Fakselna (31st August, 2017)

0
483
views

Setana chuan nakin ngaihtuaha rilru buai reng renga awma, tun hi nuamsaa hmang thei lo turin a duh che a. I nun kha PATHIAN duh zawngin hlim tak leh thlamuang takin tunah khan hmang rawh, i nun kha PATHIAN thilpek a ni si a.
Angaihtei, Lungsum
—————

Fakselnaa Tlangvala inti khan Congress leh MNF-te i sawi chhiat vak hnuah mi dik lote bawk hian a ni, mi dangte sawi chhe vak vak \hin chu te kha i rawn ti leh lawi si a. Ni e, i thil rawn tih danah hian Chakma te ti ngam tak tak mang si lova, Mizote lo inkhak kual vel vak vak mai hi an duhthusam tihlawhtlingtu i nih hmel zawk tlat. Inpumkhatna leh \anrualna a\ang lo chuan tuma hlauh leh zah kan kai dawn lo tih hi a ni thil pawimawh ber zawk chu.
Tlabung Uitangrual
—————-

Parliamentary Secretary ho chu kan chunga thuneituten ban tur an ti si a, kan bang ta e ti ta mai lo chuan full time-a party-a hun kan neih zawk nan te an han ti kual kawi vel a. An banna chhan dik tak kha a hriat tho sia. A ngaihthlak a hahthlak mah mah zawk alawm le. State danga bang ve ho khan engtin tak hlado chham ve ang maw le.
Khawthlang uitang
————

Parliamentary Secretary 7 bang ta-ten an ban chhan pakhata an sawi, nakkum inthlan hun a lo ni dawn a, chuta zalen taka \an kan lak theih nan tia sawi kha ka ei lo takzet. Hnathawh hmanga thlan leh tlaka \an lak aiin âwkaa mipui thlema in vote-tir tuma \an lak an tum a ni ber a, a zahthlak hle. Kum 10 rorel tawh pawha hma lakna chhuanawm chhuan tur nei lo nihte hi zah a hun ta. Lal nuam ti, lal thlahlel, mipui ham\hatna tura hma la \ha leh si lo, campaign leh chiam ngai hian ram in tikhawlo a ni lo’m ni? Lal rei lam a ni lo, hnathawh a ni zawk e.
RK Sanga
————

Parliamentary Secretary-te ban thu hi engti ziaa sawi mawi deuh leh puanzar chak tlat nge kan nih hlawm tak chu aw? Thil nihphung leh dan tur baka khawsa-in nuam an tawl a, he Zoram rethei leh bakberhah hian. Hmunpui lamin an remti tawh lo a ni mai a ni. Zak hle zawk tur asin an nih.
8414883986
————–

Ka’n sel ve teh ang. Tunlai hi Gas hi an va sem khát ta ve. A man a tlakhniam deuh vang em ni aw ka ti deuh. GAS lah chu Zing Daifim a\angin a lo thlen tam thu kan hre ve \hin a, a man hi a to hunah chauh em ni an sem dawn? Kan mamawh tawh viau a nia.
Sanga, Aizawl
—————–

MNF-in Congress sorkar thlaktu tur chu keimahni lo chu tumah party dang an awm lo an han tite hi chu eng angin nge an inhmuh ka ti a ni. Kum 2008 inthlana an tlak \um khan MLA 3 lek an nei a nih kha. An thawhpui, MDF-in 1 an nei bawk a, an vaiin pali 4 an nei \awk a nih kha. Kum 2013 MLA inthlanah party pathum 3 – MDF, MPC, MNF \ang tlang khan MLA 6 chauh an nei thei leh \awk a, a thawhpuite kha awm lo phei sela chuan MLA pakhat mah an nei dawn lo a ang hle mai. Tunah chuan sorkar ding lai rawn thlak tur chu party pathum 3 \angrualte hi a nih a rinawm hle mai. Zoram mipui mit pawh a fu ber chu a nih hi maw.
Hlutei leh Zualbawihi pu
————–

