Fakselna 30th May, 2018

0
1073
views

Kan Governor thar hi BJP Hindu mah ni se lo lawm ila, a chungah thil \ha ti ila, \hatnain kan hneh chuan a pianthar hi ka ring tlat bawk a ni. Saula te pawh min hriat chhuah tir rum rum mai.
9612238063
————

Tun \um inthlan chu Mizo mipuite hian duhthlanna dik siam turin rilru seng \heuh teh ang u. Party politics lo la ^tchilh tlat hi a hun tawh lo. Inthlan dawna hmangaihna ngah ta thut sorkar kan hrawn reiin kan hrawn hnem ta em mai. Harh a hun ta takzet. A bikin thingtlang kuthnathawka eizawngte i harh ang u. Sum tlemtea lei theih kan ni hlauh palh a nge.
Lawma Pa
————

Thawh\anni khan Mualpui to New Market line bus-ah New Market a\angin ka chuang a, a conductor chuan pawisa a rawn khawn a, nidang aia Rs. 5/- a sangin a rawn khawn a, bus fare kan san tawh a ti a. Inrinni (26.5.2018) khan ka chuang ngei a. NEW MARKET a\anga Mualpui chu Rs. 25/- an la la ngei a. ITI thleng tur chu Rs. 25/- a laksak a, Mualpui Rs. 30/-. Nimin ni 29.5.18 khan ka chuang leh a, Rs. 25/- tho an la la si a, kha conductor kha a hlawk khawp ang. Mi tam ni, school naupang inkhel tur emaw ni an tam ni a ni bawk si a. A chin tam loh chi viau ang.
9436791540
————

Kumin inthlan party hrang hrang an tam dawn si a, Pu Hawla chance ava \ha leh mai awm ve, eptu party lian ber MNF lah hian hneh an inring si lo.
VL Ruata
————-

Saipui kallai bawk hi a lal leh dawn, eng vangin? E le, a eptu lam hi inthurual thei hek lo. Keini kan inhlawmkhawm \ha si a, min ngam tur an awm lo.
Lalthawvenga
————

Zonet Zawlbuk channel hi in khawl chhia hi in siam thei lo a nih chuan a tharin thlak vat teh u. In customer-te hi min va ngai nep ve. In chanchinthar puangtute pawh hi saron pangpar buk deuh emaw tih mai turin an tai tuk ringawt mai. Midum kan tih te pawh an sen tai hlur mai a lawm. Hetianga a awmna hi a va rei ta em ve, han \ang deuh teh u.
7005873180
————-

Kan ram hruaitu ni tawh zingah Pu Hawla hian sawiseltu a ngah ber mai thei, a chhan chu a lal rei tawh vang a ni mai. Tin, eptu party-te pawh hian an huphurh a, dawt pawhin an bei duh zel. Hriata beih dan phei hi chu inbeihna tenawm ber a ni. Pu Rama pawh kha KK-a, Saiawia te pawn an sawisel kha, an selna lah thudik hlir a ni si.
Duata pu
————-

Ram hmasawn kan duh a, kan ei leh bar zawnna kawngah te tun dinhmun aia san chhoh zel kan duh vek bawk. Hetih mek lai hian ram tihmasawn tura kan ngaih, MLA-ah chiah hian kan mit a fu reng erawh hi chu sim a \ha hle. Ram hmasawnna dik taka kaltir tur hian MLA kher kher phut lovin, sorkara development Department hotute hian engtik hunah pawh mipui tam ber hmalakna tur sum hi an process thei reng. An duh leh duh loha thu a ni zawk. Political party a\ang chauha hmasawn kan tum mai hi sim a hun. Political party a\anga inbenbel tum hote hian ram hmasawnna an dal fo ta mai.
PH FANAI
————-

Mi \henkhat chuan Pu Hawla leh Pu Zorama ten min kaihhruai dan a\ang hian party hrang hrang hruaitute hi tumah an rinawm tawh loh an ti a, mahse thil an chhui chian loh vang leh chhui peih loh vang mai maiah ka ngai. Pu Hawla leh Pu Zorama kaihhruaina hnuaiah kan awm tawh a, anni avanga midang rin loh phah nana kan lo hman ve ngawt hi kan chhut peih loh vang a ni. ZPM hruaitute thleng thlenga rin loh ve ngawt hi ka ngaihdan a ni tawp lo mai. A hrim hrimin heng kan mi rin loh hote rau rauah ZPM hruaitute tel pawhin, ram leh mipui min la kaihhruai ve miah lo ZPM te hi ka la ring zawk tho tho. Chuvangin mi tupawhin he ka ngaihtuahna ang hian rawn ngaihtuah ve teh u. Huaisen takin.
Spock-ment, Aizawl
————-

