Fakselna (6th September, 2017)

0
506
views

Tunlaiin kan khawpui-ah mi inti fing, fing ziktluak si lo, ngaihdan huai tak taka sawi \hin an tam zel a, heng mite ngaihdana sikul \an hma tih a ni hi chu a fuh tawk lo chiang hle. Synod rorel anga a ngai a kal hi a lo \ha ber fo a la nih hi.
9436365342
———

Sikul \an hma chungchanga MHIP aiawha thusawitu khan Aizawla chhungkaw tin, Two wheeler tal chu nei lo kan awm lo ang kha i rawn ti a. Keini Kawnpui khua-ah ngei pawh hian Kawnpui khaw chhehvel. Bualpui, Khamrang, Zanlawn, Se\hawn a\angte-in an lo kal khawm ve a, mi hausa te u, nangmahni anga khawsak nawm ve chakin kan fate sorkar sikulah pawh dah duh lovin private sikulah kan neih ang ang sengin kan indah ve a, sikul \an hma avanga chaw ei mumal loh leh sikul tlai avanga sikul kal lova naupangte khawlai vela tei mai mai hi an tam ve khawp mai. Chhun tiffin free leh monthly fee chawi lova sorkar sikula luhtirte pawh kan duh ve, mahse heng sorkar sikula zirtirtute ngei pawh hian an fate hi anmahni thawhna sikula luhtir lovin private sikulah te an luhtir avangin, nei lo chung chungin private sikulah kan dah ve a, sikul an tlai avanga sikul an chawlh hi a va tam tak em!
Broken Heart
————

Mizoramin harsatna kan tawh mek tam tak kian hun tur chu tuna sorkarna chelh mektute tlak hun hun hi a ni mai. An sorkar rei leh kan harsa rei dawn a ni mai!
Thlirtu
———–

Chakma kan buaipui luai luai ta mai. An rawn luhna ramri tak kan veng \ha leh tak tak si lo. Mi \henkhat sawi danin Bangladesh a\angte, Tripura a\angten an duh duhin an lo lut mai alawm. Ramri-ah BSF sipaiten an dang \ha duh tak tak si lova an ti. Hetiang zel a nih chuan tun a\anga kum rei lo te-ah Chakma-te hi an hnawksak tawh ngawt ang.
Zara Mizo
————-

Kawngpui kan enkawl dan hrim hrim hi a fuh lo. Kawng chhiat dan hi zau taka chhe thut a ni ngai lo. Khawi maw laiah te deuh vin a khuar a, hnawh vat a nih loh avangin a chhe zau ta tulh tulh a, a bal laklawk tawh chuan \an chhan tur awm hek lo, kawng pumpuiin a lo chhiat phah ta \hin a ni. A t>t laia hnawh zung zung te chu ni se heti em em hi chuan kan chhe lutuk lo tur. Tuna kawng kan enkawl dan hi chu neitu awm lova chhe lai thuam \ha zel tur awm lo ang chiah a ni a, kawng chhia hi a mak hauh lo, a nih dan tur dik tak a ni. A mawhphurtu tan chuan ban phah vang vangna tling a ni.
RK Sanga
————

Ni 100 inhlawhna hi Kawnpui VC III hian kan va la har em em tawh ve? Sem thuai thuai rawh se. An ba rei lutuk tawh em mai. Mi harsa t> t> kan ni hlawm a. Khaw dang chuan an lakna a rei tawh hle si a. Min va ngaihsak lo em em ve, an reh hmak mai. A nihin a ni tawh lo lutuk.
No. thup
————

Hmui chauhva Nationalism sawia nunpui si loh hi a tenawm a. Chutiang bawkin hmui chauhva Pathian nung tih fuk fuk reng pawh hi a zahpuiawm ve tho mai!!
9862539105
———–

