Fakselna 5th May, 2020

0
73
views

A dik tak chuan sorkar hian inkhawrkhip hi ti lo mahsela he hripui leng hlauh avang hian kan tawm \hap tur zawk a nia. Mipui hian a hlauh hian kan hlau zawk tur a nih laia chhuah kan lo tum phet hi hi kan ^t vangte, mawl vangte, mahni nuam tih zawnga hmalak kan tum vangte a va ni chiang em. Nitin ei leh bar ngaihtuah ngaite hi chu thudang a nia, chumi pawh ni lo va chhuah chak hrim hrim ho hi inngaihtuah chiang teh u. Damdawi ti ho phi cheng ho nen hian bawmkhata khung khawm chi an ni.

Johntea pu

Kan ram damna tur dik tak Federick Lalrindika’n Pathian thu-in a sawi ang ngeiin huai takin a rawn tlangaupui ta piap piap mai le. Pathian mite thinlungah ram leh hnam hmangaihna chu kaihharhin a awm chho mek zel e. Chutiang a nih mek lai chuan party ruihchilh leh mahni pumpui chiah hmangaiha politics khel \hin ho chuan an helh ta ngang ngang hle mai maw. Lalpa’n ram hlui zia a nuai bo zel dawn e.

87946 03279

Covid-19 hi ni 14 mai ni lovin ni 28 hnuah chauhte pawh a natna kai lang chhuak an awm avangin WHO guidelines thar ber angin quarantine ngai ho hi a tlem berah ni 21 quarantine ni tawh se a \ha lo maw? Hei hi kan sorkar hotute khan ngaihtuah teh se, kan zavaia himna tur a ni sia.
Thinlaihnema

70052 37836

Sorkar rorel hi a van mak teh nuai thei tak em! Kan lirthei tlan loh ni a nih vangin Taxi-in Vety Hospital-ah kan kal a, mi pahnih a hnungah an chuang phei ve a, in si lovin, a lai a awl a, Zarkawt Traffic Point-ah Traffic thinchhe chi kan nang fuh a, kan Driver chu a rawn hau hrep a, a hnunga \hu pakhat chu a chhuk tir taa, Aizawl DC thuchhuakah Two Wheeler Taxi chu an tlan la phal a ni ve si lo va, mahse, an tlan sup sup a, Zarkawt, Dawrpui leh Treasury Stand-ah pawh an ding \euh a, an man lo va, an hau bawk lo va, dan bawhchhia an ni sia, eng nge thil awmzia? Inkharkhip vawi thumna atan May ni 4 a\anga ni 17 chhung dan hman tur thar siam zawh hlim hlawl a ni si a.
Mambawiha Pa

80141 98500

Covid-19 avangin thingtlang lam thlai thar chu sorkarin a khar chhawng a, chu chu Aizawl mipui hnenah hralh chhawn leh a ni a, hei hi Covid-19 a reh hnuah pawh chhunzawm a tan a van \ha em aw, a \hatna chhan tur te;

  1. Chanmari, Mission Veng, Tennis Court leh hmun dang danga thingtlang a\anga mahni thlai tharte Inrinni nilenga chawhmeh zuar \hin, traffic ti jam \hin ho hi an lo reh ang a a van \ha dawn em ! 2. Thingtlang lama thlai thar neitute, rim taka hnathawkte, an thlai thar zawrhna tur seat hauha Zirtawp zan a\anga kawng dunga ruahpui a sur pawha awm \ang \angte, ni a lo tlangsan hnua chauh lutuk avanga muthlu lawp lawp khawngaihthlak tak takte hian an thlai thar chu hralh theih loh an nei tawh lo ang a, anmahni’n zawrh leh \hutpui a ngai tawh lo ang a, an thawhrim rah chu awlsam takin an dawng tawh mai dawn a, a van \ha dawn em aw. Thlai thar sorkarin a lo lakna hmunah khan an pe mai ang a, a fel dawn bawk sia, thingtlang lam an hlawk sawt bawk ang a, tun aia tam hi thlai an thar phah bawk ang a, tun ai hian kan intodelh leh zual bawk ang. 3. Hetiang hi a lo nih chuan an thlai thar kha Bazar shed lamah zawrh a lo ni bawk ang a, kawngpui sira kawngpui tichep taka \hut kha a awm tawh lo bawk ang a, a va \ha dawn em aw! A tawp ber atan chuan inkharkhip avanga kan thlaitharte a to ve viau mai hi chu ka va hrethiam phak ve lo em! Hmanni chu Iskut lei ka tum a, kg 1 Rs.110/- an lo ti daih mai a, ka hre sual a nih ka ringa, ka’n zawt nawn leh a, mahse a dik si. Kha Iskut kha kan ram tharchhuah ngei kg khat Rs. 40, 30, 20 te ni \hin kha a ni sia, a mak em em chu ka ti ve deuh a, Behlawi tel khat Rs. 30/20 ni \hin pawh kha Rs. 50/- a lo ni daih mai a, Kristian rama thil thlengah chuan a mak thar lam zinga mi a ni ve awm mange a te ka ti ta mai mai a.
    MESAKA PA