ZNP, MPC, ZEM \angho turte khan lungrualna hi ram leh hnam tan hlimna kulhpui ber a lo ni tih hla kha hre rengin lungrual takin kei kei ti lovin kal han siam teh u. Zoram mipuiten kan lo thlir che u tih hriain, kal han siam teh u. Kan ram hi a chhiat tawh em hi! inthlanIhma ngeiin CM turte, Minister insem dan turte rem fel sa thlap ula, a member ngah ngah ti ngawt lovin, a tur ang thlapin ruat sa ula, chuti lo chuan pawl 3 \angrual in tla hlauh ang e. Inzawm, \angrual kan hre fo tawh a, pawimawh deuh dinna biala Independent ding turte pawh an awm leh dah ang e.
Ramveitua
————–

Minister, Pu Rohluna’n Shillong-a lehkha zira awm hote thingtlang kilkhawra awm hoten an it thu a sawi kha keini thingtlang kilkhawra awm hote hian kan it lem lo lutuk asin. Chuan Shillong-a lehkha zira awm hi kan it ngai lo ang, keini thingtlang kilkhawra awmte hian.
THINGTLANG KILKHAWR PA
————–

Kum 2018 inthlanah chuan Congress sorkar thlak nan kan hriat chian tawh, MNF hi thlang ngawt lovin Pu Duha telna \angrual hian i thlak ang u. Change kan thlentir a ni bawk ang.
J. Rama
———–

Current neih loh leh Aizawla awm hi kan inhmeh tawhin ka hria.
Ruthii pu
—————

Nizan khan Tlangvala khan mi dik lo bawk hian a ni, midang dem vak vak \hin tiin a rawn FAKSEL a, mi dang a va dem nasa tehlul.
9862712207
——————

Kum 2018 inthlana thawhho tum party-te hian CM tur chiang sa puan chhuah theih an neih loh chuan mawng sawh mai ni lovin NGUM sawh dawpin an tla ang. CM post-ah an buai leh tho dawn tih mipuiin an ring ang a, an tla hneh hle ang. Kei chuan an zingah hian Pu Lalduhoma hi ka duh ber a, ka ring ber bawk.
Malsawma pa
9862383205
——————

|angrual tur pawl pathumte hian Pu Duha hi CM atan zuar nghal se an tifuh ang. CM tur chiang sa an insiam thei lo a nih chuan mipui rin an hlawh lo ang.
VL Ruata
—————

Chanchinbua District thar siam belh tawh loh \ha tih thu an rawn sawi \hin hi ka thlawp khawp mai. Kan ram zim te-ah hian District pariat lai kan nei tawh a, chung pawh chu sum harsatna avangin a nih tur ang pawhin kan kalpui thei lo a ni a, tuna awm sa hi an intiat pet pet a, \hen têt leh tur chuang a awm lo e. Nakkum inthlan campaign au hlaah pawh tu party mahin inzawrh nan hmang lo se a \ha ang.
Xeros
—————–

Horticulture Department-in thei/thlai a supply tir danah thil fel lo awm nia an sawi hi a rang lama chhui chian a \ha khawp mai. Kan officer ho zingah hian hausak pui fe fe an tamin a rinawm. Chutiangin an farmer-te hian an dawn tur ang zat thlai \iak leh \anpuina sumte hi an dawng em tihte hi enzui a va \ha em. Dragon fruit phun tur an sem hun pawh hi duh ai chuan a tlai mah mah tawh tlat, a \awih a tam em em bawk. Fisheries Department-ah pawh hian sangha note supply chungchangah leh sangha dil \anpuina dawn chungchangte hi enfiah a \ha khawpin ka hria. Mi \henkhat chuan \anpuina hi an sem apiangin an dawng reng mai a, anmahni hminga an dawn loh leh an nupuite hmingin an dawng a, thil fel lo chu a awm ngeiin a rinawm. Sangha chi an sem lah hi te tak te te tlem te tein an sem a, innghahna tham a tling lo. Hei aia tam hi sem thei tawh se a lawmawm hle ang.
Thenzawl pa
—————-

Hortoki Joint Action Committee-in Mizoram hmasawnna tur an tikhaihlak leh ta. Hmasawnna kan neih dawn chuan harsat hmasak lailawk a ngai \hin asin mawle.
LB-a Pa
———–

Fakselna hi a va \ha tak em. Chanchin thar leh chanchinbu en leh chhiar ve hman lo tan pawh tunlaia an buaipui ber enge? Tunlai thil thleng lian zualte a hriat ve theih a, \ha tak a ni. Zonet fakselna vul zel rawh se.
K. Hautea
————-