Fakselna 9th November 2017

0
539
views

Vanglaini chanchinbuin Aizawl hmun hrang hrangah Legal Metrology Enforcement ten dawr engemawzatah bungraw zawrh dan an enfiah tih thu ka lo chhiar a, a lawmawm ka ti. District hrang hrangah pawh enfiah mek a nih thu ka lo hria a, a lawmawm lehzual. Nikum khan Lungleiah dawr lian changkang ve tak si-ah rawng bur lian ve tak lei ka tum a, MRP ziak anga lei ka dil a, an phal tlat lova, aia to daih an chhiar a, tih ngaihna ka hre si lova ka lei loh phah der mai. Zoram dawrkaite hian dan kalhmang lo hriat belh ngei se a lawmawm ngawt ang.
Isaka Pu
—————–

Supplier ho hnen a\anga buhfai chhe em em lo leisak duh Supply Department leh a changtu Minister-te hian Mizoram mipuite vawk ang lekin min hmu a ni maw? Supplier-te nen hnung thak an inhiahtawn \hin avangin buhfai \ha pawh kan dawng thei ta lo a nih hi. Kan pute ei ruk \hin avangin maw chaw chhia kan ei reng bik dawn le? Na tak a ni, na tak.

Ramveia
———–

Information Department hian 2018 Calendar a siam leh dawn a nih chuan Saza (Serow), Senhri (Red Vanda Orchid) etc. tiin tarlang tawh teh se. Mizo kan ni a, Mizo \awng zawk hi Bracket mai mai atan chuan a pamhmai lua e.
Lba Pa
——–

Tunlaia buhfai sehrep tam dan chu maw, bar khatah vawi thumte kan seh mawle. Kam han \huah ila ha karah sehrep nawi kan kher mawlh mawlh mai a ni. Kuhva han ei zui phei chuan kuhva ro ei ang maiin a ri rep rep mai mawle.
Lengkawia
——————

Kha maw, kan sawi lai mek pawhin Mizo dawrah chuan printed price thaichhiaa a aia tova hralh an awm \euh mai chu a ni a, kha mah mah motor parts dawr chauh a la ni lehnghal. Ni tin mamawh hrang hrangah pawh a tam khawp mai. Ka hriat chian ngeiah pawh shampoo Rs.3/- man Rs.5/- a lei ngai tlat te, free gift nei free gift tel lova a man ngaia lei te. Sawisel dawn ila \henawm khawveng, inhmelhriat pet pet kan lo ni a, a sawiseltu chu min haw letin, min rel zui hrep zawk zel a, mi fir nih kan hlawh a, thiam loh kan chang zui lel zawk. Hei hi alawm Mizo mipui dawrkai leh leitu ram leh hnamah kan chian a ngai kan tih chhan chu. Sum tlem te hian kan ram leh hnam hi hralh lo ngam teh ang u. Chim ral hi kan hlat lo a nia.
Puipuii pi
————-

Ram leh hnam humhalh tur hian Mizo National kan dah chungnun ber a ngai. Kan humhalh danin a zir loh chuan hnam bil, Foreigner leh eizawnna dik loten min chim mek a nih si hi! YMA hma lakna kal chho zelah veng tina YMA Section te tihchaka hma chak zawka lak a hun e. Chakma, Bru leh HPC(D) tih reng ngai pawh hi a veiawm em mai.
PH FANAI
——————

Pu Hawla tak hi chu aw, a pawi \hin mang e. Kan ram hian chhantu a mamawh asin.
Olivera
———-

NLUP nihna dik tak hi mipui sum hmanga lal\hutthleng lei, thamna(bribery) tenawm tak chi khat a ni zawk lo maw? Eng ang pawhin a thlawna dawngtu hian hmang mah se, pek tawh loh tih mai loh chu hremna dan pawh a awm lo niin a lang. A tum ber chu mi chawi kan ni lovin lal\hutthleng chiah hi a ni. Hei hian kawng dangah nasa taka tuarna, kawng chhia, hlawh lak theih loh etc. tihte min thlen ta mek a nih hi.
Zopa
——————

Tun \uma Police laka Pawl 8 question chu BA pass tan ni zawk se a awm zawk ka ti. Nimahsela interview an tam si a, chhawk \hen a ngai nasa ang tih chu a chiang sa a, chuvang chu a ni mai thei an tih har. Post ruak tam tak hnawh khat zo lo tan chuan a ngaihna a awm lo.
9862385339
—————–

A ruh langin sawi ta mai ila, kum 2013 Aug thlaa CM Lal Thanhawla (Cheng 1 pawh eiru lo inti)-in Kolkata Salt Lake-a ram a lei leh tuna ropui lutuk maia building a sak mek leh kan Ex-CM Zoramthanga’n Bawngkawn peng\huam a hralh chungchang hi Zoram mipuite hian engtinnge kan ngaih? Anni hi Zoram mipuite Budget dik lo taka ei raltu an ni mai lo maw?
Mizo Tlangval
—————–

Vawiin ni 9.11.2017 Vanglaini phek hmaa faina huanga naupang hnap tawlh pur tihlan hi a fuh ber em aw. Pum a khawih nghal rawk rawk mai alawm le.
Xeros
——————

Pawl hrang, kalphung hran \heuh nei ZPM ten ram an hmangaih tak tak a nih chuan party sawi lova pawl khata an inchhun luh si loha, kalphung thar \ha tak duan a awm bawk si loh chuan an insawi ang ngawt hi an ni dawn lo tih mipuite hian kan hai lo.
8730074861
——————

ZPM hi MNF leh Congress duh khawp loh luat avanga lo piang a ni a. MNF kan hrawn tawh, sawi thui lovang kan hria. Congress kan hrawn mek kan hria. Anni pahnih ai hi chuan ZPM hi chu an \ha hrim hrim ang.
RK Sanga
—————–

Party dangin nakkum MLA inthlana Congress sorkar tawh lo tura an rinna chhante – zu zawrh vang, kawngpui chhiat nasat vang, party mi duhsak bik vang leh thil dangte a ni. MNF kum 10 sorkar chhung khan anni pawh engmah an ni chuang lo. Pu Hawla hi a \ha famkim lo, mahse CM kan neih tawh zingah chuan hnathawk nasa ber a ni, zep thu a awm lo. Party mal erawh tumah an sorkar dawn lo. BJP tlema zawngte nen sorkar in\awm apiang dawn tlat. Hei hi neutral thlirna tlang a\anga ka thlir dan a ni. Central sorkar chak tak te hmangin Zoramin hmasawnna thar hmel a hmu dawn a ni. BJP hi hmu Hindu viau suh, Congress nen a danglam chuang lo.
Chhim pa
——————

PC sorkar kha Chakma hnawhchhuah thuah an \ha a ni mai thei. Tuikuk vote duh vanga MLA a dah hmasa ber an ni.
VL Ruata
—————–

Kei chu nakkum MLA thlanna turah hian Congress leh MNF bawk hian Final an khelh ka ring.
9862364435
—————