MNF party-in party dang ang thil tih an thiam ve miah loh chu lei dawhchim leh zu factory din hi a ni.
Khawthlang Mizo
————

Hmangaihna chu hmuh theih loh lang thei si hi a ni.
8837331196
————-

Fakselnaa Marama Kolasib inti khan, “Congress ho kan sawisel luai luai \hin hi kan tluk loh vang a ni” i rawn ti a, i ti dik chiah. A \hen te phei hi chu kan tluk lo mai pawh ni lovin kan tih ve theih miah loh, zu zawrh leh zu factory siam te, Kohhran hruaitu sawichhiat te, chal hnawihsen te, sorkar hnathawk hlawh rei tak batsak te, NLUP party ham\hat nana sem te leh thil dang pawh sawi tur a la tam mai. Kan rama party sorkarna lo siam tawhte zingah Congress sorkarnaah hian hnatlang tamna ber a la ni. Eng party mahin kan la tluk lo, tluk lohna kan ngah lutuk hi kan inthlahrung zawk.
Tlabung Uitangrual
————

Kan ram hi siam \ha leh tur chuan nang leh kei kan pawimawh ber tih kan hriat hi a \ul khawp mai. Party kan ruihchilhna zawng zawng hi kan bansan a \ul tawh takzet zet. Sum tlemtea kan vote hralh tawh lo turin Zoram mipuite ka ngen ve ringawt mai che u a ni e.
Fela pa, KK
————-

A ruh lang rawtin sawi ta mai ila, kum 2013 August thlaa kan CM Lal Thanhawla (cheng 1 pawh eiru lo inti) in Kolkata Salt Lake-a ram a lei leh tuna ropui lutuk tak maia building a sak mek leh kan EX- CM Zoramthanga’n a sangawi zawnpui te nena Bawngkawn peng\huam an hralh ruk, Congress sorkarin a hralhtu MNF te chawitir lova, Nuai 150 lai mai MIPUI SUM a\anga a leitu hnena a RULH SAK leh ta daih mai hi a va mak kher ve! Hei hi Zoram mipuite zah lohna lian tak niin a lang. Zoram mipuite hian eng angin nge kan ngaih le? He mite pahnih hi Zoram mipuite sum/budget dik lo taka hmanga, suasam a, eiral a, insiam milian an ni mai lo maw? Hawh u, i ngaihtuah chiang teh ang u.
Mizo Tlangval
————

Duhthusama tlawr tak taka thil sawi te leh eng engemaw tiam thlakzen ching tak te hi politician tak tak emaw kan la ti tlat hi Mizo mipui kan mawlna lai tak a va ni em! Sawi sawi lova lam maina turah a nihphung bo thawthang khawpin eng therhlo-hlo emaw an han sawimawi a. Thil ho lam te te hawng leh function sawmbal tak tak neihnaah an inzui tak dul dul a. Khuallian leh khualzahawm tih te phei hi chuan luak a ti chhuak zo tawh chu a nih hi. Hawh u, kan khawhawi te ti zau deuhin, ram dangten engtin nge thil an kalpui tih bengvar chungin inthlan lo awm tur hi i hmachhawn ang u.
8414883986
————

Heng a hnuaia mite hian rilru thinlung thlakin Zoramin rahbi thar a chuankai theih nan ZPM-ah rilru thar lo nei mawlh se ka duhsak hle a ni. 1. Lalthawvenga, 2. David M Zadeng, 3. Duata pu inti te hi.
9862322234
————-

Engtizia nge ni, YMA-in gas tihchingpen an man tih a awm reng mai le aw? Sorkar hian a tih tur ti mawlh teh se. Gas venghim thei lo sorkar hi a fuh lo. Hman lawk khan Minister-in mipuiten a buk tling lo lak an hreh lo te a ti mai bawk a. A buk tling lak tur a awm tlat loh chuan nghei ai buk tling lo pawh an lak mai loh ten. Kan sorkar chhungin mipuiten gas hnianghnar leh a buk tling ngeiin an la tur a ni tih chu an va hlat ve le. Kan sorkar hi harh chhuak mawlh teh se. NGO-a innghat tawk lek nih hi a tlawm thlak lutuk. Ram ralmuang nisi kan police zozai te hi hman dan a awm lo’m ni? Dan lova an pute hnena chhawr an tam thu te chanchinbuah kan hmu \hin. Thil \ula police hmang \angkai thiam sorkar kan mamawh e.
RK Sanga
————-

