Fakselna (5th September, 2017)

0
1204
views

Education Deptt. a Mizoram sorkar muthlu reng hi kan tuar ta. RTE leh NCF 2005 khan kum 2009-ah chuan train chauh zirtirtu-ah lak tur tih an sawi tawh. Kan sorkar erawh chuan palzutin train lo an tha zawk tih thawm te kha an tiri a, zahthlak tak a ni. Hei tunah chuan kum 2019-ah chuan train lo chu zirtirtu a nih theih tawh loh tur thu, Central lamin an chhuah ta rup mai a, train lo mi thahnem tak an buai ta a nih hi. Pawl 11 leh 12 college-a admit theih tawh loh tur thu a hma kum engemaw chhung an sawi lawk pawh kha kan ngaihthaha hnawh sarum deuha kan buai chuk chuk tawh kha. Kan sorkar hi education-ah harh thar mawlh teh se.
RK Sanga
—————-

Nizan Fakselnaa Malsawma pa inti khan MNF-ten Chakma Candidate kan siam loh avanga Unit pawh nei lo tur khawpa hmelma ena min entir i tum hi chu kan Pathian thu nen pawh a inhmeh lovin, Unit an din loh nachhan tur i lo hriate a nih chuan min han hrilh mai dawn em ni? India khua leh tui nihna nei an nih chuan a pawng a puia nanga lo pawm theih loh ngawt chi a ni lo. Amaherawhchu, ram leh hnam tana mi hnawksakte hi chu MNF chuan thih thlengin kan do mai dawn a ni tih i lo hre dawn nia.
Tlabung Uitangrual
—————–

STAM ho questionnaire chu ka rin dan chiah a ni. Mipui rawn lovin sorkar hian a kal tlangpui lui mai mai a ni. Sikul tan hma hian chhungtin deuh thaw min tibuai a, zingkar boruak thaah kan faten lehkha zirna hun an nei thei meuh ta lo e.
Xeros
—————–

Ka ngaihdan ka’n sawi ve teh ang. Ruihhlo leh zuk leh hmuam dotute ka fak a che u. Ka ngaihtuah ve mai mai a, a lem chuang lo kan care a, lem chuang pawh kan man leh a, tobacco kan tia, mahse vai cigarette kan man si lo. Mizo vaihlo, sahdah kan man bawk si lo. Hei hi zawng milian agent a ni an ti. Chuvang chuan phuahchawp pawl dinin an man thin a, mi dawi velah buai lo teh ang u. An duh leh dan kengtute ruai mai rawh se. lnthlan kan la hmachawn leh dawn alawm.
Dikna duha
—————

Zoram thar Mizo mipuiten kan duh tak tak chuan party pathumte intelkhawm hi Mizo mipuiten kan vote hlu taka kan thlan tlin hunah Zoram thar kan nei chauhin ka ring. Chutiang a nih loh chuan Mizo mipuite hian Congress leh MNF-ah hi chuan Zoram thar kan hmu lo zawng a nih hi.
8974901219
—————-

Dt.4.9.2017 dar 8:30 vela HONTRADE International |hazual Lengzem kha ka lo en ve a, an thlang thiam ka tiin, an zaithiam hle. Mahse, a zai turte puangtu khan a puang zawi hrim hrim nge, sound lam problem? A puan lai khan volume tihrin a ngai ziaha, an zai khan volume tih zawih leh ngai ziah mai kha a buaithlak ka ti teh asin.
Lalchika
—————–

Kan ram hi chhe vek ang leh siamthat theih loh ang ema chhia kan ni lo. Kan hotute pawh hian an phak ang tawk chuan thil tha an ti ve tih hria ila, mipuite pawh hian thil tha an tih theih nan mipui tha nih ve i tum ang u.
Zoramchhana
—————-

Phuahchawp hi huai deuh deuhin an sawi a. Tun hma deuh khan hlamzuih hi hlamzui tih atanga lo kal a ni an ti a, mi tam takin an awih a. Tleirawl pawh hmeichhia chauh sawina a ni an ti bawk a, kan hotute pawhin tak takah ngaiin school naupang zirlai buah an lo dah hman hial. Kum 1990 chho vela High school-a zir ho chuan ‘Tleirawl leh rawlthar’ an tih ziah hi. Khuandim pawh hi ar khuan laiin dim tein an kal avangin khuandim an ti niin an sawi bawk a, a lo awih tawk an awm zel. ‘Awih’ tia ka ziah pawh hi thenkhat chuan ‘awi’ tih tur an ti. Mahse, lam rik dan chu ‘awih’ a ni tho mai. Nikum mai khan MAL-a kan hotu pakhatin ‘an la dam lai chuan tlaivarpui a ni a, an thih tawh hnu chuan, lumen a ni’ a ti a. YMA dan bu siam lai khan LUMEN tih hi sawi rik a awm lo nge ni, lumen ti lova ‘Ruang tlaivarpui’ tia kan dah tak mai kha. Kan lo hman than loh a nih avangin ‘lumenpui’ te kan ti thul.
8413931575
—————

Mizoram chhunga inkalpawhna kawng chu a chhe zo ta a ni ber mai maw! PWD leh a enkawltu Minister-te pahnih hian an enkawl thei ngang lo a nih chuan midang enkawl tir mai sela, a nih loh leh mipuite harsatna hi an mawhphurhna a nih hriain, an nihna hi chan ngam sela, an zahawm zawk ang. Tunah chuan mi chhe ber pawhin kan nuihzat ta mai a nih hi mawle.
CHUAUA Klb
—————–

MNF Party-in kum sawm chhung ro a rel chhung khan nge Congress Party kum sawm kal mek hian thil pawi ti tam zawk ang le?
Malsawma pa
—————-

Development tha chu kawng tha, eng tha, tui hnianghnar, buhfai hnianghnar hi a ni mai. Mipuiin kan chhawr rual tlanna ber chu a ni. Hei hi development chu a ni e.
9436147113
—————-

ZONET Fakselna ka fak e. Chhiartu thu/thil lamdan a dik ta thlap mai. AMC leh ‘C-lo te inep deuh chungchang, Vanglaini Editorial 4.09.2017 ami hi a ki a va’n inang lo ve?
Ronald VLC
—————-

Kan mamawh phur lirthei te, khualzin phur lirthei te chu luikawrah an tlan ta chur chur mai le, kan Minister leh MLA te, a bik takin kan CM phei hi chu helicopter hian zing fo tawh bik lo se, kawng dinhmun tem ve teh se. Heti chuan thu pawimawh inchah turin vai chhang kawt leh bawng kai an rintlak mai dawn tawh alawm. A nih loh chuan sawrkar lamah hian lawng dil ve mai tur zawk nge, gum boot kan dil mai dawn? Zah pawh zak hlawm teh se!
KAMTAMA, MSV
—————-

Zoram hian engemaw tak chu kan la hma chhawn dawn khawp mai. E hurna te, sualna te hi a va nasa ta em. He kan ram zim teah hian hmeichhia leh hmeichhia, mipa leh mipa huangtau taka inkawpte an va tam ta em ve aw. Retheihnate hi a va thuk ta em. Mi nuai sawmpakhat emaw lek kan ni si a. Hawh u, i ngaihtuah tlang teh ang u, kan ram, kan hnam kan hmangaih takzet a nih chuan! Nupa inthen, fate fahraha siam ta kan va tam tak em. |henkhat chu kan tap kan tap a nih tawh hi le.
9615174245
—————