81198 70233

Pu Zonet, Covid-19 avangin inkharkhip May ni 17 thleng chhunzawm leh tur a ni a, dan mumal taka duan niin, tlemin thlahdul a ni a, mipui pawh kan chhuak thei deuh nual tawh a, hetihrual hian Bazara eizawngte hi mi sang tel teh meuh mai an ni a, thuneitu tan ngaihtuah chi a va ni em. Thla tin dawr luah man chawi an ni a, nitina Bazar kal paw’n tunlaiah sum a harsa a, inhralhte a har em em a, an inhnangfa zo manglo achha a ni a, hei thla khat chuang a ni tawh a, tun thla ni 17 lai pawhsei leh a ni a, Mizoramah he hri hlauhawm tak hi a awm lo niin a lang a, Bazara eizawngte hi chu ngaihtuah a va \ha ve. Aizawl khawpui chhung, New market pui ber hi veng khat phal loh avang em ni Bazarpui hi hawn a nih loh? Veng hrang hrangah curfew a ni tih hriat loh khawpin mi an tam em em a, eng chen nge hrekbeh kan nih dawn? Thuneituten ngaihtuah rang se a va \ha ve aw.
Pakima, ITI

70054 47128

Tun \um chu ka’n sel ve teh ang. Zonet chanchin thar puan laia fakna mawlh hi mi kan in ang lo ang bawkin ngaihdan leh duhdan pawh a hrang ta ve ang. Kei chuan Zonet thu ber se ka tih rualin he kan rama Zonet pawttute, a bikin a pawttu hmasa leh senior te pawh hian an ning ve tho ang em? Fakna hrim hrim pawh hi al o tam si nen, fakna duh lo hi an tam zawk ang em? Zonet hian chanchin thar puan laia fakna duh leh duh lo hi vote la ,ai teh u. Sumdawnna hlawk tak a nih ka rin rualin Mizoram pum meuha Zonet pawttute an zahawm intih a rinawm bawk si, inrilru a buai ve khawp hian ka ring mange.
Nghaka, Serchhip

98621 30116

Pu Zonet, tunlai khawvel puma hri leng mek hian kan nunphung a khawih buai hle mai a, Vawksa Kg 1 Rs. 400/-in kan lei taa, Arsa Kg 1 Rs.300/- a ni ta bawk a, Bawngsa chu beisei tur a awm lo va, mahse phai a\anga kan ch^wkluh Buhfai, Dal, Tel, Purunsen leh nitin kan mamawhte hi rate pangngaiin kan la lei thei a, inkharkhip avang hian a man hi a san belh lem lo, Kan ram thlai thar erawh a man a sang ta hle mai a, Anhnah lei nan pawh sum sen a ngaihnem ta hle mai. Aizawl khawpuiah hian mi tam tak chuan Local Task Force a\anga an semte hi kan hmu ve phak si lo va, chhungkaw pa tan chuan rilru a hah duh khawp mai. Veng tlabirh deuh leh kilkhawr deuh tan chuan chan ve a har khawp mai. Kan ram thlai thar talte hi chu kan sorkar chak tak hian a man (rate) hi mumal bithliah taka siam hi a \ha lo maw? Phuihnam tel khat hi Rs.100/- ten kan lei fo tawh a nia, engtia han hmalak chi nge ni ang Pu Zonet?
Dingi pa, Aizawl

98621 32647

Home Crusade live a awm lo \an ta hi a khawharthlak ta hle mai. Zan dangah kha chuan zanriah kan han eikham kha hmabak phurawm tak neiin kan han \hu khawmuang \hin kha a nia, a reh huaiin a hriat ta. Eng programme emaw, Zonun zemawi lam emaw, aia upa zahte, nu leh pa zah dan te thupuia hmangin thil \angkai tak tak han ngaihtuah chhuak leh hram ula a va lawmawm dawn em tihte ka ngaihtuah ve rauh rauh mai.
Dawli

97741 73062

Kan tunlai titi ber chungchang bawk ka’n sawi teh ang. Inkharkhip ni 14 chhung atan kan pawhsei hi kei chuan ka duh khawp lo deuh a, thla khat chhung tal hi ni leh zawk se a duhawm hle mai. A chhan chu tuna state danga la awm ho kha a rawn haw duh awm sia, chung ho rawn haw na velah an rawn inbawr leh huk huk ang a, kan rin loh lamah kan lo ch^wlut palh thei a nia. Spanish flu a len lai pawh khan mipui inkharkhip ning tawh lutuk khan sorkar thu pawh zawm zo lova an han inthlahdul meuh chu hun rei lote chhungin an pul phuk phuk mai a nih kha. Mi maktaduai tam takin an nunna an ch^n phah a, chutiang chu a ni leh lovang tih a sawi theih loh. Chuvangin kan inven danah a lutuk a awm lo a nia.
Chhaktiang Keite