Zana kawng sira motor riak hi engah nge an ngaimawh em em le? Chhuna traffic ti jamtu, kawng sira mtor ding hi alawm ngaihmawh tur le. Traffic jam ti-ziaawm tura a jam loh lai, zan lama kawngsir clear tum tlat mai hi a mak ang reng. Eng rorelna nge maw ni ngai le. A thuhrimah kan ram leilung leh kan khaw thl>ngin a zir lo tih hre renga garage nei vek tura innawr hi a chhuan mang rorel deuh em? In tin hi motor luh theihin kawng siamsak thei ila, in pawh hi insi \hup lo hian kar awl awm in sa vek ila, in tinin drive way nei vek thei ila chu hetianga innawr hi a kal hmang deuh awm e. Kan tun dinhmunah hian a theih loh tih hre sa reng si a motor nei zawng zawngin garage neih vek tur tih hi chu a taka kalpui tumtu, action latu chu signboard-a X AMC tih ziaktu leh a ziah tirtu ang chauha mi dem rawn leh zahthlak a ni mai ang tih a hlauhawm hlel love.
Jonathana pa, Vaivakawn
———-

Vawiin chu engemaw rokhawlhna avangin ka hmanrua Hunthar veng, Quality Feeds dawrah dah ka dil a, a neitunu ni awm takin a bo i hlauh loh chuan pawnah khan dah rawh tiin min han kawhhmuh mai chu le, ka dil dan a\ang kha chuan in chhunga dah ka beisei tih a hre mai chuan ka ring a, a chhung pawh a chep viau si lo a, in chhungah hian lo dah rawh min tih ka ring ve a nia, a teuh lo mai. Pawnah chuan ka dah ta lo a nih kha. Quality Feeds hian sawiselna a tawng ta zauh zauh mai a, a inenfiah chu a ngai a ni. Mahni inenfiah nachang hriat hi a \ha a sin. Mi retheite tan inti hausa ho hi hnawk tak an ni.
Lal Mimi-a
———-

Kan khaw Municipal Council chuan chhiah khawn theih tur an zawn luatah mi veng leh khuaten thil hlui an vawn \hatte, damdawi in kawta hriattirna intar nen lam khap an tum ta chu a nia. Vai ram chu ni se Mizote chu Mizo kan ni reng tur a ni a, thil \ul lo khawlai ti\awp theite chu thenfai tur a ni. A sumdawng zawng leh inn>k buai zawng ni lovin. Mayor meuh pawhin a hriatpui loh kha maw.
K. Hautea
————

Kawng chhiat avanga Maxi Cab service chawlhna a awm ta zauh zauh a, a hria te khan han list chhuak teh u. Sorkar beng a thleng pha lo a ni ang e?
9774354495
————

Zing dar 9-10 inkara Aizawl khawpui traffic jam nasa lutuk \hin hi a vei awm takzet ta. Ke-a kalte tan pawha kal tiharsa em emin kawngpui sirah lah motor a in-park khat khup bawk si. Ni tin maiin lirthei a pung tual tual a, kan kawngpui erawh a zauh belh ve theih tawh chuang si loh. Traffic system mumal zawk kan mamawh tawh takzet a ni. Heti ringawt hi chuan a ngaihna a awm ta lo a ni ber mai. Hetiang zel a nih chuan tun a\anga kum 5 vel emaw-ah phei chuan traffic jam hi engti fakau in nasa ang maw?
Chhurbura
———–

Kan lal lo hlawm veng vung lutuk hlawm si. Thu te lah hi kan han nei lo em em khawp a. Kan duhthusam te, \ha kan tih te, \ha lo kan tihte kan fak a, kan sawisel bawk a. Mahse, a engamah hian HE RAMAH HIAN AWMZIA reng reng hi a nei lem hlei lova. SAIPUI kal lai nge nge uichhe pawr chip chepin a bauh din mai mai rual reng a lo ni love. Kan thu ve theihna awm chhun, kan VOTE neih ve \ek \ekah te thleng hian a nia khawlh \hin. Keini mimawl deuh ho hi chu zei lutuk tak mai khan min han DAWI A hmasa a, kan duhna taka kan vote dawn mek laite pawh hian an mitmei veng ta reng rengin kan la inthlahrung ta dah a. Aw…!!! kan va han ^ tak em.
Bawiha pu
————