Fakselna 6th October, 2017

0
1146
views

Zoram People’s Movement chu an inhmuh len ve hmel mai. Officer/Kohhran rawngbawltu pension leh party hrang hranga hnawng tawh leh inti ram vei thar, mahni business, print & TV media hman \angkai tum an kat nuk mai. Anni rual hi thawk thiam lem lo tur, sawi huai tawk chauha dang hnawng an ni mai ang a. Anni ho hi em ni Thupuan hrilhfiahna tur chu? Nge BJP?
Hrahsela
———–

Heti em ema Pathian leh kan ram \an ti siin sorkar lai an dem vak vak mai hi chu an Pathian biak hi a dik lo deuh emaw ni le aw. Sorkar tlakah ka ngai lo a ni.
Marama, Kolasib
————–

Kan Traffic Police-te buai bikzia hi aw. State dang aiin portfolio an ngah. Khai mah aw. 1. Traffic rules bawhchhia an en reng a ngai. 2. Lirthei NOC fel lova state dang a\anga lak luh an zawn pah reng a ngai. 3. Lirthei document fel lo leh number plate fel lo an zawn ruk deuh reng a ngi bawk. 4. Taxi intlan chhawk, mahni tlan loh nia tlan an awm leh awm loh en reng a ngai. 5. Private lirthei registration number a\angin an chhuah loh ni a chhuak an awm em tih veh pah reng a ngai bawk. Huizz..hetiangte chuan an phar hman dawn reng reng hlei nem.
K. Hautea
————

Hman ni ZMP Programme-a ka kal chu ka insum zo lo a, ka hnuk a ulh tlat mai. Ram hmangaih intiten min phatsan zel si a. Tuna mite chuan min phatsan tawh em lo ang chu maw te ka ti deuh. Aw Zoram i riang rei lua e. Ram hmangaih lemchan thiam party pahnihten min ei chhe zo vek tawh alawm mawle. Aw Zoram harh rawh. |henawm khawveng um pha ve turin rinawm takin tlan ta che.
Ramveia
———–

Congress sorkarna hnuaia hmeithai leh pachhiate din chhuah vena tura ruahman, NLUP phase 2-a lakhuihthei trade thlangtu Aibawk khuate hian kum 9 chhungin Rs.20,000/- chiah an la dawng laih laih nia.
LB-a Pa
————-

Mizoram CM-in kan kawngpui chhiat chhanah khuarel chhiatna vang nia a sawi hian kawngsir hnim buk leih luih te pawh hi a huam tel em? Kawng area a ni ve tho si a, khuarel chhiatnaah chuan \anpuina te hmuh a ni \hin a, kan ram hian hmuh kan nei ve dawn em? Nge Zoram mipui bum a tumna zawk?
VAN-A KP
—————

Mizo hian pawl din kan uar khawp a, thil \ha nge a nih a, kan hnam naupan deuh vang aw te ka lo ti ve a. A hman hman hian Pawl/Association hi kan din thuai zel a, eng ruai chu kan ni chuang lem lova. Tunah pawh kan din leh der a. Hetiang a nih rau rau chuan Chakma duh lo pawl (CHDP) te hi din bawk ila. Kan rama mikhual Chakma-ten min tihbuai tak em hi.
Zovala, Aizawl
—————–

Takam/Tuikuk tih reng mai hi a va ninawm ve, min that a, min vua a, an hlawkpui a, keinin kan tuar a, kan hotuten min vau zui a, heiha huiha. Zoram hi kan ram a ni ti ngam hruaitu kan va mamawh ve. Zoram \ang fan fan.
9862614029
——————

ZPM hi ka nuih an tiza, mi beidawng intel khawm.
No. thup
———–

Fakselnaa Ramhmangaiha khan Special Force kha MPC te din angin a la rawn sawi fo mai kha hei hi lo hre rawh se. Special Force kha 1975-a rorelten MNF-te bei tura a din a ni a, PC party kha kum 1978-ah an lal ve chauh a nih kha. Tun hnaia kan ram kawng chhiat chhana kum 9 hma lama MNF te puh daih nen a inang hle mai!
CHUAUA, Kolasib
——————