76279 14601

Inkharkhip nghawng Zonet-a sawihonaa Pu Muantea thusawi, “Sorkar hnathawk hian an hlawh hi a kimin a hun dik takah la phawt se, chumi luang chhuak chu mipuiin a zar kan lo zo a, chu chuan harsatna tam tak a chhawk a ni,” ti zawnga a sawi kha chuh a chhut sual palh em aw! State \henkhatah chuan MLA hlawh zaa 50, Group A officer hlawh zaa 35 tein an cut niin ka hria. Chu chu nitin eichawp dapte puihna atan thla vengah sorkarin a dah a ni si a. He hripui vanga harsatna hi sorkar hnathawkte chuan tuar ve lo turin, sum awm ang ang hi sorkar hnathawk hlawhah dah phawt ni se tih ang thu sorkar hna thawkin a rawn rawt mai kha sorkar hna thawk ve lo tan chuan ngaihthlak thiam a va har em aw!

Tuaisiala

Sorkara thlabi hlawh nei ve lem lo, a bikin kut hnathawk leh nitin eichawp zawngte pawhin hna an thawh miau loh avangin hun rei tak chu pawisa lakluh mumal nei lovin an awm mek chu a ni a. Hetihlaia Private school ten an thawh loh thla fee, nu leh pate chawi tir an tum ta mai hi mahni hmasialna lian tak niin ka hria. Kan hun tawnin a zir lo a, kan tuar tlang vek a, school fee hi zaa 50 talte chu han ti se hriatthiamna chen pawh ka nei e. Enga mah hmaa an thawh loh thla pum hmawm an tum ta mai hi chu ennawn leh a \ha viau lo maw? Dik tak chuan nu leh pate zingah tui bill leh electric bill a hlawm a lo kal tur pawh huphurh ngawih ngawih hi tam tak an awm ve a sin. Philipi 2:4-a ‘Mahni ta mai pawh ni lovin midang ta pawh en tur’ a tih te kha hre thar ila, home crusade-a hnehna puang dum dum lo hian kan nundan hian hnehna puang tawh ila, kan crusade rah chhuah te pawh a nih ka van ring em.
Ruatruata Pa

98623 65847

Hotute rorel dan mak ka tih deuh chu inkharkhip kalpui dan tharah Bus, Taxi leh Maxicab te an phurh theih zah ve chauh phurh phalsak a nih laiin lirthei dangah an inphur khat \ûn tho sia, Two wheeler ni se an inphur vâwk vâwk hlawm bawk sia! Kan chuanna motor a zirin Covid-19 hi a inhlauhawm hleih em ni dawn ni kan hotute rilruah hian?
RR-a pa

96122 96526

Pute u, vei kan awm loh na na na chuan zalen takin kan hnate hi a chhunzawm vek theih tawh mai lo’m ni? School leh Biak In te pawh hi hawng tawh ila, chutihrual erawh chuan a la hlauhawm dawn chauh a ni tih hriain kan hmelhriat loh lakahte fimkhur hle ila, sorkarin dan a siamte zawm \ha turten hmalak nasat ni se, dan siamtute pawhin an dan siam chu lekkawh \ha bawk se. Hand sanitiser te hi pai reng turin inti ila, mipui punkhawm tamna hmunah PHE Dept. hian a tam thei ang ber kut silna leh sahbawn dah se, keimahni ngei pawh hian kan chhuah dawn chuan tui leh sahbawn hi pai zel ila, midang nena kan indawrnaah kan inrinhlelh apiangin hmun remchang laiah kut sil mai zel ila, hetiang anga fimkhur taka kan khawsak theih chuan zalen takin tun dinhmunah hi chuan keimahni hna \heuh hi kan thawk thei tawh mai lo’m ni? Chuti lo chuan kan rethei lutuk dawn! Mi pek khawma ei reng nihte pawh hi a zahthlakin an duh reng bik lo a nia. Vei kan awm deuh tak tak hunah chuan khauh zawkte pawhin kan la kal pui leh mai ang a, chutihrual chuan ramria duty min venghimtu berte hi thuam \hain Chief Minister Relief Fund te hi tun ai hian duhsaka phalrai deuh ni bawk se.
Pa Mawitea

