zawi tlangpui \hin emaw ni. A programme khaihlak kara fakna (advertisement) a lo tlak zeh hian a ring \hain a volume te tih hniam hial a ngaih laiin normal programme-ah hian a zawi leh sut fo mai hi enfiah dan a awm thei em Pu ZONET?
9436140993
————–

Pu ZONET ka thil han zawh che hi khawngaiha min chhan theih chuan ka lawm hle ang. MNF sorkar lai khan ration buhfai leh chini te kha kan hnianghnar hle si a, Congress sorkarah hian ration chini phei chu a awm ta reng reng lo mai a, engnge a chhan ni ta?
Zotea pu
———–

Kan ram leh hnam hi tute nge lo enkawl a, tikhaw lo zo vek? Nakkum mai hian MLA kan thlang leh dawn a, he inthlan lo awm turah hian Zohnahthlak unau hmangaihtu tak tak kan thlan chhuah a hun ta. TUIKUK, CHAKMA vote bank-a hman tum party chu i hnawl ngam ang u.
SANGA
————–

Sorkar a\anga duhsakna, veng chhung tana kan hmuh tur thil engemaw, hmasawnna thilah pawh party thlei bik nei ran chungin an party mi leh sa an duhsak zawng an thlang mai \hinte hi huapzo sorkar chu a ni lo phawt mai. Chuvangin hawh u, ram leh hnam, khawtlang tan pawha rohlu tling leh chhungkaw tin tana ham\hatna thleng pha tur ZPM \angrual pawl hma lak tum dan hian awmzia a nei dawnin a lang ta. Kan neutral zawng zawng leh kuthnathawktu zawng zawngte he aiawt bawma min man \hintute thlak thleng nan ramthar siam turin i lo pen chhuakin kan lo hmuak a che u. An kal dan a dik lo ta a nih chuan kan paih thla leh thei alawm. Chakai manna aiawt chhunga luh tir tuma chaw chah \ha tawk nena min man leh ngei tumtu aiawt chhunga min luhtir leh phet an tum leh tur hi kei leh nangni pawn inhlau tawhin ka ring ve ta. Tunah chuan \hanharh a hun takzet zet a ni. Lo inngaihtuah nawn leh teh u.
MS Aizawl
————–

North East-a party inzawmkhawm NEDA (Anti-Congress) a tel nih hi engatinge MNF, MPC, ZNP-te hian in hlauh em em? BJP huaihawta din a nih vang a ni maw? BJP chu ka ni hauh lova, mahse BJP kum 3 awrh an sorkar chhunga an hnathawh leh Congress kum 50 chhung vel an sorkar chhunga an hnathawhte kha han khaikhin ila, BJP hnathawh hi a ropui daih zawk a nih hi. Kristian hlauh ngah ram, KRISTA-a innghat ngam lo Kristian kan nih hi. BJP hi ka fakin ka awn a ni lo, an hnathawh avang mai a fak ka ni. Presbyterian Kohhran Hmeichhia lahin Pulpit tlangah BJP hlauh tur titen an la inzirtir ta deuh deuh a, mak thei mange. Kohhran hmeichhia hian Engkimtithei Pathian aiin BJP kan hlau ta zawk em mi?
DIKI PA
———–

MNF Party lah hi kan hun lai khan Congress aiin kan \ha zawk ti ni awm takin Congress sorkar an sawisel a, anni aia \hat zawkna an nei lo. Tuirial compensation, Referral Hospital, Ek in kal thei, mawza man tam, night vision, OPD Building bo, a la tam mai. Kan fel tawh dawn kan piangthar tawh ti se kan hrethiam mai ang. Thil pawi an ti tam lutuk.
Lalnuni
———-

Chawngtea MSU hruaitute Chakmaten kut an thlak hi tun hnuah thleng tawh lo se, hnam rilru chhe lutuk leh pawisak nei lova Mizote kut min thlak fo dawn a nih chuan dimna nei miah lovin a \ul ang zelin kan chhang let nghal zel dawn tih hi sawi nawn ngai lovin Chakmate pawhin in lo hriat kan duh. Tin, Mizo \awng kawi khat pawh thiam lote hi Bangladesh mi an ni tlangpui a, mi dik takte chuan an ei leh bar zawnna Mizote an nih avangin puitling chuan Mizo \awng keini lamah chuan an thiam vek. Lungrualna hi ram leh hnam tan himna kulhpui a ni a, kawhmawh leh kherek zawnga awm erawh kan remti ve dawn lo.
Tlabung Uitangrual
—————-

SEDP-ah hian MNF hi an chiang lo riau niin ka hria. Tih hnasak tur leh pawimawh hmasa tur pawh an sawi thei lo chu a nia le, raltiang ram kai a har dawn mang e. NLUP hi awmze nei lova sem a ni lo, eg. Huan siam duh tan a hmasain a vahna, halna, thlam sakna etc. Hetianga sem vek a ni. Trade hrang hrang pawh. Pute u, lo hre tawh teh u.
Malsawma pa, WRC 2 thlangtu
——————

Private Driver buhfai phur, cheng tlem te hlawh ho hi corruption sawi hian an tel ngai lo. Bag 40/50 pawh hralh se SK nen an ching fel zel an ti. Food Security hman hnu chuan buhfai phur duh an tlem tawh an ti.
VL Ruata
—————-

Pu ZONET khaw dang chu kan hre pha lo a. Engatinge RSBY BPL Family te damdawi in bill hi kum 3 danah vawi khat chiah a chhuah bik? Chutah pawh 200 vel bill-ah mi 40 chiah. Tlabung hi khaw bu kan ni ve tih hi Mizoram sorkar hian hre ve teh se.
KHAWTHLANG MIZO
—————–

Kum 2018-ah khian kan ram tana roreltu tur MLA kan thlang dawn a, chutah chuan tute nge tling tur kan hre lo. Tute pawh lo tling sela kan innghahna chu kan Bible neitu kan Lalpa Isua Krista chauh hi a ni. New Mizoram siam tur chuan Isua duh dan thlir chung zelin ro an rel tur a ni. Tin, kan hruaitute leh Mizorama Pastor zawng zawng leh officer, NGO leh Evangelist te an inkawm ho fo a \hain a \ul hlein kan hria. Kan ram chu Kristian ram a nih avang hian Pathian duh dana ro an rel theih nan an \awng\ai ho fo \hin tur a ni. Tichuan, kan ramah hian sual chu a ngampa tawh lovang. Tichuan New Mizoram chu a lo lang tawh ang.
Tlabung aw
—————

Uisa \hat lohzia leh hriselna atan a \hat lohzia ka chhiar a, mahse thinlian, mitliam leh Kalna avanga vung te tan chuan a \hat em em zia practical-in kan hmuin kan hria a ni.
SKA
—————–

Kan ram hruaitu lu berin Chakma-te hi India khua leh tui dik tak an ni a tih hi kum 1972 UT kan nih ruala CADC lo pian theihna tura remtitu pathumte zinga a tel ve vang kha a ni ngei ang. India indan hma khan India leh Mizote zingah Chakma an tel ngai lo. Zova, Klb
9612691391
—————-

Kan ram kawng hi a va chhe em. A diak bawk si, kan sawrkar chak tak hian hma lak nachang an hre lo emaw ni le?
8974423372
—————

Ei rawngbawlna gas kan tlachham leh ta e, lo sem leh thuai thuai ula kan va ti ve.
8794746089
—————–