Pu Hawla’n Chakma voter 5,000 paih ngam awm chhun Party kan ni a tih chungchangah MZP-in paih lo thei lova nawrtu, khatih laia a tak taka hma latu leh Pu Hawla’n Chakma a \an vang liau liaua Lunglei District Jail-ah \um hnih ngawt a khungte kan la dam ve \awk \awk e.
Khawlhring Vanlalvena
————-

|halai lehkhathiamte harhin tho teh ang u, kan dinhmun chhiatzia hi ngun takin ngaihtuah ila, Congress leh MNF sorkarah hian kan chanvo tur a awm ve mawlh lohzia hi beiseina thar nen |angrual Pawl lam i hawi ang u, kan hmakhua a eng deuh mahna.
C. Lala
————

Lirthei intlan chhawk hman \an a ni a, Traffic Police pawh an chet \hat viau laiin Congress party meet R.Deng\huama Hall-a hmannaah khan Congress party flag tara lirthei number tawpa 4 awm an tel nual a, Police lahin an man hek lo! Congress party flag tarte hi an zalen bik tur tihna em ni? Chawngte NGO-ten Chakma chungchangah Police-ah FIR an thehlut a, Aizawl khawpui zirlai Pawl hrang hrangte pawhin an thlawp a, hma an lakpui hnuah Chawngte NGO-ten an hnuk kir leh si hi a va makin a va zahthlak ve. An sawi fo hnung thak hiah saktu an nei em ni, FIR thehluhna tlaka ngaia, thehluta, sut leh si hi kei chuan mak ka ti e. Mimal thin so phut pawh ni lo, pawl hrang hrang an ni si a.
Puipuii pi
——————-

Keini Hnahthial hi ZONET kan va en thei khat ve le? Han \ang leh deuh teh u’n. TV en man a to tawh sia.
Zotea, Hnahthial
9612514629

(In bialtute hrilh a va \ha ve)
——————-

Mizoram sorkar hian Aadhar card hi thil zawng zawngah a hmang \angkai hle mai a. A nei lo leh nei inkar a zau tial tial si a. State dangah heti em em hian an hmanhmawh lo hle sia. A reng reng thuah Supreme Court khan a duhin tiha, a duh lovin tih loh tur kha a ti sia. Inthliarna awm chite chu a \ha dawn em ni?
Lianvela, Hmunkhawhar
———

ZPM ho chu an meeting-pui han en khan an mut a tui hlawm em mai a, ram hruai chu a hla deuh. Nupui fanau enkawl atan min an it zawk ngei ang, in lam lo uap lumtu atan.
RUATSANGA RENTHLEI
9615450553
——————–

|awipui North I-a PS sikulah chuan aikal lo pakhat chiah a awm a nih chu. Thuneituten min han buaipui teh u a, kan naupangte an khawngaihthlak khawp mai.
No. thup
——————

Kan ram chu pan lam neiin a kal ta muah muah mai. Kum 30 chhung min lo hruai tawhtu Congress leh MNF-ah hi chuan mipui kan damlo a ni tih hi a chiang hle mai. BULLDOZER tlang lawn theite leh ha kherna mau, zu zawrh tih vel mai maiah hi chuan kan lung a awi zo tawh lo chu a nih hi maw. Policy \ha tak tak pawh duang chhuak mah sela \hal tui kang nghah ang mai thal tur reng reng a awm lo chu a nih hi le. Heng party 2 te hi chu sakeibaknei tar an sawi ang mai, seh tur zawngin an phi ruai mai chu a nih hi. Nangni zawng in tar tawh em mai, lo chawl tawh rawh u.
Hlutei leh Zualbawihi pu
9856536040
——————-

Khawnge thu kam hnih khat ka’n sawi ve lawk teh ang. Fakselna hi vawi tam ka lo thlir ve tawh a, \henkhat chu a \hat viau rualin, \henkhat erawh chu Pathian ringtu Kristian tia inchhal ngam tana sawi awm loh a tam khawp mai. Tlemin kan \awng hi i duh tui teh ang u.
Omomi Bawitlung
———