Fakselna 4th November 2017

0
1846
views

Live show hi kan ngaihluin kan lo chang deuh \hup \hin. Chutih rualin, hmasawnna tur kan la nei nual mai. Hruaina Eng channel-a Praise On intihsiakna pahnih, mal zai intihsiak leh a huhova zai intihsiaknate kha fakna a reiin, a ngaiah kan kual hnem \hin hle a, tin, chawlh a rei mah mah \hin a, \an hun aiin kan tlai hret \hin.

K. Hautea
————-

Fiamthu intihsiaknaah hian Chief Judge hi a thiam bera ngaih a nih avanga Chief Judge ni thei a ni a, a hnuhnung berah sawi zawk se a \ha ngawt ang.
Lenga
—————

Fakselna vul zel rawh se. Kan Mizoram CM leh Deptt. hrang hrangte u, \ang fan fan rawh u. Keini Mamit District huam chhunga NLUP thlangtute zawng zawng hi Mamit kawng chhia hian chirhdiakah hian min hnim phum bo ta em mi?
Dika
————–

Congress Minister leh MLA te awm dan leh nih dan hi chuan ka thiam ve khawp mai. A changa sawrkar hnathawk sawisela, a changa mi rethei dem a, a changa khualliana \an a ni mai. A bak engmah a awm lo, awl tak a ni.
Taitea AZ N
—————

ZONET Channel Daifim hian Crime Patrol an pek hi a ngai ringawt zan tin kan en ziah mai, enge a awmzia? An film pek hi en ngun ve deuh se, an ho riau mai.
No. thup
———–

Sorkar hotute hi mipuiin kan aiawha min thlamuan tur leh min puitu atan kan thlan an ni a, mahse kan sorkar erawh mipui min ti retheitu an ang zawh mah a, kan duh lohte an ti tlat a, kan duhte an ti duh lo \hin. Mahni inhai vur nan te duhsak zawngte chauha lal an ang hle mai. Mipui tan chaw \ha leh tui, eng leh kawng \ha etc. te min pe thei lo. Thil thar awmze nei lote an atchilh leh lawi si. Dictatorship a ang hle a ni.
No. thup
———–

Congress sorkar ka hmuh tleu em emna chu hun rei tak chhung NLUP sum, Central a\anga kan dawn, kan ram sum a\anga sem ni lo anga DAWT muhlum mipuite min hrilh duh kha a ni. Ram mipui tan pawh thil zahthlak a tling takzet a ni.
RK Sanga
————-

Chakma District Council \hiah chungchang hi Media hrang hranga uluk taka ziah leh sawi vak vak chi a ni dawn em ni? Chakma zingah hian mithiam tak tak leh fing pui pui an awm ve \euh si a, ral beih tur, chutiang khatiang chuan kan rawn bei dawn che u, AK 47 Rifle leh Geletine tlawn 80 nen bak kan rawn thawh chhuah pui lovang tih ang deuh a ni e. Hma lak dan turte chu an hriat miah loh tur khan rel hmasa phawt ta che u. Dan hi ka hre ber, ka fing ber ti ni awm taka au chhuahpui vak vak hi a fuh ber dawn em ni? Kan hrilh fing zo vek ang a, chàn loh khànah an chhuak luau mai tur asin!
SANGA
———–

Aadhaar Card leh BANK ACCOUNT thlun zawm duh lo leh Aadhaar Card la nei lote inhmuh khawm leh hun tur kha a hun tur a tam thei ang ber angin han puang teh u. Aadhaar Card la nei lo tam tak kan la awm si a, tel ve ngei kan duh a nia.
AZ
———–

Mizoram politician, Top Leader-te ka hmuh dan ka’n sel ve teh ang. Pu Hawla – mahni thu duh lutuk, insiam \ha duh si lo, Pu Zorama – \awng chak lutuk, mahni \awng um pha lo, a ruka MNF sa har, Pu Duhoma – inti strong lutuk, sorkar tur lama awm thiam lo, tunah pawh zuang fuh leh lo tur, Pu Hmangaiha – mihring nei tlem lutuk, a \hing ringawt atchilh. Huiha! ka bei an ti dawng lutuk hlawm. Anni ho ai chuan an second Leader-te hi an \ha fe zawk. Ka pa ro ti ni awm tak hian an sahuai thing vawn \hat mai hi kan ram hmasawnna daltu lian tak, kan ram \hanmawh bawk in ni tawh. Mi dangte kian ve ngam teh u.
Chhim pa, No. thup
—————