Mizote hi hnam huaisen, pi leh pu a\ang tawhin khawvel sorkar ropui ber kumpinu meuh lo do ngam, KHUANGCHERA, ROPUILIANI leh BENGKHUAIA te, INDIA sorkar pawh lo do ngam Pu LALDENGA te an va ngaihawm ta em. Assam vai ho lakah te hian kan tlawm hlen dawn nge, mal leh mal one by one-ah tingat \hin Mizo kha khawnge? Kum 2018 MLA inthlanah chuan BJP tel lo, Hindu \anrualpui duh lo, Mizo zawng zawng \anrual a hun ta e. Tichuan, police silai kengte hian min chhan ngam tawh ang.
Coconut sawhkeh leh chal hnawihsen ho duhlotute, UISATHIAM RUAL TD
————

Lal Isua’n midang a sawisel khan a tluk loh vangin a sawisel lova. An insiam\hat a duh vangin a sawisel a nih kha. Chuvangin thil \ha i duh a nih chuan thil dik lo titute hi na taka sawisel hreh hauh loh tur a ni zawk e.
Carolini pu
————-

Kan NGO pawl hrang hrangte chuan TUIKUK pemta te Mizorama lo let duh lo ten he kan Zoramah hian vote thlak ve tawh lo se tiin election hotute hnena an thlen hi a va \ha lulai em. A hlawhtlin theih nan hawh u kohhran leh tlawmngai pawl leh political party zawng zawng leh chhungtin te bang lovin \ap chungin |AWNG|AI BEIHPUI i thlak ang u. A pawimawh lulai em mai. Engtikah mah sawt hlei lo tur, tute emaw lang lo lama dona hmanruaa hmang a, ZU dorem nana \awng\ai leh chiam ngawt ai chuan a sawt fe zawk mai thei a sin. Zu te chu keimahni mimal \heuh hian in duh miah lo ila, a awm awmin lo awm ve mai mai se tu pawi a sawi lem nang. Bairabi Zophai, Chakma, Tuikuk buaipui tur kan ngah lutuk. Kohhranho tehreng pawh hi ZU tihreng mai. Heng rawngbawltu ho hian anmahni chhungkua \heuhah te hian thununna leh rawngbawlna te hi urhsun ve ang hmiang. Midang entawn tlak leh nun zir thamin an TU LEH FATE hi vil peih se, mi nuna va buai lovin.
Tlangvala
————-

Nu pakhat hian sangha zawrhna dawrah sangha lei a tum a, chu nu chu a’n duhtui mai mai khawp a, a kep te, a ka te chu a keu a keu a, a hnim kual vel a. Hei chu a nam the the tiin a sawisel zel mai a. A zuartupa ning lutuk chuan ka pi nang pawh keu keu che i la, hnim hnim che i la, i nam ve the the tho ang a ti e an ti.
Chutiang ang chu mi tam tak chu an ni mek a ni. Mahni pawh engmah ni chuang hlei lo hian midang sawiselna tur, an uihna lai hi an hmu thei riau a. Hetianga mi sawisel bawih bawih ching ho hi belhchian dawl lo hlei hlei an ni duh phian.
TV-ah te, newspaper-ah te, social media-ah te midang leh sorkar sawisel chiam ching an tam hle mai. Heng ho hi mi famkim emaw an nih tih mai tur an nih laiin han keu chiana uih ru riau an lo ni duh viau nia.
Mahni pawhin kan nihna ni lo leh ka tlin loh tur ang hi midang nih tir kher tum lo i la, mitin hian \hatna lai tam tak kan nei veka, tlin lohna nei kan ni vek bawk tih i hria ang u.

David M Zadeng
————

Kan pi leh pute hun lai kan lo hriat dan leh tun hun hi a va danglam ta em! Tlawmngaihna lamah lah nang nang inti tawh lovin kei kei kan inti ta zel mai bawk. Kan political party lah mi \hatna aiin mi chhiatna lam hlir mai an sawi bawk nen, ram hmangaih tak tak tu chu an nih ka ring lo a ni. Mahni pumpui bak an hmangaih tak tak lo.
Marama, Kolasib
————

Zoram kal siam leh Pu RK-an mi a kawmna te hi youtube lama en theih turin in ti thei lo em ni aw? A \ha hlawm bawk si.
7005040768
————