Fakselna 6th November 2017

0
437
views

Sorkar hnathawk nghetten state sorkar pachhe tak hi 7th pay chungchanga an kar tlat chuan an aiawh tur 6th pay-a thawk duh Muster Roll an awm reng a nia.
LB-a Pa
———-

YAMAHA Fiamthu Fest-a inelte ruih leh ruih loh lo khukpui ruaitute khan thil dang, changkang deuh an rui ve zawk a ni lo maw le? A duh an rui ang a, duh ve lo chu an rui lo mai ang chu. In lo sawi ve tur a awm lo chiang chai chai em mai. Rui an awm avanga programme buai leh nalh lo thleng ta lah a awm a zeng ni si lo.
8414883986
————–

ZPM chuan hma a sawn chak deuh ta em ni le? Party lian inti pahnihte pawn an sawisel ta fo mai. Taka, Pu Zira chu a va khawngaihthlak em! Term li lai a lo tlin tawhna chhuahsan a ngaih tur thu a sawi ta mai. District hi tlin duh vanga tiam ngawt chi a ni lo reng a ni. Tin, population leh kan ram zau dan thlirin District thar siam hi a \ha ber lem lo.
VL Ruata
—————–

Pu Zira chuan term li ngawt a lo tlin tawhna chhuahsan a \ul thu a sawi lai hian a chhungril chu a \ap hial awm mang e ka lo ti ve mai mai a.
8730099759
—————–

Inrinni zan ka ti dawn nge, Pathian zing ka ti dawn dar 4:00 am thleng, MIZORAM TITI “Mizoram Chakma te dinhmun” tih ka ngaithla. ZONET hian ZORAM TITI Channel hi siam teh u. Mizoram Titi in neih tawh zawng zawng hi chhuak nawn tlut tlut mai sela a \ha. Topic pawimawh tak tak kha mi mut hun, zing dar 3 vela inchhhuah chuan tuman an en kher lovang, an en loh chuan a thlawn a ni mai.
9774012764
—————-

Mizo hi Duhlian \awng hmanga indawr tawn vek, khaw hming pawh Duhlian \awng hmang vek kan nih laiin chhim lamah chuan SIAHA te an la ti hi chu an luhlul ve hle mai.
Zohmangaiha
—————–

Eng eng emaw tih nikhuaa lawmthu sawi tura dingin lawmthu sawi kan ba emaw, lawmthu kan sawi ni sela tiin emaw an sawi fo mai. Lawmthu kan sawi e tih mai hi a tawk. Ba leh sawi ni sela hi chuan lawmthu an sawi chiah lo tihna. Ka thlarau chu ram MAWI Chu zawng ve la tia kan sak \hin, Ruotmawi’n chu ram MAWLH chu zawng ve la tia a sak leh Pialral ram nuam ka thlen ve hun chuan khawvel boral tur KA CHHUAHSAN HNU leh tia a sak hi a dik zawkin a lang. Pialral ram nuam thlen tawh hnua khawvel boral tur KA CHHUAHSAN ANG la tih leh chauh mai hi chu \awngkam dik a ni thei lo hrim hrim. Hlabu siamtu leh chhutute tih dik loh palh leh hriat sual palh hi kan ring reng duh fo a nia.
Puipuii pi
—————–

Mizorama Political Party kan kalpui dan hi hmasawnna leh dik taka ram hruaina lam kan hawi lo. Congress Party sorkarin Kohhran duh loh ber “zu” a zuar a. He Party sawisel ngam lo Kohhran Upa lah an tam. Mahni Party a nih chuan zu zawrh pawh sawi ri ngam lo kan tam. Party sahuaithingvawn hian min tikhawlo takzet a ni.
PH FANAI
——————

MPP ho hi han sorkar mai sela, an tum hi an ti thei lo chiang khawp ang. An ^ ka ti angreng.
SK-a
—————–

Kar hmasa Zirtawpni khan zirtirtu pakhatin a zir lai naupang dawta an puh avangin a lu leh a taksaah a vaw chiam mai a. Hei hi tih dan tur a ni em ni? Nge zirtirtu khan sawrkar dan a zah loh vang zawk? Pu CM, he thu hi i hriat chuan hma min han laksak teh.
8014253652
—————–

ZPM hi sorkar tur chuan a kawng a la thui deuh niin ka hria. A chhan chu \halai lamah boruak a la awm lo em mai. |halai lama boruak a siam loh chuan tlin a harsa \hin.
K. Rammawia
—————–

Kan hriat \heuh angin nakkum mai hi inthlan a ni a, party panga ten an chuh dawn zawng a nia le, mahni inring tawk \heuhin thu \ha pui pui an rawn zuar leh dawn a, sorkar lai Congress hian kum sawm ro an rel chu a ni ta mai a, eng policy nge an rawn hmachhawp leh dawn? Pathian thu chuan roreltu chu Pathian ruat an ni a ti a, eng party pawhin sorkarna lo chelh ta pawh ni se Pathian ruatah ngai thiam ila, Kohhran ho \awng\ai rah zelah ngai thiam ila, lawmte chu lawmpui ula, \apte chu \ahpui rawh u tih a ni si a.
RODY PA
—————-

Mizoram chhunga politician zawng zawngte, Department hrang hranga hnathawktute, NGO, VC member zawng zawngte leh Kohhran hrang hranga awmte kan Lal Isua tan leh kan ram tan hian theihtawp chhuah tur leh Missionary rilru pua hnathawk \heuh turin ka ngen a che u.
Tlabung aw
——————

Kan ram tlangram chhengchhe tak, Factory lian 1 pawh awm lohnaa party \henkhatten hmasawnna chak tak a kalpui duak duak tur anga an han insawi nghal zel mai hi chu thawhhona \ha tak hnuaiah pawh thil huphurhawm tak a ni a, pawl hrang hrang a\ang phei chuan an insawi ang ngawt hi zawng a ni dawn si lova, vuivaina zawngtuten an vuivai ngamna tur ber hringtu nu tlansana party thar belh zel mai te hi a fuh ber dawn em ni aw? Tin, Chakma chungchang pawh hi insawisiak ringawt lova chenchilh mai tur. Hrehawm tuar tur leh fate mimawla chhuak lo tura develop erawh a ngai.
Tlabung Uitang rual
—————-

Kan Zoram han changkan tawh zia mai hi aw!!! Korean ngona an ti em ni an han ei/hmang a, an han var pup a, thingtlang lam miten an lo duh ve a, hnathawk lovin kan awm thei si lo, an vun a lo var tak chuan hnathawh an lo hreh si, kan Zoram tan hian anchhia a va ni tehlul em. Thatchhiatna khura min hruai luttu aw Korean ngona, khawngaihin mual min liamsan mai rawh, kan \halaite duhawmna leh ngaihno beina zawng zawng ei zotu i lo ni e.
J. TOP MARA, SIAHA
—————–

Sorkarin sum a harsa ti chungin NLUP a sem reng bawk si.Cheng khat pawh ka eiru lo ti bawk si, Central lamin hausa ber ti bawk si, a va hahthlak tak em. Election-a tlakna hri a nih hmel!!
Lengawia
—————-

Ration buhfai hi Zoram mipuite hian \ha ti tumah hi kan awm ka ring lo. Congress ngei pawh hian \ha an ti lovang. A \ha khawp mai tia an sawi chuan dawt an sawi a ni mai.
SANGA
—————–