Fakselna (9th August, 2017)

0
414
views

Lalremruati Thenzawl Kanan Veng chu NLUP 3rd phase a lak tawh hnu in 4th phase ah a hming paih a ni a, hetiang hi thil awm thei a ni em? A nih chuan Congress Party atangin kan chhuak e.
9862385339
—————-

Ruihhlo do han tih hian ZU hi kan sawi bang lek lek ta riau mai a, Vaihlo leh a kaihhnawih chi hi kan sawi tam ta zawk mah mah mai a. A tha chu ka ti hauh lo a. Mahse, vaihlo zuk ai chuan ZU hian khawtlang chhungkua a tibuai zawk si a. Sorkarin a zawrh vanga do ngam lo nge kan nih a, zu hi a tha kan ti ta zawk mi le?
Dindini pu
—————-

Chakma ho chu kan buaipui ta hle mai maw?! Tu thiam lo nge ni ta ang le? April ni 29, 2010 (Ningani) a Chakma Autonomous District Council Day vawi- 39-na lawmna, Chawngte Kamalangar field-a neihah chuan, tuna kan CM Pu Hawla hian, “Congress party hian party dang tih loh a ti thin, District Council-te pawh a pe che u a, chuvangin insiamtu hre reng rawh u”tiin a sawi a, a siamtu hian a thil siamte hi a enkawl thiam lo ta deuh a ni lo maw? Mahni hnampuite buai map na tur khawpa hnamdang han siam len hi, a siamtu hian nuam a ti angem le? A thilsiamte a en hian tha a ti ve tho ang em le..? Chuvangin, Chakma ho chungchangah hi chuan tumah mawhpuh tur dang an awmin ka hre lo, kei mimawl hian.
Sylvia-i pa, Khatla South
—————-

Mizorama Politician-te leh NGO leh dinhmun pawimawh a awm zawng zawngte hian Mizoram leh a chhunga chengte kan hmangaih tak tak a nih chuan Bangladesh atanga Chakma lo lut zel tur dan nan Chakma chhungkuate hi hrechiang turin theih tawpin i bei ang u.
Tlabung aw
—————

August ni 9, 2017 Zing Daifim puangtu nula khan Bawngva khua a naupang kum 8 mi rulchuk chungchang a puanna a Pu Lalthakima kum 8 ti khan a puang a. A va pu naupang leih lawih ve le. Tin, thil pakhat kan Education Dept. changtu Parliamentary Secretary hian a hna hi a thawk tam vak hman lo ang a. Thil hawng reng reng hian a phi a phi ni berin a hriat a, tiang em emte chu an Dept. pawh hian a tuar lawm maw ni le? MNF sorkar lai pawh khan Minister pakhat, mi tute emaw inchhung chhuatphah tur Carpet thar a hawng rup tawh mai a. Intih hmuh fo chi a ni an ti em? kan ram hruaitu ni lovin hotute hian.
Boiha pu
—————–

2018-ah ram hruaitute kan thlang leh dawn a, ram leh hnama chiangte chauh Mizo mipuiten i thlang hram hram tawh ang u, thu chauh hla chauh a kan ram kan hmangaih hi a tawk zo tawh lo, chhan tlak kan la awm Mizoram hi i chhan ang u.
Ruattea
—————

Hman deuha Zodin Square vela Lucky Coupon zuara mipa hnar lian deuh tih ang kha tunlaiin an kal kual a, in, dawr, chhim lam Haulawng-ah te kalin mi an bum a, an thil ken T.Shirt te chu Rs.100/- man vel a nia, an hawnga i man chuan T.Shirt man hi min pe ve ang an ti a, an Tshirt chu Rs.350 rate in 8 man chu an bill ta thin a Rs.2800/- an dil a, inbumna dik tak a ni. Tuman hawn tir duh suh u. Eizawnna tenawm tak a ni.
Ramtani
————–

Pi C. Lalrinpuii, Zarkawtin Indigenous chungchanga thurawn tha tak Aizawl Post August ni 5, 2017-a a rawn tarlan hi sorkar hian Mizo hmakhua a ngai takzet a nih chuan House an thunun lai hian Act hi siam ngei rawh se.
Mizoa
—————-

Pu Rualkhuma Hmar in a sorkar ding lai thlakna turin mipuiin MNF lo chu tumah rin a nei lo ti a, a sawi kha a va hre lo tak em. Ram leh hnam pawi an khawih nasat ziate hi a hre ve lo a nih ka ring. An sorkar lai a kan sakhaw puithiam thih chungchanga vawiin thlenga chhuichhuah lova a la awmte leh Chakma chungchangte Martarte ruhro an thiante rual pawha an chawimawi ve tak lohte kha chak lo lama tan ve leh a hmangaih thar thutte kha Martar chhungkuate tan chauh pawh ni lo, ram mipuite tan pawh hian tawrhna leh chana rapthlak tak a ni a sin, heng atang ringawt pawh hian hnam pawi sawi a ni tih chu a chiang hle mai.
Zualbawihi pu
——————-

Nizan Fakselna a tlangvala inti khan Chakma chungchangah anmahni tak ti ngam silova, Congress leh MNF-te i rawn sawichhe chiam ringawt hi Chakmate thil tum tihlawhtlingtu, Mizote inkara inhuatna tiang lek chhuaktu i nih a hlauhawm hle mai, a thuhrimah Chakmate hruaina tur hian MNF te hian Air Bus a nei lo tlat. A pawimawh ber zawk chu, Zofate kan inlungrualna leh pumkhata kan awm na hi ram leh hnam tana thil tha ber a ni tih Mizo mipuite hian kan hriat a tha. Chakma-te zuam zawng turin i awm lo hram ang u, chu chu kan hnam damna tha ber a ni.
Tlabung Uitangrual
—————–

Mihring hi kan lo sual hle mai, mahni fa kan enkawl thei tawh loh min enkawl saktu pawh a mualpho thei ang berin kan chhuah duh hlawm mai a, dere pawh a tanpui hlawm mang si lovin, zah pawh hi kan zak lo hlawm ka ti. Kan enkawl theih loh min lo enkawl saktu te chu tanpui zawk tak a ruang a, han sawi chhiat vak mai chu, a sawichhetute khan Pathian an hre miah lo a ni kha. Mahni inen letin ngaihdam dil hial zawk turin kei chuan ka ngai.
No thup
—————-