Chakmaten khawvel ram hrang hrang a\anga lo kal puithiam rual, Pansuri-a khawmpui an neih mek hi Media lam hian an hre lo nge? Chanchin tharah hetiang hi puanzar chi a ni ve lo zawk aw!! Chakmate lakah hian kan hriat ve chi hi a tam vak lo a nih hmel, Mizoten kan tih miah loh tur kan sermon duah ang hi an ni ve lo. Thil la awm ngai reng reng lo, thil lian tham tak, a ruk deuh anga thil tih awm \hin hian tui nu mai ni lo, tui bawlhhlawh leh kherek niawm tak kan rama awm \hin hi, a ngaih \hat awm lohin chin tam fo chi a ni lo tih Chakmate hian lo hre rawh se.
Tlabung Ui tang rual
———–

E khai! Tun a\angin Champhai District-ah VC in lo nei leh nghal ringawt a ni maw? |angrual pawlte u, vantlangah leh Zoram puma mite hriatah lo la puangzar lo ula \ha tur le aw! A chhan chu, party dang kalphung hlui hmang ho hian an rawn thik leh pek ang a, sawiselna tur leh phunchiarna tur zawngin khabe dawm meuha ngaihtuahin an rilru an sawr bing leh mai lo’ng maw? Thil thar han nei ve hlek ila, thikna avangte, itsikna avangte, an duham luatna avang leh duhtawk an neih loh avang hian lungawina reng reng nei lo keini chu kan sorkar tawh alawm tih reng reng awm lo an nih avangin thlarau rethei chawl hahdam rawh, chawl hah dam rawh tih tlak hial an ni. MNF lah chuan kan sorkar vaih chuan Congress ho chuan nuam an ti lo ngawt ang an ti nghal ringawt mai si a, mipui chuan hetiang phuba lak chingte chu lo sorkar ta pawh ni se kan va tuar leh nasa dawn em! Mipui mimal hian vote thlak thilah bat kan nei lo.
MSA
————-

Yamaha Fiamthu Fest chu a rui ho an tla ta vek e.
Rinrina Pa
————–

Mi rethei chhiah tlemte umin Information mic-ah kan au dum dum a, chutih laiin mi hausa chhiah pek tur vaibelchhe tel kan awl tih kan han hre leh si te hi a va han mak \hin em.
Tho Vox
———–

U Got Talent a hmuhnawm khawp mai. Mizote kawng hrang hranga kan theihna lo san tawhzia leh thiam thil kan lo ngah tawh zia pholanna \ha tak a ni. Theih chu ni se kum tin buatsaih theih ni se a duhawm hle mai. Endiktute, in ti\hain mit in tlung e. Pi Angel-i contestant-te tihphurdan i thiamin i comment a ngaihnawm a i fuh vel vek, i chhuanawm lutuk. Hei erawh entuten hria ila, icon/idol/comedian search te anga kawng khat chauha inelna a ni ve lova, a hming ang hian talent hrang hrang neite tana buatsaih a ni tih i hria ang u.
DIKI PA
————-

Kei chu ka ngaihdan chuan kan ramah hian BJP pawh sorkar se a hlauhawmna ka hre lo. Dan chu dan angin a kal reng dawn tho. BJP-in bawng talh an khap tih te mai mai zawng a nep em! Ram danpui, Article 28-naah, religious freedom (sakhaw zalenna) dan a awm alawm. Kristiante tan bawngsa tui lutuk tak mai BJP vanga nghei chhan tur a awm lo. Dan chu dan a ni a, PM emaw, tuman an pal zut thei lo. Chuvangin ram tan a \haa ka hriat chuan eng party pawh ka vote dawn, inthlan dawna Vote ka neih hman dawn chiah avangin.
Malsawma, Selàm Vengthar
—————

Inti Kristian deuhin BJP, Congress hi kan ram tan an hlauhawm titu te u, kan ram tana hlauhawm ber chu hei hi a ni lo maw. Pathian thu awih ang taka lang, Kohhran beh chhan, NGO hrang hranga inhmang, hlawh phu lova khawsa ho hi kan ram tan chuan mi hlauhawm ber an ni. Kan ram hi Hindu leh Mosolman ho hian an la tichhe love, a ram neitu, inkhawm leh Kohhran ngai pawimawh si, duhamnaa khat ho zawk hi a ni lo maw kan hlauh tur leh huat tur zawk chu ni?
7005873180
—————

BJP hi Central lamah an lian si a, Mizoramah pawh hian an che thei fu ang. Bial zawng zawng an chuh dawn chuan MNF tan chuan a beidawnthlak dawn mang e.
Malsawma pa
————–