98623 44897

Tunlai chanchinbu-a article thu tam em em mai chu Covid-19 hi a ni. A boruak lai a ni bawk a, ziaktu hrang hrangten an rawn ziak a, mahse, a ninawm lamah a kal ta maiin ka hria. Vanglaini thu leh hla pawh hi a chang chuan mi ngai hlir, kartin ziah lo chhiar pawh hi kham chang a awm ve zeuh keimahah chuan. Tunlai chu WhatsApp lamah lah thuziak hrang hrang hi a tam khawp mai. Thuziah thiam pawh hi kan lo tam hi mawle ka ti ta. Thil hria lah kan tam, Pathian thu hria lah kan tam em em tawh mai si. Pathian thu tak sawi ai chuan kohhran han nek salh salh te, kohhran hotute tlin lohna leh chak lohna thiam tak maia han sermon te hi kan lawm ta riau a nih hi maw!! Kawng engkimah inenfiah erawh kan ngai a nih ber hi. Tumah tling zo reng an awm lo ve.
Lalngaihzuala

84149 60658

Virus te reuh te, hmuh tham loh lakah khawvel chu dawl zawrin kan zawr ta e. Ram hausa an tlawm a, ram pachhia phei chu ril\ama thih loh dan kan dap ruai mai. Ram \henkhat chuan an MP/MLA te hlawh a zatve te an cut sak a, sorkar hnathawk hlawhte pawh hmun thuma \hena hmun khat te an cut sak bawk a, chhuanchham mekte ven nan an dah a ni. Mizorama kan young economist chhuanvawr, Pu Muantean Zonet discussion-a a rawtna, “Chhuanchham an awm loh nan sorkar hnathawkte hlawh hi a kimin a hun dik takah pek vek ni se, thlabi hlawh nei ho zawngin hlawh an lak chuan, mi retheiten a zar kan lo zo hma ber a, a kai rual ber,” tih a sawi kha a dik a, a ril lutuk bawk. Keini ramah zawng, tun sorkar bikah phei chuan MLA te leh sorkar hnathawkte hlawh hi cut \hensak ni ve ta se, a tling khawm kha lo it pawl kan awm palh ang a, chhuanchham te fairelbelah khawh lut lovin, khur dangah a khawh lut palh ang tih a hlauhawm em em a ni. Vegetable chain trip hmasa bera zikhlum thleng hlim lo it ngawih ngawih, sorkar motor-a lo phur haw rute pawh hotu lawk tak tak zingah kan awm a ni lo’m ni? Hripui karah mi harsa zualte chhawmdawl turin sorkar aiin sorkar hnathawkte kan ring ngam zawk a, chuvangin sorkar hnathawkte hlawh mawlh hi ngaih pawimawh hmasak ber ni se, a kimin, hunbi dik takah la phawt mai rawh se.
Hrangchala

98625 63087

C. Zairemmawia hi Pathianin a hman leh thusawi thiam a ni tih hi hretu tam tak kan awm. TV home crusade-ah hman a nih loh chuan hemi atan hian Pathianin a hmang lovah i lo ngai thei ve mai thei lo’m ni? I duhdan aiin a ruattute thu hi ngaih pawimawh a ni zawk rih a, kei leh midangte pawh hian kan mi duh zawng apiang “rawn sawi tir ve ru” kan ti sup sup kher lo. Zairemmawia pawh hi kan duh ve lutuk tho.
Soloa pa

89748 08596

Dt. 15/04/2020 6:38pm-a Zonet Fakselna kaltlanga Didiki Pu intiin Lawngtlai Gas sem dan chungchangah thu belh chian dawl lo hmangin Task Force te leh Gas Distibutor Agency te inkungkaiha Gas Bur khat Rs. 1500/- a lei tur a awm reng tia i thu chhuah hi keini Task Force te chuan kan ngaithiam lo hle a, hming dik tak pawh hmang ngamlo leh hetianga dawt hmanga pawl inpuh hmingchhiatna hi thleng tawh lo se tih Task Force te chuan kan duh a ni. Covid-19 hri hlauhawm tak lak ata mahni sahimna tur pawh ngaihtuah thei lovin Gas Distributor Agency te pawhin harsatna tam tak karah mipui/vengtin ten rualkhai taka Gas kan chan \heuh theih nan theihtawp an chhuah a, tun thleng hian Gas sem dan pangngai angin veng indawtin Gas hi khawtlang hruaitute duhdan ngaichang chungin an sem reng a ni. Covid- 19 hri leng avanga harsatna tam tak karah Gas Distributor/Agency te thawhrimna leh mipui tana theihtawp an chhuah reng laia mipuite hmakhaw ngai lo leh mipuite rawk ang hiala Distributor te i puhna pawh hi thu belhchian tlakah kan ngai lo a ni tih i lo hre dawn nia.
TASK FORCE.

96126 30785